Biblia Todo Logo
Bib sou entènèt

- Piblisite -




JEREMIAH 4:13 - Cho Bible Common Language 2016

13 Teng vä, ga gui cu khongmei ah mäih ah lawk ci gui nei. Ami ng’tuk nak ah yatha gui koiphak ah mäih ah kya ne, ami ng’she gui cu hmu zong ah ta zangkhai tuba ci mikmi cu mi mäih pyi ci! Mi ng’ziin pyi ci nei!

Gade chapit la Kopi




JEREMIAH 4:13
28 Referans Kwoze  

Shin cu Egypt ah mawng thum’khäh ah kyak ci. Bawipa cu khongmei akyäpah ng cun ne Egypt ah lawk ci nei. Egypt gui ah amiagup gui cu ama ah ng’hlet ci gui, Egypt chang gui ami thagui maih ci.


Bawipa cu mei awn lawk khai. Ani cu am lungshe nak gui m’kyuk gui khai ah kuiphak ng’vai ung ng’cum ne lawk khai nei.


“Ami ng’se gui cu kawng hta ah yaangkhai pi u ne, ei cawi ciah hngei ah ta nget pi ci gui nei. Ng’se cuum ci gui cu a shou nak ah kaa, ng’se awn ng’phäi lawk khai gui, ami k’se gui cu m’dek ung ng’laih khai gui. Ngami cu a i baw lo ne ei khai ah langta ah mäih ah ng’phäi lawk khai gui.


Hmu ah mä yaangkhai pi ne khomik ungka naw m’tawn ci gui, ngami naw na gawt gui ci gui. Ngami naw khogui gui ung na mi neh na läk gui ci gui, ngami naw cäicat vai ah khong’kiang ah na la gui ci gui.


Ami m’la gui cu ghat ne, ami li gui cu kah ghet vai kyak ci. Ami ng’se gui ah khopaw gui cu meikhatlung ah mäih ah liu ne, ami zatha-ping gui cu kuiphka ah mäih ah ng’tum ci.


Bawipa cu kä m’lungshe yäi ci. Cun ung phi ani cu huham mah ci, Akshe cu kä m’kyuk ah kä nawng ci. Bawipa ah hteh nak ah puikhaw khi ci; Akhaw a chaan ung khaw ng’mei m’vut ah thawk ci.


Ngami cu khomdek ah ak cawi, shounn ciah-khopäng gui ah ka lawk ci gui nei. Bawipa naw am lungshe nak awn khaw avan cu m’dishum vai ah lawk ci nei.


Khomdek ak cawi ah ka nang mi ning hnungtuk püi gui khai ah pakhui cu Bawipa naw law püi khai. Cun ah pakhui ah ng’thu cu nangmi naw kä nami hmat khai. Ngami naw hmu kiung ah m’tawn ah mäih ah ning m’tawn gui khai gui.


A nau poi m’neh ciah hnumi ah kyah k’aw, hta htük ciah hnumi ah m’lau ah k’aw ah mäih ah k’aw cu kei naw ka ng’yak ci. Cun cu bawng ne ng’khlet ciah Jerusalem ah k’aw ah kyak ci, ani naw a kut shäng neta a pyen cu, “Kei ka ng’ziin ci nei! Ngami naw law ne na ngawn khai gui nei!”


Teng tu vä, Bawipa cu khawmei ung cun ne kyum lawk ci nei, chang nüng nüng naw hmuk khai gui nei, amät k’htei awn shun te ci gui naw phi hmu tuk khai gui nei. Khomdek ah khan ung chang ah hta avan cu haala yawp khai gui nei. Cun cu akcang ah kya sä!


Cun yah ung chang ah Htapa a kyum law nak vai ah a mawng cu khankho ung dang lawk khai nei. Chang ah Htapa cu khankho ah meibawk ung cum ne, chünla ciah hlüngtai nak la küikyang ciah bämang nak awn a kyum law cu khomdek chang gui naw ami hmuh ung kyap ne m’lau khai gui nei.


Bawipa naw pyen ci, “Phyung puuk tum vä! Ga gui naw hmu ah mäih ah kei ah khaw cu m’tawn lawk ci gui nei. Ka chang gui naw ngami awn ka bi thukhän cu m’shet u ne, Kei ah m’theithang cu hnungtuk ci gui nei.


Lut law htük cicu phongkawng ah mäih lawk ci, hmuu ah mäih ah ang phia gui om ci. Kei naw ka teng yah ung ang phya gui cu kiawi ne kya lawk ci gui. Khiküi cu tho law ne chang ah mäih ah ng’düi ci. Cun kawn ah ani naw chang ah m’lung ngaih ah mäih cu gah ci.


Jerusalem chang gui cu kyap m’lau u ne, “mikmi naw a i hlawk ah shek khai ah mi m’neh awh ci ang! Mi hmaleim cu kä khan khai nei. Shin cu mi näng khai ah mikmi naw mi ngani te ci nei!


Saul la Jonathan cu cäi vai ah ng’khawt ni ne; a täng ah ghing ne, a täng ah sik ci goi; Ngani cu ghui langta ah yangkhai pi ne, phongkawng ah gai pi ci goi.


Ä, Jerusalem cu mü ne hmüp ci nei! Judah cu kyu pyi ci nei! Ami pyen nü la ami bi nü naw Bawipa hnu ng’tuk püi ci nei; ngami naw Khanpughi amät cu m’lepse nak ci gui.


Bawipa ah ng’thumkhän awn khi ciah khokhi cu acun ah ta gaigawng pi ci nei! A chang gui ah khan ah m’khan ah ng’thumcha nak ng’shäu cicu Bawipa amät ah kyak ci nei.


Zion ung ami kyah ah k’aw cu ngai vä: “Kei mi kami di pyi ci nei! Kei mi akbe ah kami thüisei ci nei! Mikmi naw mi kho mi hteh tak khai nei; mikmi ah im gui cu ng’phye pyi ci nei.”


Hmu naw angphia k’phiant ne amtawn ah mäih ah ga gui naw Bozrah cu tuk khai gui. Cun ah hnüüp ung Edom gakap gui cu anau poi m’hneh ciah hnumi ah mäih ah kyi kyawk khai gui.”


Ami ng’se gui ah hteh nak ung thaawk lawk ciah m’vut naw nang cu ning küm khai. Ngami naw di ciah mang gaw m’kawt ami kaan ah mäih ah ami ng’se gui naw ng’hhe gui ami kaih ah k’aw la yatha gui naw nami k’paang gui cu thüng sak khai gui.


Ani la a gakap gui, ani awn atäng ah om ciah changpakhui gui naw puikhokhi ah mäih ah tu u ne, khaw avan cu khongmei ah mäih ah küm khai gui.”


“Siria ghangpughang ah akhin ang pyi law ung, Egypt ghangpughang naw tu lawk khai. Siria ghangpughang naw a huham avan, yatha gui, ng’sela gui la htinpaw akda mang ne ng’tuk püi tuba khai. Ani naw tui klaw ah mäih ah khopäng akda cu tu gui khai.


Cun ah khin a gawk law ung chang gui naw nangmi ah mawng cu di nak ah mang khai gui. Ngami naw nang ah bui awt ah mawng shin ah ng’äi m’cu khai gui; Keimi cu kami di yawp ci nei! Kami khaw phi Bawipa naw la ne tuh ne na näng gui ci gui am pe gui ci nei.”


Ngami naw ami lo gui la ami khim sem gui cu la ge ci gui; ngami cu m’ghämce u ne chingein nak kä om ci gui. Ngami cu ng’se gui ng’cum u ne tuinu ah ng’hmum ah mäih ah kyak ci gui. Ngami cu Jerusalem hnungtuk ne tuk ge vai ah kyak ci gui.”


Kei cu m’gäi ciah Bawipa, ghangpughang. Kei cu ghing ciah khanpughi. Tabor m’htung cu m’htung gui ah khan ah ang tai ah mäih, Karmela m’htung cu tuinu ah khan ah a hlüng ah mäih ah, tumat ah k’tha mah nak naw ning tuk gui khai.


Pakhui tumat naw angphia k’phiaat ciah hmu kiung ah mäih ah Moab cu m’tawn lawk khai nei, cine Bawipa naw shaitak ci nei,


Ahei mä ka ng’mang na ba mä ci. Cun ung läi ng’se yatha phli cu asen ah kyak ciah khomhtung goi ah ng’lak ungka hmä lawk ci goi.


Swiv nou:

Piblisite


Piblisite