Biblia Todo Logo
Bib sou entènèt

- Piblisite -




JEREMIAH 38:4 - Cho Bible Common Language 2016

4 BAWI gui naw ghangpughang ah hteit neka ami pyen cu, “shin ah chang cu ngawn vai nei. Shinah mäih ah ng’thu pyen ne ani naw mang gaw kyong ah gakap gui cu k’tha ken sak ci. Ani naw chan gui m’htei gui vai ah a i kä bik ci, cmi nat nak vai vah ng’ya hlük ci.”

Gade chapit la Kopi




JEREMIAH 38:4
25 Referans Kwoze  

Taigü gui la prophet gui naw ami ng’vai gui la chang gui ami pyen nak gui cu, “Shin ah chang cu mi mang gaw hnungtuk ne ng’thu pyen ci kyasei ngawn vai nei, ani ah pyen cu nami hnga awn nami ng’yak ci nei.”


Ngahni cu Roman bawi gui ah ma ah hteh püi goi u netah, “Shin ah chang goi cu Judah chang goi ah kya ci nei, Pigaw kyong ah thüngphyong khai ah bi bik ci goi nei.


Amaziah, Bethela ung taigü naw, Israel ghangpughang Jeroboam am ng’thu am thein law cu, “Amos naw chang gui ah ng’lung ah nang cu düm ah ning hnungtuk püi ci nei, ani ah ng’thu naw khaw cu di sak khai nei.


Thawng kium ah kya ne nami hteh vai ah ka ning bi nak gui mang gaw gui ah ni nak vai, a i ah kyasei ci ung ngami ami bühmang law ung nangmi phi nami bühmang tuk khai.


Keimi kami bii kami m’düm vai ah ngami naw k’tha na ne na m’kyih gui ci gui, “Cun ung phi tuhbäi, Khanpughi aw na thamah sak ba ä” cine ka taigü ci!”


Ahab naw Elijah cu hmu neta, “Ka ga aw, kei na na hmu ne ma?” cik ci. Elijah naw, “Ä, ka ning hmuk ci nei, nang cu Khanpughi täng ah akshe akbe ah bi vai ah nang ap ci nei.


Ghangpughang naw Moses la Aaron am, “A i ah kyasei chang gui ami bii nami ng’düm sak gui ang? Cun ah changshäm gui bii bi ba sak gui vä!


Cun ung phi chang akda naw, a hawi hawi baw, nang ah pati ah mawng cu hnu ng’tuk püi ne ng’thu ci gui nei. Cun ah kya sei nang ah pati ah mawng cu keimi naw phi kami ng’ya tu hlük ci nei” cik ci gui.


Shin ah chang cu k’tüphlawh thei ciah kyihkyawk vai ah chang ah kami hmuk ci nei. Ani naw khom’dek khan ung Judah chang gui thüngphyong khai gui ah tüihtok gui ci nei. Ani cu Nazaret chang ah pati ung ng’vai tumat ah kyak ci nei.


Shui ne kä hmu goi u netah cun ah chang gui naw, Jason la yum ciah chang amshah cu pha ne, bawi ng’vai gui ah ma ah law püi u netah, “Shin ah chang gui naw theit shüi shüi ne chang yaica sak ci gui, ngami tuk bäi mikmi ah gawnu ah gawk law u sei Jason naw a im ah dou gui ci.


Ngami naw, “Shin ah chang kami pha ah mawng cu Khanpughi-am k’phlam kä pe ba vä, cine chang gui m’cäi gui ne, amät naw amät phi ‘Kei Messiah nei, Kei ghangpughang nei’ cine kya sei, kami hmuk ci nei” cine kyak ci gui.


Azozah bawi gui cu ami lawk ah khisa phyit ne k’teek ciah hnei ah mäih ah kyak ci gui. Ngami naw ami ng’mang nak vai ah chang ngawn ci gui.


“Nang kami bawi naw na hmat vai kami ng’yak hlü cu ahei na khopäng gui ungka lawk ciah Jew chang gui cu shin ung law u ne, Jerusalem ung khäng ne om u ne, shekha ne ng’küknet ciah mang gaw cu co ba ci gui nei. Ngami naw tün ne gawkpaang cu co ba pyi ci gui. Kä shou pha sei pyi lawk khai gui nei.


Ghangpughang Joash cu Zechariah hnungtuk püi ci gui ung ng’dawn tu neta, ghangpughang ah thuk’bäi awn chang gui naw Taigüim hmun kyong ah Zechariah cu lung awn vawi ne ngawn ci gui.


Anathoth chang gui naw kei cu na ngawn hlük ci gui, kei naw Bawipa ah ng’thu k’pang ne ka ng’shäu ah a kyak ung, na ngawn khai gui ah pyen ci gui.


Cun ung phi Bawipa, kei na ngawn khai gui ah ami pawng m’htein avan cu nah mat ci nei. Ngami ah cheishoh nak kä m’geinsei en gui ä, ami katnak kä k’phiawn en gui ä. Ngami cu hnim ne shum sak gui ä, na m’lungshe nak awn om püi gui ä.”


Cun ah kyasei ghang pug hang Zedekiah naw adüm ah shai tak ha pek ci, “Kei cu ghing ciah khanpughi ah kyak ci, kei naw sih nak kä ka ning pek khai, käcung nang ning ngawn hlük ciah chang gui am kä ka ning ap khai.”


Nang awn ni ng’htam bawi gui naw ami ng’yak ah a kyak ung, mikmi naw a i mi pyen ah law ne ning shi lawk khai gui. Angnü na m’thein gui ah a kyak ung sih nak kä ning pek vai cine phi shaitak khai gui.


Keimi na na hnung tuk püi gui khai ah Neriah ah hta Baruk naw ning m’tho let ci nei, cun ah kyasei Babilonian gui naw keimi ah khan ah huham mah u ne, keimi na ngawn guihning ci gui.” Cik ci gui.


Swiv nou:

Piblisite


Piblisite