JEREMIAH 36:5 - Cho Bible Common Language 2016

⁵ Cun ung phi cun kawn ah chang m’shüm thein nak gui cu Baruk am ka pek ci; “Kei cu Taigüim ah hteh vai ah kä ka gah ba ci.

JEREMIAH 36:5 Referans Kwoze

JEREMIAH 33:1

Kei cu mang im väng kyong ah thawng ka kium yah ung Bawipa ah ng’thu cu gawk law ba mä ci.

JEREMIAH 32:2

Cun yah cu Babilonia ghangpughang ah gakap gui naw Jerusalem ami tuk yah ah khin ah kyak ci, kei phi cun yah ung mang im ah väng kyong ah ami na chum ah kyak ci.

2 KORIN 11:23

Bawi Khrih ah changshäm ah ami kyak ung, kei cu ak gu ah mäih ah ka ng’thu ung phi, ngami ah tah bä pi ciah ak changshäm ah ka kyak ci. Kei cu ngami ah yai pi ne ka bik ci, da pi sei thawng ka cun ci da pi sei tukthah nak ka hmuk ci, da pi sei sih nak vai ka aut ci.

HEBRU 11:36

Amshah gui cu k’shedam nak la tukthah nak gah ci gui, amshah gui cu m’si gui awn khit ne thawng ung ami chum gui ah kyak ci.

2 TIMOTHI 2:9

Kei cu Thu Ni ka pyein ah phäh ah ka geinvai ci, m’si gui awn phi ami na khih nak ah kyak ci. Cun ung phi Khanpughi ah Thu läi cu khih pawn nak kä om ci.

EPHESIAN 6:20

Kei cu thawng ka cun pang ung phi, shin ah Thu Ni ah hmawk ah ng’shä ah ka kyak ci nei. Shin ah Thu Ni ka pyein khai ah kang düi ci kyasei, khüighaat ne ka ng’shäu vai ah nami na taigü peik vai nei.

EPHESIAN 3:1

Shin ah a mawng ung Bawi Khrit ah thawng kyum ah ka kyak ciah kei Paul naw, nangmi chang khuihei gui ah hmawk ah Khanpughi ah ka taigü ci nei.

JEREMIAH 40:4

Tuhbäi na kut m’hnak ungka gui k’phian ne ka ning hlawf khai. Nang cu Babilonia ah kei awn atäng ah na hteh tu hlü ah a kyak ung na htät tu hning ci, kei naw ka ning m’htei htang khai. Kä na hteh tu hlü ah a kyak ung phi kä na hteit tu hning ci. Nang cu khopäng avan ung na yum nak ah na hteit hning ci,” ci ah kyak ci.

JEREMIAH 38:28

Cun kawn ah kei cu Jerusalem ami khäm güt mang im väng ung na tha ci gui.

JEREMIAH 38:6

Cun ah kyasei ngami naw kei cu na hteh püi u ne, hui awn manghta malachiah ah tui shawk ung na yuk chah ci gui, cun cu mang im väng kyong ah om ci. Tuishawk kyong ah tui kä om ci, ng’ä bäng om ci, kei cu ng’ä ung ka lut ci.

JEREMIAH 37:15

Ngami cu anghtei ah m’lungshe u neta, kei cu na tuthat u ne, yung secretary Jonathan ah im ung na üp ci gui, cun ah im cu thawng ah pyang ci gui.

JEREMIAH 20:2

kei cu na that u neta, Taigüim akhan täng Benjamin m’kawt ung gui awn khit ne ami na k’pawn vai ah k’bäi ci.

NEHEMIAH 6:10

A cun ah khin ung kei cu Mehetabela ah tu, Delaiah ah hta Shemaiah ah ka va om tuk ci, ani cu a im ung ka, kä lut law hlawt ci. Ani naw, “Nang la kei cu Taigüim ah hteit ne atheing ciim hmun ung atäng ah ni ng’thup khai, shoh ni khai khai, a i ah kyasei ci ung nang ning ngawn khai gui ah ngami cu lawk khai gui nei. A i mü phih ngami law ne nang ning ngawn khai gui nei.”

SAM 88:8

Ka teihpüi gui naw ami na nawng vai ah nang naw na bik ci nei; Ngami ka m’shemshai gui vai ah na bik ci nei kei cu na khai shi u sei kä ka lut law ba hlawt ci nei:

JEREMIAH 32:12

Baruk, Neriah ah hta, mahseiah ah tu am ka pek ci. Kei naw cun gui cu ani am, Hanamela, hleih nak ah ca guk ung m’hnüt nak gu tuk ciah saksi gui la cun ah im väng ung ngo tuk ciah chang gui ah ma ah ka pek ci.