JEREMIAH 36:9 - Cho Bible Common Language 2016

⁹ Jehoiakim, Judah ghangpughang ah a kyak nak, kum hma nak ah a cha kaw nak ung chang gui naw Bawipa ah m’kuum nak gah vai ah ei hlawi ci gui. Ei hlawi nak cu Jerusalem ung om ciah chang avan la Judah khaw gawnu gui ungka lawk ci gui ami van naw bik ci gui.

JEREMIAH 36:9 Referans Kwoze

2 SHONTÄP NAK 20:3

Jehoshaphat cu kyikyawk neta, Bawipa naw lam am shüm vai ah taigü ci. Ami khopäng avan ung chang gui ei hlawi ne ami taigü vai ah thu k’bäi ci.

JONAH 3:5

Nineveh chang gui naw Khanpughi ah ng’thu cu yum ci gui. Chang päng naw ei hlawi vai ah k’bäi u ne, chang avan akbä pi ungka naw ak ghawipi ung khüt sei, ng’yu nak m’dang nak ah suishe sui ci gui.

JEREMIAH 36:22

Cun cu khaw sik khaw ah kyasei ghangpughang cu khawsik mang im ung mei ma na ne ngok ci.

ESTA 4:16

“Hteit ne Jew gui avan Susa ung k’bum gui ä. Ei hlawi ne kei ah phäh ah taigü vä. Hnüüp thum la mü thum ung ei kä nami ei, tui kä nami awk en vai nei. Kei la ka changshäm hnumi hta gui phi acun ah kami bik khai nei. Cun kawn ah shin cu thukhän awn a hnungtuk ung phi, kei cu ghangpughang ah ka hteit khai. Shin bi ah phäh ah sih vai a kyak ung phi ka sik khai nei” ciah kyak ci.

ZEKHARIAH 8:19

“Acha phli nak, a cha hma nak, a cha chih nak la a cha gha nak ung ei hlawinak cu Judah chang gui ah hmawk ah yeikyai nak, hüithaw nak ah mang pawi ah kyak khai nei. Nangmi naw ng’düng nak la dimdeeih nak nami m’hni vai nei.”

JOEL 1:13

Sonkyang ung bii bik ciah taigü gui; ng’yu nak sui sui ne kyap vä! Taigüim ah hteit ne mü lüng ne kyap vä! Nami Khanpughi am nami douthak vai atheih, atui a i kä om ci nei.

JEREMIAH 36:1

Josiah ah hta Jehoiakim Judah Ghangpughang ah a kyak nak akum phli nak ung, Bawipa naw na pyen nak ci,

NEHEMIAH 9:1

A cun ah cha a hnüüp m’ku lei phli nak ung Israel chang gui cu ami hmakat nak thüi ne ami ng’yu ba ah mawng ami m’dang nak ah ei hlawi khai gui ah ng’bum ci gui. Ngami cu akhui hei chang van ami van awn ami mät ng’pai pyi ci gui ah kyak ci. Ngami cu ami thüisei nak dang khai ah suishe sui ne, ami lu khan ah m’vut tha u ne kyak ci gui. Cun kawn ah ng’düi law u neta ami mät la ami pupa gui ah m’cheishoh ah hmakat nak gui cu ng’yu ba ci gui.

SUKI GUI 20:26

Cun ung Israel chang gui ami van Bethela ah hang kai u ne kyap ci gui. Ngami cu a cu ah Bawipa ah ma ah ngaw u neta mühun güt ung ei kä ei ci gui. Ngami naw hmuhchum douthak nak cu douthak u ne, khawihnah nak along ah m’khih u ne, cun gui avan cu Bawipa ah ma ah bik ci gui.

1 SAMUEL 7:6

Cun ah kyasei ami van Mizpah ung lawk ci gui. Ngami naw Bawipa am douthak nak ah, tui than ne k’peh u ne, cun hnüüp mü ne ei hlawi ci gui. Ngami naw, “Mikmi cu Bawipa hnu ng’tuk püi ne mi hma ci nei” (Israel gui ah lung ah Samuel naw abi nak cu Mizpah ah kyak ci)

JEREMIAH 36:6

Cun ung phi cun kawn ah chang gui naw ei ami hlawi ba ung nang na hteh vai ah kei naw ka ng’ya hlük ci. Nang naw ca k’chaw cu m’lau ne na phat vai, cun ung chang gui naw Bawipa naw ana pyen nak nü la nang am m’cu ne ka ning m’thein cu ng’yak khai gui. Ami pigawnu gui ah ka lawic ciah Judah chang gui mah mah ah chang nü naw ang yak vai ah na bi vai.

JOEL 1:14

Ei hlawi taigü vai ah k’bäi vä; chang van ng’bum vä! Ang vai gui la Judah chang gui avan Bawipa nami Khanpughi ah Taigü kyong ah bum u ne, ani ah kyap lau vä!