JEREMIAH 39:6 - Cho Bible Common Language 2016

⁶ Riblah ung ani naw Zedekiah ah hta gui cu Zedekiah ah hmuh ah sih nak pe gui ci, Judah bawi gui phi ngawn gui ci.

JEREMIAH 39:6 Referans Kwoze

JEREMIAH 52:10

Riblah ung ani naw Zedekiah ah hta gui cu Zedekiah naw a hmuh ge ah sih nak pe gui ci, Judah ang vai gui phi sih nak pe gui ci.

JEREMIAH 21:7

Cun ung phi nang, na bawi gui la ng’tuk nak, camisha la natnak ung ka k’pawih ba ci gui-nangmi nami van cu ghangpughang Nebukhadnezzar la ning ngawn hlü gui ciah nami ga gui am ka ning hnim sak gui khai. Nebukhadnezzar naw sih nak ning pe gui khai. Ani naw nangmi a u phi kä k’pawih nak khai, chimgein nak, chihna nak a u am phi kä m’dang khai, kei, Bawipa naw ka pyen ci.”

2 GHANGPUGHANG GUI 25:7

Zedekiah naw a hmuh ge ah a hta gui cu ngawn gui ci gui; cun kawn ah Nebukhadnezzar naw Zedekiah ah mik cu kawih neta, m’si gui awn khit ne Babilon ah hteh püi ci.

THULÄÄN NAK 28:34

Na yaica nak naw na m’lung ning maih sak khai.

ISAIAH 13:16

Ngami naw am geinka ah kyasei ami hmuh gui ge ah ami hta hta gui cu sik khai ah m’hnoi gui khai gui, ami im gui cu gut gui khai gui, ami chu gui cu k’pyei gui khai gui.”

ESTA 8:6

Shin ah leibei cu kei ah chang gui ah klhan ah gawk law sei, ka mät ah mätyah gui ami ngawn gui ah a kyak ung, kei a i ah ka kyak khai ang?” cik ci.

2 SHONTÄP NAK 34:28

Jerusalem ah khan ah ka law püi vai ah m’kyuk nak cu nang kä na sih pha ung kä gawk lawk khai nei. Kei naw nang cu dinggei nak awn ka ning sih sak khai.” Cun ah chang cu shin ah ng’thu hteh püi ne, ghangpughang Josiah ah om nak ah hteit ba ci.

2 GHANGPUGHANG GUI 22:20

Jerusalem ah khan ah kei naw ka law püi vai ah m’kyuk nak cu nang na sih kawn ah kyak khai. Kei naw nang cu dimdeeih nak awn ka ning sih sak khai.” Chang gui naw shin ah ng’thu law püi ne ghangpughang Josiah ah law ba ci gui.

ATÜNNAK 44:34

A hmaw kä hteh püi ba ne, a i cha ah kapa ah ka hteit ba khai aw? Kapa ah thüisei khükha vai cu kä ka hmu hlük ci nei” cik ci.

ATÜNNAK 21:16

likah vai hlawk ung hteit ne ngaw ne ngäng ci. Cun kawn ah amät ng’htau ne, “Ka hta a sih cu kä ka hmu hlük ci nei” ci neta, a ngawh nak ung kyap ne m’lau ci.

ISAIAH 34:12

Khopäng uk khai ghangpughang kä om ci, ang vaihta gui ami van hteit yawp khai gui.

JEREMIAH 20:4

Bawipa a mät naw a pyen cu, “Kei naw nang cu na mät la na teih püi gui ung m’ghämce ciah ka ning pyan khai, ngami cu ami ga gui naw ami khimsem awn ngawn gui u sei nami hmu gui khai. Kei naw Judah chang gui avan cu Babilonia ghangpughang ah huham ka ung ka tha law gui khai; ani naw amshah cu pha ne akhaw ah hteh püi gui ne, amshah cu sih nak pe gui ci.

JEREMIAH 34:3

Nang cu kä na phyawng khai; nang cu ning pha u ne aniah kutung ning ap khai gui. Nang naw ani cu hmai chum sei na hmuk khai, ak chang mät awn na ni ng’htan khai cun kawn ah nang cu Babilonia ah na hteiticha;

JEREMIAH 38:23

Cun kawn ah kei naw m’khah ba ne, “Na hnumi gui la na htanau gui cu Babilonian gui naw hteh püi guikhai gui, na mät phi ngami ah kut ung kä na phyawng khai. Nang cu Babilonia ghangpughang naw pha ne ning hteh püi khai, shin ah mang gaw cu m’dek ung gawk khai ah m’khih khai gui.”

EZEKIEL 23:24

Ngami naw a siiptäng ah ka naw ning tu law gui khai gui, yatha gui la tui ei gui awn gakap aknui law püi ne ning tu lawk khai gui. Shawi gui kawt ne m’si bikhu ung’büng ne ning khaai khai gui. Kei naw ngami am ka ning ap khai, Ngami naw ami mät ah thukhän awn ning m’khoi chak khai gui.

EZEKIEL 24:5

Akiom pi htome ah meh cu mang vä; k’am ah ka ah sing gui m’sui vä. Tui cu ng’kiah sä aguh la asa gui cu shong vä.”

ZEPHANIAH 1:8

Bawipa naw, “Cun ah ngawn sheh hnüüp ung bawi gui, ghangpughang ah hta gui la chang khui hei ah thungyo läk ci gui cu ka m’kyuk gui khai.