JEREMIAH 36:3 - Cho Bible Common Language 2016

³ Ngami ah khan ah kei naw ka law püi vai ah ka pawng püi ah m’dishum nak gui avan cu Judah chang gui naw ami ng’yak ung, ami shetkat nak ungka ng’hlat tei law ba hman khai gui aw. Cun ung ami cheishoh nak la ami katnak gui cu kei naw ka m’geinsei gui khai.”

JEREMIAH 36:3 Referans Kwoze

JEREMIAH 18:8

Cun ung phi cun ah pakhui khaw cu ashetkat nak ungka ang hlah law ba ah a kyak ung, kei naw ka bi vai ah ka pyen cu kä ka bik khai nei.

LAMKTU 3:19

Cun ah kiah seih ng’yu ba u neh Khanpughi ah ng’hlat law vä, nami katnak ning m’gein gui khai.

EZEKIEL 12:3

“Tuhbäi hnicim Chang, khüi kha Chang ah mäih ah htun kpi ä. Khaw kä amü pha ung tün ne hteitä. Nang naw shin nawng shüt ne a hmun hei ah na hteh cu chang nü naw ning hmu sä. Cun ah ng’küknet ci gui naw ning hmat u sä.

JEREMIAH 26:3

Chang gui naw na ngai u ne akshe ami bi cu ami nawng ah a kyak läi ung, cun ah mi bi ah a kyak ung, ngami naw akshe ami om ih gui ah phäh ah ngami ah khan ah ka law püi vai ah ka pawng püi ah m’di nak gui vai ah mawng ung kei naw ka m’lung ka m’thawng khai nei.”

THULÄÄN NAK 30:2

Nangmi la nami htangshon gui cuBawipa ah ng’hlat ba u ne, tuhngawi kei naw ka ning pek gui ah ang thumkhän gui cu nami m’lung kyong avan awn nami läk ah a kyak ung,

JEREMIAH 36:7

Ngami cu Bawipa ah k’taigü u ne akshe ami bi nak ungka naw ng’hlat tei law hman khai gui, ciah kyasei ci ung Bawipa naw a chang gui cu kyih vai kyak ciah amlungshe nak la a nget nak awn om püi gui ci.”

2 PETER 3:9

Chang amshah ah ngaih ah mäih ah, Bawipa cu a shaitaak ah mäih ah bi abi vai ah kä shokshü ci, chang tumat hta phi kä dimaih ne, chang avan cu cheishoh nak ungka ami ng’hlah law ba vai ah ng’ya hlü ne, hnimgei ne om ci.

LAMKTU 26:18

Nang naw changpakhui hei gui ah mik nam dei sak gui khai, ak hmüp ungka naw ak dei ah na ng’lat sak gui khai, khogam ah hlüng tai nak ungka naw Khanpughi ah hlüngtai nak ung na gawk sak gui khai. Cun ah kyasei ngami cu kei ami na yum nak awn, ami katnak phyawn nak gah ah u ne, Khanpughi ah ghü ah chang gui ah ng’lung ah ami hmun kho gah tuk khai gui.

MAKUH 4:12

A i ah kyak sei ci ung; “Ngami cu teng ne phi kä hmuk ci gui, Ngai ng’ya ne phi kä hmat ci gui, Ami teng cu hmu u ne, Ami ng’yak cu hmat u ne, ami kyak vai sü ung, Khanpughi lam ah ng’hlat lawk khai sü gui te, Cun ung ngami ah katnak phi m’gein gui khai sü te, Ci ah cacim ung om ci” cine m’thein gui ci.

JEREMIAH 35:15

Kei naw k’täi ne ka changshäm prophet gui avan ka ning tüih law gui ci, ngami naw akshe ah nami htet nak nawng ne ng’düng ci nami loi vae ah ning m’thein gui ci gui. Ngami naw ahei khanpughi gui kä sei nangmi cu nangmi la nami pupa gui am ka pek ah khaw ung hteit ne nami om.” Cun ung phi nangmi naw kä nami na ngai ci, ai ah kä na nami sui ci.

JEREMIAH 24:7

Ngami am kei Bawipa ah ka kyak ah ami hmat nak hlü cu ka pe gui khai. Cun kawn ah ngami cu kei ah chang ah kyak khai gui, kei cu ngami ah khanpughi ah ka kyak khai, a i ah kyasei ci ung ngami cu ami m’lung kyong avan awn kei ah ng’hlat law ba khai gui.

JEREMIAH 18:11

Tuhbäi Judah la Jerusalem chang gui cu m’thein gui vä, kei naw ngami hnung tuk püi ne ka pawng m’htein ci, ngami ka m’kyuk gui khai ah ka om ge ci. M’thein gui vä, shekha ne ami ghin om nak ami ng’düm vai nei-ami law ami m’thawng vai, ami bi bi lawh ami m’thawng vai.

