JEREMIAH 37:3 - Cho Bible Common Language 2016

³ Ghangpughang Zedekiah naw Shelemiah ah hta Jehukala la marseiah ah hta Taigü Zephaniah cu kei ah tüi law ne, mi pakhui ah hnün ung om ne, Bawipa, mei khanpughi ah tai gü vai ah ng’shi thäh law sak ci

JEREMIAH 37:3 Referans Kwoze

JEREMIAH 52:24

Cun kawn ah mä gabawi Nebuzaradan naw, Taigü tung Seriah, Taigü kem Zephaniah la ahei Taigüim ung küikyang ciah bawi thum gui cu pha ne hteh püi ci.

JEREMIAH 42:20

nangmi cu aktung ah nami hma ci, nangmi ah hmawk ah Bawipa mi khanpughi ah tiagü vai ah nami na K’thäh ci, ani naw ang thumkhan phung nami bik kai ah phi shai nami tak ci.

JEREMIAH 2:27

Nangmi nami van nami thüi khai, sing ghing cu nami pa, lungkheng cu nami nu ah nami pyen khai. Cun ah akiak cu a i kyak sei ci ung kei ah nami ng’hlah law ba nak vaisü ung, kei nami na ng’hlah tak ah phäh ah kyak ci. Cun ung phi khüikha nak ung nami gawk law ung law ne ka ning hun gui vai ah nami na k’thäh ci.

1 GHANGPUGHANG GUI 13:6

Ghangpughang Jeroboam naw prophet pyen nak ci, “Na bä ne, Bawipa, na Khanpughi ah nak taigü peä, ka kut ana khan sak vai ah nak thäh peä!” Prophet cu Bawipa ah taigü khäta, ghangpughang ah kut cu khan ci.

LAMKTU 8:24

Simon naw Peter lah Johan am, “Tuhbäi na ni pyein gui cu kei ah khan ah kä a gawk law vai ah Khanpughi ah nak taigü pe nä” cine ng’yawi ci.

JEREMIAH 38:1

Mattan ah hta Shephantiah, Pashhur ah hta kedaliah, shelemaih ah hta Jehulcala, malachiah ah hta Pashur gui naw kei naw chang gui ka m’thein gui cu ng’yak ci gui.

JEREMIAH 29:21

“M’gäi ciah Bawipa, Israel Khanpughi naw Kolaiah ah hta Ahab la maaseiah ah hta Zedekiah ah mawng cu pyen ci, ngami naw kei ah min ung ami hleei ning m’thein gui ci gui. Ani naw pyen ci, Babilonia Ghangpughang Nebukhadnezzar ah huham ung ani naw ngami wap gui khai, ani naw ngami cu nami hmuh ah sih nak pe gui khai.

1 SAMUEL 12:19

Cun kawn ah ngami naw Samuel am, “Na bä ni saza, keimi ah phäh ah Bawipa na Khanpughi ah na taigü pe gui vä. Cun ung keimi kä kami shik khai. Keimi naw kami hmat lawk ci, kami hma gui avan ah kawn ah ghangpughang kami thäh nak awn kami hma ba mä ci nei” cik ci gui.

KHEI NAK 21:7

Chang gui cu Moses ah law u neta, “Keimi cu Bawipa la nang ning hnungtuk püi ne, kami ng’thu nak awn kami hma ci nei. Tuhbäi shin ah phyu gui ak täm ba vai ah Bawipa ah nak taigü pa gui ä” cik ci gui. Cun ah kyasei Moses naw chang gui ah phäh ah taigü ci.

PHYAWN NAK 10:17

Tuhbäi ka katnak cu na geinsei ne, shin ah kyih vai ah m’kyuk nak cu a thuuk ah a lak ba vai ah Bawipa nami Khanpughi ah taigü vä” cik ci.

PHYAWN NAK 9:28

Bawipa ah taigü vä! Keimi cu shin ah hmumkyeek la gääi nu awn kami ng’büh khai nei. Kei naw shai ka tak ci, ka ning hteh sak gui khai nei, shin ung nangmi kä nami om tu ba khai nei” cik ci.

PHYAWN NAK 8:28

Ghangpughang naw, “Bung ah Bawipa nami Khanpughi nami petak khawihnah khai ah ka ning hteh sak gui khai, a shou nak ah kä nami hteh en vai nei. Kei ah hmawk ah nami taigü vai nei” cik ci.

PHYAWN NAK 8:8

Ghangpughang naw Moses la Aaron cu khü goi neta, “Shin ah k’u gui k’täm gui vai ah Bawipa ah taigü ni ä, cun ung nami chang gui ka hteh sak gui khai, cun ung ngami naw ami Bawipa cu khawihnah pe tak hlawt khai gui nei” cik ci.

JEREMIAH 15:11

Bawipa, kei naw nang ah bii akni ah kä ka bi ah a kyak ung, ka ga gui khuikhanak la shedam nak ami gawk law ung ami ng’paa nak vai ah kä ka hnungtuk ah a kyak ung ami ng’plah taam nak avan cu bä sä.

JEREMIAH 37:7

Zedkiah ka pyen nak vai cu, “Egypt gakap gui cu nang ning bawm khai gui ah kai lawk ci gui,’ Cun ung ami im ah ng’hlat ba khai gui.

JEREMIAH 37:17

Cun kawn ah Ghangpughang Zedekiah naw na la law tuneta manu im kyong ah adüm ah ana ng’shi cu, “Bawipa ah ng’thu a i baw om naw?” Kei naw, “om ci nei,” cineta ka m’khah ba cu, “Nang cu Babilonia ghangpughang am ning ap khai gui.”

JEREMIAH 42:1

Gakap bawi gui ami van, Kareah ah hta Johanan la Heshaial ah hta Azariah gui cu ang bum päng ung chang gui awn law u neta