JEREMIAH 38:23 - Cho Bible Common Language 2016

²³ Cun kawn ah kei naw m’khah ba ne, “Na hnumi gui la na htanau gui cu Babilonian gui naw hteh püi guikhai gui, na mät phi ngami ah kut ung kä na phyawng khai. Nang cu Babilonia ghangpughang naw pha ne ning hteh püi khai, shin ah mang gaw cu m’dek ung gawk khai ah m’khih khai gui.”

JEREMIAH 38:23 Referans Kwoze

JEREMIAH 41:10

Cun kawn ah ani naw ghangpughang ah hta hnumi gui la mizpah ung om ciah chang avan cu pha gui ci, ngami cu kedaliah naw am htei gui vai ah gabawi Nebuzaradan naw atha te ah kyak ci. Ishmaela naw cun gui cu pha gui neta Ammon khopäng täng ah hteh püi gui ci.

JEREMIAH 39:6

Riblah ung ani naw Zedekiah ah hta gui cu Zedekiah ah hmuh ah sih nak pe gui ci, Judah bawi gui phi ngawn gui ci.

JEREMIAH 38:18

Cun ung phi nang naw na kut kä na chak ah a kyak ung shin ah mang gaw cu Babilonian gui am ap khai gui, ngami naw m’khih khai gui, nangmi phi kä nami phyawng khai.”

2 GHANGPUGHANG GUI 25:7

Zedekiah naw a hmuh ge ah a hta gui cu ngawn gui ci gui; cun kawn ah Nebukhadnezzar naw Zedekiah ah mik cu kawih neta, m’si gui awn khit ne Babilon ah hteh püi ci.

EZEKIEL 43:3

Shin ah muimang cu, Khanpughi naw Jerusalem m’di khai ah a law ung ka hmuh ah mäih, Chebar tuinu pei ah ka hmuh ah mäih ah kyak ci. Cun ung kei cu m’dek ung hmai na ne ka ng’bawk ci.

EZEKIEL 14:9

“Prophet tumat cu hleei hlak ne kä hman ciah m’hlan nak a pek ah a kyak ung, cun cu kei Bawipa naw k a m’hleei hlak ah kyak ci nei. Kei naw ani cu Israel Chang ungka, ka heeng khai.

JEREMIAH 6:12

Ami im gui, ami lolai gui la ami chu phi chang hei gui om pe gui khai gui. Shin ah kho ung om ciah chang gui cu kei naw ka m’kyuk law gui khai.

JEREMIAH 32:4

ghangpughang Zedekiah cu kä piawng khai. Ani cu Babilonia ghangpughang am ap khai gui; ani naw ani cu hmai chum ne hmu ne, amät naw ng’cecäk püi khai.

JEREMIAH 37:8

Cun kawn ah Babilonian gui law ba u ne, mang gaw tuk khai gui, khäm khai gui, m’khih khai gui.

JEREMIAH 38:24

Zedekiah naw m’shang ne, “shinah thum’gawn ah mawng cu chang tumat naw phi kä hmat en sä, nang ah ghin nak ung kyih vai kä om khai nei.

JEREMIAH 39:5

Cung ung phi Babilonian gakap gui naw k’täm law u ne Zedekiah cu Jerikho khudo pei ah phak ci gui. Cun kawn ah ngami naw ani cu Ghangpughang Nebukhadnezzar ah hteh püici gui ani cu Hmah khopäng Riblah mang gaw ung om ci, acu ah Nebukhadnezzar naw ng’thumcha nak bik ci.

EZEKIEL 17:15

Cun ung phi Judah ghangpughang naw kuknet neta Egypt ah a Chang tüi ne, ng’se gui la gakap akda cu k’thäh ci. Ani näng khai ang? Ani cun ung phyawng khai ang? Ani naw thukbäi bi nak cu kä m’shet hlawt khai, m’kyuk nak kä gah ah kä kya hlawt khai!

KHEI NAK 4:18

“Kohath pahta gui cu kä nami law sak gui vai.

JEREMIAH 21:10

Shin ah mang gaw cu kä m’düm ne m’di vai ah kei naw ka m’lung ung ka k’bäi pyi ci. Shin cu Babilonia ghangpughang am ap vai, ani naw m’dek ung khüt khai ah m’khih khai. Kei, Bawipa naw ka pyen ci nei.”

JEREMIAH 34:3

Nang cu kä na phyawng khai; nang cu ning pha u ne aniah kutung ning ap khai gui. Nang naw ani cu hmai chum sei na hmuk khai, ak chang mät awn na ni ng’htan khai cun kawn ah nang cu Babilonia ah na hteiticha;