JEREMIAH 38:7 - Cho Bible Common Language 2016

⁷ Ehtiopian chang, Ebedmelek, bawi mang im ung hnumi uk ci naw, kei tuishawk ung ami na yuk chak cu ng’yak ci. Cun ah akhin ung ghangpughang cu Benjamin m’kawt ung yung bii bi ne om ci.

JEREMIAH 38:7 Referans Kwoze

JEREMIAH 37:13

Cun ung phi kei, Benjamin m’kawt ung ka gawk law yak ung, acun ung ng’vaipi ne bii bik ciah gakap gui ah ami bawi Irijah ming nak ci, Shelemiah ah hta, Hananiah ah tu naw ng’düih sak neta, “Nang cu Babilonian chang gui täng ah na dawng ci nei!” cik ci.

JEREMIAH 29:2

Kei naw shin ah ca cu Ghangpughang Jehoiachin, anu, mang im bawigui, Judah la Jerusalem angvai gui, Shep pyaing ci gui, la bii bi thei ci gui, omktu ah ami hteh püi guikawn ah ka guic nei.

AMOS 5:10

Nangmi chang gui naw kä taga ci m’taga ne, mang ah m’kawt ung düng sei ng’thu cicu nami thüi nak ci.

THULÄÄN NAK 21:19

A nupa gui naw ani cu a om nak ah gawnu ung ang vai gui ah ma ah hteh püi u ne yung ung ami ng’düih sak vai.

MATTHE 20:16

Cun kawn ah Bawipa Jesuh naw, “Cun ah kyasei hnu lawk ciah chang gui cu ma u ne, ma ciah chang gui cu hnu khai gui nei,” cine kyak na gui ci.

JEREMIAH 13:23

Asa le naw avun cu ng’thawng sak hning ne ang? Kawng hta naw a git ng’plon sak hning ne ang? Cun gui ami kyak hning ah a kyak ung akshe gui cu angdüng ah kya thei khai gui nei.

SAM 68:31

Egypt khaw ah ka ng’shä gui law u sä; Sudan chang gui naw ami kut shäng ne Khanpughi ah taigü u sä.

2 GHANGPUGHANG GUI 24:15

Nebukhadnezzar naw Jehoiachin cu pha ne Babilon ah hteh püi ci, Jehoiachin ah anu, akchu gui, a bawi gui, Judah ung tängpang ci gui avan cu hteh püi gui ci.

JOSHUA 20:4

Ani cu shin ah mang gaw tumat mat ung dawng hning ci, mang gaw m’kawt valuh nak ah m’khoicha nak ung hteit ne, amawng ma cu angvai gui am am thein gui vai. Cun ung ngami naw mang gaw kyong ah luh püi u ne, a om ak vai ah hmun pek khai gui, ani acun ung om hning ci.

ISAIAH 56:3

Akhohei chang, Bawipa ah chang ung ng’dawn tuk ci naw kä a pyen vai gui cu, “Bawipa naw a chang gui awn atäng ah kä na khawihnah sak khai” ciah kyak ci. Amia phyet ah chang tumat kä hta nau hning khai naw phi, ani cu khanpughi ah chang ah kä kya hlawt khai ah kä ang ngaih vai.

JEREMIAH 20:2

kei cu na that u neta, Taigüim akhan täng Benjamin m’kawt ung gui awn khit ne ami na k’pawn vai ah k’bäi ci.

JEREMIAH 26:16

Cun kawn ah angvai gui la chang gui naw taigü gui la prophet gui ami pyen nak gui cu, “Ani naw Bawipa mi khanpughi ah min gung mi khan ah ng’thu pyen ci; ani cu ngawn vai ah kä kyak ci.”

JEREMIAH 38:8

Ebedmelek cu acu ah hteit neta ghangpughang ah ma ah a pyen cu,

ZEKHARIAH 14:10

Khaw ng’lei avan a siiptäng Keba ungka naw, a htumtäng Rimmon ung khüt khai ah pingtei sa khai. Jerusalem cu khaw avan ah khan tänghän ah kyak khai; Mang gaw cu Benjamin m’kawt ungka naw m’kiungtung m’kawt ung khüt ci, cun cu yanä m’kawt man ah kyak ci. Hananela tänghän ungka naw mang ah sapyit neen nak ung khüt ci.

NG'THU K'THUUK~ 29:10

Ng’sai gha ciah chang gui naw changnicu thüi nak ci gui. Cun ung phi düng ciah chang gui naw cun ah mäih ah changniah hnun gui cu shungvong ci gui.