JEREMIAH 39:5 - Cho Bible Common Language 2016

⁵ Cung ung phi Babilonian gakap gui naw k’täm law u ne Zedekiah cu Jerikho khudo pei ah phak ci gui. Cun kawn ah ngami naw ani cu Ghangpughang Nebukhadnezzar ah hteh püici gui ani cu Hmah khopäng Riblah mang gaw ung om ci, acu ah Nebukhadnezzar naw ng’thumcha nak bik ci.

JEREMIAH 39:5 Referans Kwoze

2 GHANGPUGHANG GUI 23:33

Egypt ghangpughang Neko naw ani cu pha ne, Hamath khaw Riblah ung thawng chum ne, Judah khaw am ngui 3,400 kilogram la ghui 34 kilogram cu pek sak gui ci.

JOSHUA 5:10

Israel gui cu Jerikho ah pei Kilkal khawdou ung ami om yah ung, cun ah cha a hnüüp gha lei phli hnüüp phyawn nak pawi bik ci gui.

JEREMIAH 38:23

Cun kawn ah kei naw m’khah ba ne, “Na hnumi gui la na htanau gui cu Babilonian gui naw hteh püi guikhai gui, na mät phi ngami ah kut ung kä na phyawng khai. Nang cu Babilonia ghangpughang naw pha ne ning hteh püi khai, shin ah mang gaw cu m’dek ung gawk khai ah m’khih khai gui.”

JEREMIAH 38:18

Cun ung phi nang naw na kut kä na chak ah a kyak ung shin ah mang gaw cu Babilonian gui am ap khai gui, ngami naw m’khih khai gui, nangmi phi kä nami phyawng khai.”

JOSHUA 4:13

Bawipa ah ma ah chan phya phlikip cu ng’tuk vai ah ng’düi ge u ne, Jerikho pei ah khawdou cu phlän ne hteit ci gui.

NG’ÄI KYAH 4:20

Ngami naw mi ghin nak ah a phung cu khäm ci gui. Bawipa naw aghü ah ghangpughang, ani cu na tu law gui phung ung na shungvong gui khai ah mi ng’ap nak ah kyak ci.

NG’ÄI KYAH 1:3

Judah chang gui cu amgein kaa changshäm gui, im ungka ahei ah ami gawt gui ah kyak ci. Ngami cu a khohei ung om ci gui, ami mät ah hmun vai a i kä om ci Gaa gui naw ami koi gui, phiawn nak vai ah lam kä om ci.

JEREMIAH 4:12

Bawipa ah ng’thumkhän awn khi ciah khokhi cu acun ah ta gaigawng pi ci nei! A chang gui ah khan ah m’khan ah ng’thumcha nak ng’shäu cicu Bawipa amät ah kyak ci nei.

2 SHONTÄP NAK 33:11

Cun ah kyasei Bawipa naw Assirian gabawi gui am Judah cu a tuk sak gui ah kyak ci. Ngami naw Manasseh cu pha u ne, m’si hling awn kaih u ne, m’si gui awn khit u ne, Babilon ah hteh püi ci gui.

2 GHANGPUGHANG GUI 25:6

Zedekiah cu Ghangpughang Nebukhadnezzar ah om nak Riblah ah hteh püi u khäta, Nebukhadnezzar naw ng’thumcha nak bik ci.

2 GHANGPUGHANG GUI 17:24

Assirian uktubawi naw Babilon, Cuth, Ivvah, Hamath la Sepharvaim mang gaw gui ungka chang gui cu la gui neta, omktu ah om ci gui ah ami hnün, Samaria mang gaw gui ung ami om nak vai pe gui ci. Ngami naw cun ah mang gaw gui cu ka na u ne, a cun ung om ci gui.

2 SAMUEL 8:9

Hadadezer ah gakap gui avan David naw a hnim cu Hamath ghangpughang Toi naw ng’yak ci.

SUKI GUI 3:3

Cun ah khaw ung om tu lä ci gui cu, Philistin mang gaw hma, Kanaanit gui avan, Sidonian gui, la Lebanon m’htung ungka naw Hamath hteng ung khüt ciah Baala Hermon m’htung ung om ciah Hivit gui ah kyak ci.

JOSHUA 13:5

Kebalit gui ah khaw, Lebanon avan ungka naw akiang täng, Baalkad ungka naw, cun cu htumtäng Hermon m’htung ungka naw Hamath hteng ung khüt ci.

KHEI NAK 13:21

Ngami cu a siiplam ah hteit u ne, Zin khaw bung ungka naw a htumtäng lam avan Rehob ung khüt ne Hamath a siip ah hteh nak lampei avan ung ng’däät ci gui.

JEREMIAH 21:7

Cun ung phi nang, na bawi gui la ng’tuk nak, camisha la natnak ung ka k’pawih ba ci gui-nangmi nami van cu ghangpughang Nebukhadnezzar la ning ngawn hlü gui ciah nami ga gui am ka ning hnim sak gui khai. Nebukhadnezzar naw sih nak ning pe gui khai. Ani naw nangmi a u phi kä k’pawih nak khai, chimgein nak, chihna nak a u am phi kä m’dang khai, kei, Bawipa naw ka pyen ci.”

JEREMIAH 24:8

“Judah ghangpughang zekekiah, la ani koi ciah naigan gui la Jerusalem ung om ba ciah chang van shin ah khaw ung om ci gui kä cung Egypt ah ng’plon ci gui cu-kei, Bawipa naw ei ung kä ni aih ne shek ciah shin ah thei she gui ah mäih ah ka om püi khai.

JEREMIAH 44:30

Kei naw Judah ghangpughang Zedekiah cu a ni ah ga, ani ngawn hlük ciah aga gui am ka apkhai.”

JEREMIAH 49:23

Shin cu Damaskas ah amawng Bawipa naw a pyen ah kyak ci: “Hamath la Arpad mang gaw gui ung om ciah chang gui ng’ä ai ne khüi kha ci gui, a i ah kyasei ci ung ngami naw thushe ami ng’yak ah phäh ah kyak ci. Tuinu ah khan ah tui ang hnawh ah mäih ah ami khan ah kyasei ngami cu kä ng’düm hlawt ci gui.

EZEKIEL 23:24

Ngami naw a siiptäng ah ka naw ning tu law gui khai gui, yatha gui la tui ei gui awn gakap aknui law püi ne ning tu lawk khai gui. Shawi gui kawt ne m’si bikhu ung’büng ne ning khaai khai gui. Kei naw ngami am ka ning ap khai, Ngami naw ami mät ah thukhän awn ning m’khoi chak khai gui.

HABAKKUK 1:7

Ngami cu kyikyawk ne püigai u ne, chang ah ami ng’shei nak naw ami mät m’khoicha gui ci nei.

ISAIAH 22:3

Nami chang vai guiami van dawng yawp ci gui, m’la thek ät phi kä ami kah pha ung ami pha gui nei.