JEREMIAH 35:2 - Cho Bible Common Language 2016

² Rechabit pahta gui ah om nak ah hteit neta ng’thu püi gui ä. Cun kawn ah Taihü im kyong akhan tumatung law püi gui neta sapyit tui pe gui ä.”

JEREMIAH 35:2 Referans Kwoze

1 SHONTÄP NAK 2:55

(Ca guk nak la ca kuu nak ung angthei ah bilo thei ciah pahta gui cu Jabez gawnu ung om ci gui: cun gui cu, Tirathit, Shimeathit, la Sucathit gui ah kyak ci. Ngami cu Kenit chang gui, Rechabit gui awn ng’chungla ci gui ah kyak ci.)

1 SHONTÄP NAK 9:26

M’kawt ngäng angvaipi phli cu Levit gui ah kya u ne, ngami ung ak hlüng pikbäih ami bii vai om ci. Ngami naw ami m’htei vai cu Taigüim ung kyongkhui gui la acun ung ami taak ah kaawh gui ah kyak ci.

EZEKIEL 40:16

Akhan gui avan ung akpung täng akpaang päng ung m’kawt aläm gui om ci, akhan gui ah ami ng’lak akyong täng pang gui ung phi om ci. Lam täng ah mang ciah akyong täng paang gui ung caan ghing gui ah pung ami gei ah kyak ci.

JEREMIAH 35:8

Jonadab naw ana pek gui ah m’shümthein nak avan cu keimi naw kami ngai ci. Keimi kami mät naw sapyit tui kä ka mi awk ci, kami chu gui, kami htapa gui, kami hta hnumi gui a u naw phi kä awk ci.

JEREMIAH 35:4

Taigüim ah ka hteh püi gui ci. Kei naw ngami cu Igdaliah hta prophet Hanan ah ng’düih püi tumat ah ak khan ah ka hteh püi gui ci. Cun ah akhan cu aküikyang ah cawi kyak ci, chei bawi gui ah akhan gui pei ung

NEHEMIAH 13:5

Ani naw akhan akdäm tumat Tobiah am khah tuk ci, cun cu ami douthak law ah pümhta, la tui ng’ui gui, Taigüim ung htungmang gui; taigü gui ah phäh ah douthak ak gui, Levit gui, Taigüim ung ng’äi awm ci gui, Taigüim ngäng ci gui ah phäh ah pümhta ni, sapyit tui ni, oliv-situi ni ah bum gha bum ät gui ami tha nak ah kyak ci.

EZRA 8:29

Taigüim ung kä nami gawk pha ah chuih, cun gui cu geing na ne nami ngäng vai, Cä ah taigü gui ah khan ung khin u neta taigü ng’vai gui, Levit gui la Jerusalem ung Israel chang gui am ami ng’vai gui am nami ap gui vai.”

2 SHONTÄP NAK 31:11

Ghangpughang ah thukbäi ah mäih ah ngami naw Taigüim area ung khei gui co ci gui,

2 SHONTÄP NAK 3:9

Kyawngkyen pyan vai ah ghui 570 kram mang u ne, akhaan ah kyong ah k’pang gui phi ghui awn vook ci gui.

1 SHONTÄP NAK 23:28

Ngami cu ami bi vai shin ah m’hnüt pe gui ci gui: Taigüim khawihnah nak ung Aaron ah htangshon taigü gui cu ami bawm gui vai, Taigüim kyong la ah kan gui ami m’htei vai, a theingthap ah ami tha phung cu ami theingthap sak vai;

1 SHONTÄP NAK 9:33

Amshah Levit kyong chang gui cu Taigüim tumkhawng nak ung bik ci gui. Cun ah kyong khui gui ung ami ng’vaihta gui cu Taigüim k’um im gui ung om ci gui, ngami cu a hei bilawh gui ung Luat ci gui, a i ah kyasei ci ung ngami cu amü a hnüüp ami bi vai om ci.

1 GHANGPUGHANG GUI 6:10

That thum lawk ciah akhan hta gui, tumat cu dawng phli la khap ciah hlüng ci, Taigüim ah akpung täng k’pang hei hnu na ne cedar ng’lawng gui awn hei m’dün ne cawh ah kyak ci.

1 GHANGPUGHANG GUI 6:8

Aka pikbäih akhan hta ung valuh nak cu Taigüim ah a htumtäng ung om ci, ak hnih nak la akthum nak ah athat gui ung kai nak vai cu hlaak m’dawn ah kyak ci.

JEREMIAH 35:3

Cun ah kyasei kei naw Rechabit pahta kyong chang gui cu la gui ne — Jauzaniah la a hta gui avan cu —

1 SHONTÄP NAK 28:12

Ani naw Taigüim kyong la angveing yung ah akhan gui, Taigüim ung mang ah khawh gui la Bawipa ami pek m’cümhnah nak gui tha nak ah akhan gui, am lung kyong ung om ciah a mawng avan pe gui ci.