JEREMIAH 38:2 - Cho Bible Common Language 2016

² Kei naw ka m’then gui ah Bawipa naw a pyen ah ng’thu cu,” mang gawpyam nak ung sik khai. Cun ung phi akpung ah hteit ne Babilonian gui ah ma ah a kut chah ci phung cu kä ngawn khai gui; ngami cu ani hnun ghin nak läi cu phyawng khai gui”

JEREMIAH 38:2 Referans Kwoze

JEREMIAH 39:18

Kei naw ka ning phiawn sak gui khai, nangmi cu sih nak kä ning pe gui khai gui. Nangmi cu nami hnun gui phyawng khai, a I ah kyasei ci ung nang mi naw kei nami na ngaih a ci. Kei, Bawipa naw ka pyen nei.”

JEREMIAH 45:5

Nami mät naw nami mät aktung ah bi nak cu nami shui ne ma? Kä nami ci vai. Kei naw hnicim chang avan ah khan ah leigai ka law püi ci, cun ung phi nangmi nami ghin nak läi cu a hawi nami hteh ung phi phyawng khai. Kei, Bawipa naw ka pyen ci.

JEREMIAH 34:17

Cun ah ki asei tuhbäi, kei Bawipa naw ka pyen cu, nangmi naw kä nami na ngai ci, nangmi naw nami Israel paw gui ami phiawn nak vai kä nami pek ci. Ak bä ah kei naw phiawn nak ka ning pe gui khai; cun cu phyawng ne ng’tuk nak gawpyam nak, ei cawi nak ung sih nak ah kyak ci nangmi ah khan ah ka bi nak awn khomdek khan ah chong pakhui nei kyikyawk khai ah ka bik khai.

EZEKIEL 14:21

Shin cu Uktu Bawipa ah a pyen ah kyak ci nei: “kei naw Jerusalem ah khan ah ak kaa pikbäih m’kyuk nak phli cu ka tüi lawk khai-cun gui cu ng’tuk nak, lei gai, khisa nget la gawp yam nak ah kyak ci-cun gui naw Chang gui la seime gui cu m’di khai gui.

JEREMIAH 42:17

Egypt ah hteit ne om vai ah ling ciah chang avan cu ng’tuk nak ung baw, ei cawi ne baw, gaw pyan ne baw sik khai. Tumat phi kä k’pawih ba khan, Ngami ah khan ah kei naw ka law püi ah lei gai cu tumat naw phi kä phiawn nak khai.’

EZEKIEL 7:15

Lam gui ung ng’tuk nak gui om ci, im gui kyong ah gawp yam nak la ei cawi nak om ci. Khopäng ah akpung ah lut lawk ci phung cu ng’tuk nak ung sik ci, mang gaw kyong ah om ci gui cu gawpyam nak la ei cawi nak ung sik khai gui.

EZEKIEL 6:11

Uktu Bawipa nae pyen ci, “Irsael chang gui naw ami bi ah akshekha gui avan la shemshai ci gui ah phäh ah name kut teen nei, name khaw k’suh ne! azä ne kyap vä. Ngami cu ng’tuk nak ung, m’gaang ung, natnak ung sik khai gui nei.

JEREMIAH 44:13

Kei naw Jerusalem ka m’kyuk ah mäih ah Egypt ung om ci gui cu ka m’kyuk gui khai-Cun cu ng’tuk nak, ei cawi nak la gawpyam nak awn ah kyak khai.

JEREMIAH 42:22

Cun ah kyasei shin cu shüm ba vä; nangmi hteit ne nami om nak hlü ah khaw päng ung ng’tuk nak, ei cawi nak la gawpyan nak awn nami sik khai” cik ci.

JEREMIAH 29:18

Kei naw ng’tuk nak, ei cawi nak la gaw pyam nak cu ami khan ah ka gawk sak khai. Khomdek khim ung changpakhui aran naw cun cu hmu neta kyikyawk khai gui. Kei naw ka püipiang sak nak gui päing ah, ngami ah khan ah kya lawk ci gui ah phäh ah chang gui cat a ne kyi aih khai gui. Chang gui naw Shedam na gui u ne ami ming cu plah taam nak ung mang khai gui.

JEREMIAH 27:13

Ai ah kyasei nang la na chang gui cu ng’tuk nak, ei cawi nak la gawpyan nak awn nami sih ang. Cun cu Babilonia Ghangpughang ung kä ng’kiaa ciah pakhui ah khan ah kya lawk khai ah Bawipa naw a pyen ah kyak ci nei.

JEREMIAH 24:8

“Judah ghangpughang zekekiah, la ani koi ciah naigan gui la Jerusalem ung om ba ciah chang van shin ah khaw ung om ci gui kä cung Egypt ah ng’plon ci gui cu-kei, Bawipa naw ei ung kä ni aih ne shek ciah shin ah thei she gui ah mäih ah ka om püi khai.

JEREMIAH 21:4

Cun cu Israel khanpughi ah ng’thu Zedekiah am m’thein vai ah kyak ci, ani naw pyen ci, “Zedekiah, Babilonia ghangpughang la a gakap gui hnungtuk ne ng’tuk ci gui ah na gakap gui cu kei naw ka hnim lawk khai nei. Na gakap gui ah likhim gui cu mang gaw ah ng’lung ung ka k’bum khai nei.

JEREMIAH 27:11

Cun ung phi pakhui tumat mat cu Babilonia Ghangpughang ah ng’kiaa ne abii abi ah a kyak ung, kei naw ani cu amät ah khaw ung nei sak ne, vook kyan sak ne, acung ka om sak khai. Kei, Bawipa naw ka pyan ci.”

JEREMIAH 29:16

David ah uk man ah uknak khaw uk cian ghangpughang la shin ah mang gaw ung chang gui ah mawng Bawipa naw a pyen cu ngai rä, Cun ah chang gui cu nangmi awn atäng ah pha ne kä ami hteh püi gui ah nami mätyah gui ah kyak ci nei.