JEREMIAH 39:16 - Cho Bible Common Language 2016

¹⁶ m’gai ciah Bawipa, Israel khanpughi ah pyen cu Sudanese chang Ebedmelek am ka m’thein vai ah kyak ci, “Kei naw ka pyen ah mäih ah ka bik khai kei naw shin ah mang gaw ah khan ah kikap nak la kä bämang nak cu ka law püikhai. Cun gui a kyak yah ung nang naw a cu ah om me na hmuk khai.

JEREMIAH 39:16 Referans Kwoze

DANIEL 9:12

Keimi la kami uktu gui ah khan ah na bi vai ah na pyen cu nang naw na bik ci. Nang naw khomdek khan ah mang gaw gui nicii ah da pi khai ah Jerusalem cu na m’kyuk ci.

ZEKHARIAH 1:6

Kei naw ka chang gui prophet gui ung nami pupa gui am thumkhän la m’cäi nak cu ka pe gui ci. Cun ung phi ngami naw a i ah kä ngai u ne, acun ah amawng ma ung yaica ci gui. Cun kawn ah ngami cu ng’yu ba u neta, kei M’gäi ciah Bawipa naw ka pyen ah mäih ah ka m’kyuk gui ciah pyen ci gui.’ ”

MATTHE 24:35

Khankho la khomdek a maih ung phi kei ah thu cu kä maih khai nei.

JEREMIAH 36:31

Kei naw nang, na htangshon gui la na bawi gui cu ka m’kyuk gui khai, a i ah kyasei ci ung cun cu nami van ch katnak ah phäh ah kyak ci. Nang la Jerusalem la Judah ung chang gui naw kei ah thukbäi cu a i ah kä nami sui ci gui. Cun ah kyasei nangmi ka ning m’kyin nak gui ah leigai cu nami van ah khan ah ka law püi khai.”

JEREMIAH 35:17

Cun ah kyasei kei, m’gäi ciah Bawipa, Israel khanpughi naw nangmi Judah la Jerusalem ah khan ah kei naw ka shaitak ah dishum nak avan cu ka law püi khai. Kei naw cun cu ka bik khai, a i ah kyasei ci ung kei naw ka ning thu püi gui kä ngai u ne, ka ning khügui ung kä nami äi ci.”

JEREMIAH 34:22

Kei naw thukbäi ka pek gui ung ngami cu mang gaw ah law ba khai gui ngami naw tu u ne, khäm u ne, mei aw m’khih khai gui. Kei naw Judah gawnu gui cu a u ah kä um nak ah bung pya ah mäüh ah ka pyang kha kei, Bawipa naw ka pyen ci.”

JEREMIAH 26:20

(Cun kawn ah ahei chang tumat om ba ci, ani cu she maiah hta Uriah kiriah Jearim ah ka ah kyak ci, ani naw Jeremiah ah mäih ah shin ah mang gaw la changpakhui cu hnungtuk ne Bawipa ah min gung thu pyen ci.

JEREMIAH 26:18

Hezekiah cu Judah ghangpughang ah a kyak yah ung, moresheth ah ka prophet mikah naw chang gui avan a pyen nak gui cu, m’gäi ciah Bawipa naw pyen ci, ‘Zion cu lai ah mäih ah thawn khai gui, Jerusalem cu akshe gui oum ah kyak khai, Taigüim m’htung cu bung ah kyak khai.’

JEREMIAH 26:15

Cun ung phi nami hmat vai cu, kei nami na ngawn ah a kyak ung, nangmi la shin ah mang gaw ung chang gui cu changni ngawn na phäh ah katnak gah khai gui, a i ah kyasei ci ung, shin ah thukhän ka ning pe gui khai ah kei cu Bawipa naw ana tüih law ah kyak ci.”

SAM 92:11

Kei naw ka ga gui na tuk cu hmu ne, changshe gui ah kyah cu ka ng’yak ci nei.

2 SHONTÄP NAK 36:21

Cun ah kyasei cun cu Bawipa naw prophet Jeremiah ung ng’cängbang nak a pyen ah kümbe nak ah kyak ci: “Kho ng’lei cu khokum chih kip ung shiü khai nei, cun cu kyiin hnüüp ung düm vaisü te, kä bi ah phäh ah kyak khai nei.

JEREMIAH 44:27

Nangmi cu kä nami bühmang khai, nami di khai, cun cu kei naw ka hmuk khai. Nangmi nami van tumat phi kä ak pawih ba güt, ng’tuk nak awn baw, gaw pyan nak awn baw nami sik khai.

AMOS 9:4

Ami ga gui naw ami pha gui ung phi, ami ngawn gui vai ah ka bäi gui khai. Ami m’di gui vai, kä ami m’htei tu gui vai ah kei naw ka pyen khai” cik ci.

JEREMIAH 40:3

tuhbäi ani naw abi vai a pyen cu bik ci nei. Shin gui avan cu kya lawk ci, a i ah kyasei ci ung na chang gui naw Bawipa hnugtuk püi ne kafnak bi u ne, ani cu kä ngai ci gui.