1 SAMUEL 7:3

Samuel naw Israel chang gui am, “Nang mi cu nami m’lung avan awn Bawipa täng ah nami ng’hlah law ba ah a kyak ung, a khaw hei khanpughi gui la Astarte ah a gup cu nami nawt heng vai. Bawipa ung nami mät avan nami ng’ap vai, ani bäng nami khawihnah vai, cun ung ani naw Philistin gui ah huham ung ka ning k’phiawn gui khai” cik ci.

THULÄÄN NAK 30:8

Cun ung nangmi naw ani ah thu ngai ba u ne, tuhngawi kei naw ka ning pek gui ah ang thumkhän avan cu nami k’pang khai.

LAMKTU 28:27

A i ah kyasei ci ung, shin ah chang gui ah m’lung cu aang ci, ami k’hnga cu pang ci, ami mik cu m’shing ci. Cun ah kä kya ne, akcang ah; ami mik cu m’dei ne, ami hnga cu ng’lang ne, ami m’lung cun naw hmuhmat ne, a kyak vai sü ung, kei ah ng’hlat law yawp u sei, Kei naw phi ngami cu ka gai sak gui khai,’ ci ne khanpughi naw pyein ci” ci ne m’thein gui ci.

LAMKTU 26:20

Damaskas ung tün ne, Jerusalem, Judea kho avan ung la chang pakhui hei gui am, “Ami katnak ung ng’yu ba ne, Khanpughi ah ami ng’hlah law ba vai la ng’yu pyi ciah chang ah mäih ah ami om ih gui vai cu, m’thein gui ne, ng’thu ka pyein ci nei.

LUKA 20:13

Cun kawn ah lo mah naw, “Ka hta tumat om ci, acun baw ka tüi khai, ani a hteh läi ung kyih aa khai gui” ci netah, a hta cu tüi ci.

MATTHE 13:15

A i ah kyasei ci ung, ami m’lung cu ang ne, amik hnga cu pang ne, ami mik cu m’shing ciah kyak ci. Ami mik m’dei ne ami hnga ng’lang sei, ami m’lung kyong awn hmuhmat u ne ami kyak vai sü ung, Kei lam ah ng’hlat law u ne, na yi hnei u sei, Kei naw phi kam gein gui khai süte,” cine Khanpughi naw pyein ci ciah kyak ci.

ZEPHANIAH 2:3

Am lung neim ciah khaw chang gui ah ng’thu läk ciah chang avan Bawipa ah ng’hlat law vä. Düng ci bi ne Bawipa ah ma ah nami m’lung neim sak vä. Bawipa ah am lungshe nak ah khaw hnüüp ung nami phyawn nak vai om ei hman khai nei.

EZEKIEL 18:23

“Chang shekha ah asih cu teng neta ka yeikyai ciah nang naw na ngai ne ma?” cine uktu Bawipa naw ng’shik ci. Ka nei, kei naw ng’zuu ban eta ghing ci nei, ka hmu hlük ci, cik ci.

JEREMIAH 23:14

Cun ung phi Jerusalem ah prophet gui cu sheka pi u sei ka hmu gui ci: ngami cu plet u ne ami hleei pyen ci gui; ngami naw chang gui phi cheishoh sak ci gui, cun ah kyasei a u chang naw phi akshe bi cu kä ng’düm ci gui. Kei ah phäh läi ah ngami ami van cu Sodom la Komorrah chang gui mäih ah shekak ci gui.

ISAIAH 6:10

Cun kawn ah ani naw kei am, “Shinah chang gui ah ami m’lung cu awng sak gui ne, amik hnga pang sak gui ne, ami mik m’dauh sak gui ä, cun ung ngami naw a i kä hmu ne, a i kä ng’ya ne, a i kä hmat ne kyak khai gui. Ami hmuh ng’yak ah a kyak ung kei ah ng’hlat law u ne, teek gai khai gui.”

NEHEMIAH 1:9

Cun ung phi nanghmi cu kei ah ng’hlat law ba u ne, nangmi ung ka thumkhän cu nami bi ah a kyak ung, nangmi cu khomdek ah ak cawi ah khüt ne, nami püi pyang ung phi, kei nami na khawihnah nak vai ah kei naw ka ghü ah hmun ung, kei naw ka ning law püi ba gui khai nei.’

THULÄÄN NAK 5:29

Ngami naw a shin ah mäih bäng angtäi sei ami ngaih ah a kyak ung, ngami naw angtäi sei kei bäng nam tamkhah u neka thumkhän avan ami läk ah a kyak ung, ngami la ami htangshon gui ah phäh ah khaw ng’län ung a päng avan cu nik khai nei.

SAM 139:24

Kei ung akshe a pi hta a om ung phi na hmuh peä, angtäi ghin nak ah lam cu na m’shüm ä!