JEREMIAH 36:4 - Cho Bible Common Language 2016

⁴ Cun ah kyasei Neriah ah hta Baruk cu naw avan ca k’chaw ung guk ci.

JEREMIAH 36:4 Referans Kwoze

JEREMIAH 32:12

Baruk, Neriah ah hta, mahseiah ah tu am ka pek ci. Kei naw cun gui cu ani am, Hanamela, hleih nak ah ca guk ung m’hnüt nak gu tuk ciah saksi gui la cun ah im väng ung ngo tuk ciah chang gui ah ma ah ka pek ci.

EZEKIEL 2:9

Kei naw kei täng ah a kut shäng lawk cicu ka hmuk ci awn naw cak chaw kawt ci.

JEREMIAH 36:32

Cun kawn ah kei naw ahei ca k’chaw cu la ne ka secretary Baruk am ka pek ci, ani naw kei naw ka m’cu nü cu guk ci. Akhtük ah ca k’chaw ungka gui nü phi ani naw guk ci, awn ah mäih gui kei naw ka m’cu pek gui phi ani naw guk ci.

JEREMIAH 43:3

Keimi na na hnung tuk püi gui khai ah Neriah ah hta Baruk naw ning m’tho let ci nei, cun ah kyasei Babilonian gui naw keimi ah khan ah huham mah u ne, keimi na ngawn guihning ci gui.” Cik ci gui.

ROMAN 16:22

Kei, Tertius, naw shin ah ca cu läk ne ka guk nei, kei naw phi Khritha yaviah nak cu ka ning m’khäh law gui ci nei.

ZEKHARIAH 5:1

Kei naw han teng ba neta, khawkhi ung yawng ciah ca k’tom cu ka hmuk ci.

JEREMIAH 36:28

ahei ca k’chaw la ba ne, akhtük ah ca k’chaw ung om ci gui cu gu ä,

JEREMIAH 36:26

Cun kawn ah ani naw ng’thukbäi ne, manghta Jerahmeela cu Azriel ah hta Seraiah la Abdeel ah hta Shelemiah awn atäng ah kei la ka secretary Baruk cu na pha gui khai ah tüi gui ci. Cun ung phi Bawipa naw keimi cu na thup gui ci.

JEREMIAH 36:23

Jehudi naw päk thum päk phili vai phat khäta, ghangpughang naw khim hta awn kiük ne mei ung k’cawm ci. Ani cu cun ah ca k’chaw mei naw a uih yawp güt acun ah cik ci.

JEREMIAH 36:21

Cun kawn ah ghangpughang naw Jehudi cu tüi ne ca k’chaw cu lak sak ci. Ani naw Elishama ah a khan ah kah la neta ghangpughang la ani vei ne ng’düi ci gui bawi gui avan ah ma ah phat ci.

ISAIAH 8:1

Bawipa naw ana pyen nak cu, “ca guk nak vaiah ang kawmnu la neta, a cun ah khan ah ca ng’lung ang kawm gui awn na guk vai cu: ‘Ak yaang ah gutä, ang ghit ah gutä!

JEREMIAH 25:13

Kei naw Jeremiah ung ng’thu ka pyen yah ung, changpakhui gui am ka law püi khai cine ka m’kyih nak gui ah leigai gui avan awn Babilonia cu ka m’kyuk khai — cun ah leigai gui avan cu shin ah ca-uk ung guk ah kyak ci.

JEREMIAH 30:2

na pyen nak ci: “Kei naw ka ning m’thein phung cu ca u kung na huk vai nei,

JEREMIAH 36:6

Cun ung phi cun kawn ah chang gui naw ei ami hlawi ba ung nang na hteh vai ah kei naw ka ng’ya hlük ci. Nang naw ca k’chaw cu m’lau ne na phat vai, cun ung chang gui naw Bawipa naw ana pyen nak nü la nang am m’cu ne ka ning m’thein cu ng’yak khai gui. Ami pigawnu gui ah ka lawic ciah Judah chang gui mah mah ah chang nü naw ang yak vai ah na bi vai.

JEREMIAH 36:14

Bawi gui naw Jehudi (Nethaniah hta, Shelemiah ah tu, Kushi ah tu k’phyim) cu tüi ne, Baruk naw chang gui ah ma ah a phat ah ca k’chaw cu a law püi vai ah m’thein sak ci gui. Baruk naw ca k’chaw cu ani ah om nak ah law püi ci.

JEREMIAH 36:27

Kei naw Baruk am ka m’cu pek ah ca k’chaw ghangpughang Jehoiakim naw amkhih kawn ah Bawipa naw ana m’thein cu,

JEREMIAH 51:59

Ghangpughang Zedekiah ah chang m’hteng cu Seraiah, Neriah ah hta Mahseiah ah tu ah kyak ci. Zedekiah Judah ghangpughang ah a kyak nak akum phli nak ung, Seriah cu ani awn atäng ah Babilonia ah hteit ci goi, kei naw m’shüm theein nak amshah ka pek ci.

JEREMIAH 51:60

Kei naw ca-uk tumat ung Babilonia ah khan ah gawk lawk khai ah dishum nak gui avan la Babilonia ah amawng shei gui cu ka guk ci.

DANIEL 7:1

Belshazzar cu Babilon ghangpughang ah a kyak nak a kum ät nak ung, mü ah kei cu ka mang shek ci, ka mik hmuk ci. Ka mang cu kei naw ca awn ka guk ci.

ISAIAH 30:8

Khanpughi naw, chang gui a i ah mäih ami kyak cu ca uk ung ka guk vai ah na m’thein ci, cun ah kyasei ngami a i hlawk ah ami shetkat cu ngawizä om khai kyak ci.