JEREMIAH 36:2 - Cho Bible Common Language 2016

² Ca k’chaw cu la neta Israel la Judah ni, pakhui avan ah mawng kei naw ka ning m’thein gui cu na guk vai. Josiah ghangpughang ah a kyak law yah ung ak htük ah kei naw ka ning thu püi ah a khin ung tün ne tuk bäi ung khüt ciah kei naw ka ning m’thein gui nü nü cu na guk vai.

JEREMIAH 36:2 Referans Kwoze

JEREMIAH 30:2

na pyen nak ci: “Kei naw ka ning m’thein phung cu ca u kung na huk vai nei,

JEREMIAH 25:3

“Amon ah hta Josiah Judah ghangpughang ah a kyak nak akum gha lei thum ungka naw kum m’ku lei thum ung, atuh ngawi ung khüt sei, Bawipa naw na ng’thu püi ci, ani naw a pyen phung cu kä hnam ne ka ning m’thein gui ci, cun ung phi nangmi naw a i ah kä nami ngai ci.

JEREMIAH 1:10

Tuhngawi kei naw nang am changpakhui gui la uk nak kho gui cu angzung ah mawi ne, phu ne, m’di ne ghawt ne, cokyang ne geitkaw ne kyak ah huham cu ka ning pek ci nei.

PHYAWN NAK 17:14

Cun kawn ah Bawipa naw Moses am, “Shin ah näng nak ah mawng cu gu ne na m’hnüt vai, cun ung shüm ba lä vai, Joshua am m’thein ä, Amalekit gui avan ka m’di gui khai nei” cik ci.

EZEKIEL 2:9

Kei naw kei täng ah a kut shäng lawk cicu ka hmuk ci awn naw cak chaw kawt ci.

JEREMIAH 51:60

Kei naw ca-uk tumat ung Babilonia ah khan ah gawk lawk khai ah dishum nak gui avan la Babilonia ah amawng shei gui cu ka guk ci.

JEREMIAH 36:23

Jehudi naw päk thum päk phili vai phat khäta, ghangpughang naw khim hta awn kiük ne mei ung k’cawm ci. Ani cu cun ah ca k’chaw mei naw a uih yawp güt acun ah cik ci.

JEREMIAH 36:6

Cun ung phi cun kawn ah chang gui naw ei ami hlawi ba ung nang na hteh vai ah kei naw ka ng’ya hlük ci. Nang naw ca k’chaw cu m’lau ne na phat vai, cun ung chang gui naw Bawipa naw ana pyen nak nü la nang am m’cu ne ka ning m’thein cu ng’yak khai gui. Ami pigawnu gui ah ka lawic ciah Judah chang gui mah mah ah chang nü naw ang yak vai ah na bi vai.

ISAIAH 8:1

Bawipa naw ana pyen nak cu, “ca guk nak vaiah ang kawmnu la neta, a cun ah khan ah ca ng’lung ang kawm gui awn na guk vai cu: ‘Ak yaang ah gutä, ang ghit ah gutä!

SAM 40:7

Cun ah kyasei ka ning m’shan cu, “Kei shi ah nei; nang ah nam shüm thein nak cu thukhän ca uk ung om ci nei.

EZRA 6:2

Cun ung phi cun ah ca chaw cu Media khopäng Ekbatanamang gaw ung va hmu ba ci gui. Cun ah rekawt ung:

HOSEA 8:12

Kei naw chang gui ah phäh ah kä kheitai vai ahm’theithang nak cu ka guk ci. Cun ung phi ngami naw akhaw hei, akahnga cine hnungtuk ci gui.

JEREMIAH 45:1

Josiah ah hta Jehoiakim Judah ghangpughang ah a kyak nak akum phli nak ung, kei naw ka m’cu pek cu Baruk naw guk ci. Cun kawn ah kei naw ka m’thein ci,

JEREMIAH 36:29

Bawipa naw ghangpughang ka pyen nak vai ah ana m’thein cu “Nang naw ca k’chaw na m’khih ci, a i ah kyasei Babilonia ghangpughang naw law ne, shin ah khaw cu m’di ne, cun ung chang gui la khisa gui cu ngawn gui khai, cine a guk ah Jeremiah cu na ng’shik ci.

JEREMIAH 2:4

Bawipa ah ng’thu pyen cu ngai vä, nangmi Jakob ah htangshon, Israel pakhui gui.

JEREMIAH 1:5

“nang am ghin nak kä ka ning pek pha ung kei naw ka ning ghü ci. Nang kä na ng’tüi pha ung changpakhui gui ah prophet ah kei naw ka ning ghü ci.”

JOB 31:35

Kei naw ka pyen gui cu a u naw kä ngai ma? Ng’thu pang cu akcang ah kya ciah kei ka ng’tam ci nei. M’gäi ciah Khanpughi naw na m’shang sä.

THULÄÄN NAK 31:24

Moses naw Khanpughi ah thukhän cu ca uk tumat ung guk ci, a i phi kä ah nawng shüt ten vai ah geing nak ci.

HEBRU 10:7

Cun ah kyasei thukhän ung kei ah mawng ami guk ah mäih ah, “O Khanpughi, Na ng’yak hlü ka bik khai ah, shin ung ka om ci nei, cine ka pyein ci,” ciah kyak ci.

JEREMIAH 1:9

Cun kawn ah Bawipa naw a kut shäng ne, ka m’nei cu pyen vai ah ng’thu gui cu kei naw ka ning pek ci nei.

JEREMIAH 36:14

Bawi gui naw Jehudi (Nethaniah hta, Shelemiah ah tu, Kushi ah tu k’phyim) cu tüi ne, Baruk naw chang gui ah ma ah a phat ah ca k’chaw cu a law püi vai ah m’thein sak ci gui. Baruk naw ca k’chaw cu ani ah om nak ah law püi ci.

JEREMIAH 36:18

Baruk naw m’shang gui ne, “Jeremiah naw la ca ng’lung päng cu na pyen pek ci, kei naw shin ah ca k’chaw ah khan ah hmin awn ka guk ci” cik ci.