JEREMIAH 36:10 - Cho Bible Common Language 2016

¹⁰ Chang gui ami van naw ami ngaih sang ung, Baruk naw ca k’chaw ung om ci nü kei naw ka pyen nak phung cu phat ci. Ani naw cun cu Taigüim kyong, Shaphan ah hta Kemariah, yung secretary ah a khan ung abi ah kyak ci. Ani ah khan cu ak khan khan kyong Taigüim, m’kawt thai luh nak ah pei ung om ci.

JEREMIAH 36:10 Referans Kwoze

JEREMIAH 36:11

Mikaiah, Kemariah hta, Shaphan ah tu naw la k’chaw ung Bawipa ah pyen gui Baruk naw a phat cu ng’yak ci.

JEREMIAH 52:25

Cun kawn ah ami naw mang gaw ungka ak plalwk cu, gabawi phyim man tumat, mang gaw ung om lä ci gui ah ghangpughang m’shüm thein ci gui chang chih, gabawi khem ne bik ci, gakap ah mawng guk then nak ung täng pang ci tumat la ahei küikyan ciah chang chuk kip cun phi pha ne hteh püi gui ci.

JEREMIAH 26:10

Cun ah a kyak gui cu Judah ami ng’vai gui naw ng’ya u neta, ang ghit ah bawi mang ah im ungka Taigüim ah law u ne, m’kawt Thai Hmun ung ng’bum ci gui.

JEREMIAH 36:25

Cun ung phi Elnathan, Delaiah la Kemariah ni naw ghangpughang naw ca k’chaw mei awn kä am khih vai ah ng’paa nak ci gui, cun ung phi ani naw a i ah kä sui gui ci.

2 SAMUEL 8:17

Ahitub ah hta Zadok la Abiatha ah hta Ahimelek cu taigü ah kyak ci goi; Seraiah ca-gu ng’vai pi ah kyak ci;

JEREMIAH 36:8

Baruk naw Bawipa ah ng’thu cu Taigüim kyong ah, kei naw ka m’thein ah mäih bä ah phat ci.

JEREMIAH 36:6

Cun ung phi cun kawn ah chang gui naw ei ami hlawi ba ung nang na hteh vai ah kei naw ka ng’ya hlük ci. Nang naw ca k’chaw cu m’lau ne na phat vai, cun ung chang gui naw Bawipa naw ana pyen nak nü la nang am m’cu ne ka ning m’thein cu ng’yak khai gui. Ami pigawnu gui ah ka lawic ciah Judah chang gui mah mah ah chang nü naw ang yak vai ah na bi vai.

JEREMIAH 35:4

Taigüim ah ka hteh püi gui ci. Kei naw ngami cu Igdaliah hta prophet Hanan ah ng’düih püi tumat ah ak khan ah ka hteh püi gui ci. Cun ah akhan cu aküikyang ah cawi kyak ci, chei bawi gui ah akhan gui pei ung

JEREMIAH 29:3

Kei naw ca cu Shapan ah hta Elasah la Hikiah ah hta Kemariah am ka pek goi nei, ngani cu Judah ghangpughang Zedekiah naw Babilonia ghangpughang Nebukhadnezzar ah atüih goi ah kyak ci. Awn naw a pyen cu:

JEREMIAH 26:24

Cun ung phi kei cu Shapham ah hta Ahikam ah ng’düih püi nak ka gah ci kya neta kei cu chang gui naw ami na ngawn vai ah kä na ap ci gui.

2 GHANGPUGHANG GUI 18:37

Eliakim, Shebna la Joah cu thüi sei ne ami sui k’teek u neta, ghangpughang ah hteit ne, Assiria bawi ah pyen cu m’thein ba ci gui.

2 GHANGPUGHANG GUI 15:35

Cun ung phi khongyo khawihnah nak ah hmun gui cu kä phyek ci, chang gui naw khawihnah nak la tui ng’ui m’khih cu douthak lä ci gui. Taigüim ah a siiptäng m’kawt co cicu Jotham ah kyak ci.

2 SAMUEL 20:25

Sheva cu ca guk ciah ng’vai pi ah kyak ci; Zadok la Abiatha cu taigü ah kyak ci goi,

1 GHANGPUGHANG GUI 6:36

Taigüim ah a hmai täng ah yungkhan ah co ci gui, acun ung k’pang gui om ci, lung athat thum ung pen cedar lawng tumat ciah pyan ci gui.

JEREMIAH 43:3

Keimi na na hnung tuk püi gui khai ah Neriah ah hta Baruk naw ning m’tho let ci nei, cun ah kyasei Babilonian gui naw keimi ah khan ah huham mah u ne, keimi na ngawn guihning ci gui.” Cik ci gui.

EZEKIEL 40:38

Akpung täng chaam ung a siiptäng m’kawt awn m’dün ne ak cawh ah tangkup om ci. Cun ungka naw luh nak ah khan ung hteit ne chaam ung mang ciah luh nak ah khan ah luh vai kyak ci. Cun ah im cu ngami naw apum lung m’khih ne khawihnah nak ah seime gui ami m’si nak ah kyak ci.

2 GHANGPUGHANG GUI 22:3

A uknak akum gha lei cheit nak ung, Ghangpughang Josiah naw yungbawi Shaphan, Azaliah ah hta, Meshullam ah tu cu, shin ah ng’thu k’bäi ne, Taigüim ah tüi ci: