JEREMIAH 34:9 - Cho Bible Common Language 2016

⁹ ami Hebrew hlei htein gui, pami hnumi atäng ah m’hlawt vai ah k’bäi ci gui, cun ah kyasei a u ung phi ami Israel — Chang pawhle hten kä um ba ci.

JEREMIAH 34:9 Referans Kwoze

PHILIPPIAN 3:5

Kei cu khaw hnüüp chih ka law yah ung vun-ah nak ka gah ci. Kei cu Israel chang, Benjamin pakhui, Hebru nupa nah ne ka ng’tüi lawk ci. Jew gui ah thukhän läk nak pyein law ung kei cu Pharisee tumat ah ka kyak ci.

2 KORIN 11:22

Cun ung phi chang tumat cu ak gu ah mäih ah ang thu ah a kyak ung, kei phi acun ah mäih ah ka ng’thu khai nei Cun cu gu ng’thu ah kyak ci nei. Cun ah chang gui cu Hebru ah ami kyak ung kei phi acun, Israel ah ami kyak ung, kei phi acun, Abraham ah hta ng’shon ah ami kyak ung kei phi acun,

1 KORIN 6:8

Cun ah nami kyak nak vai sü ung nami mät gui nami ng’tu ng’tai ci, ng’phäinau goi nami ng’guhtep tu pek ci!

JEREMIAH 34:10

Chang gui ami van la ami ng’vai gui naw ami khlei htein gui k’phiawn gui vai la khlei htan ah kä ci ba gui vai ah yum ci gui Ngami naw m’hlawt gui ci gui,

JEREMIAH 30:8

M’gäi ciah Bawipa naw pyen ci; “Cun ah hnüüp a gawk law ung ami hnü ung ami phuih nak ah sing cu cheiuh ne, gui gui cu ka heen pe gui khai, ngami cu Khohei Chang gui ah Khlei htein ah kä kya ba khai gui.

JEREMIAH 27:7

Chang pakhui avan naw ani ah bii bik khai gui, ani ah pakhui angkiak nak vai kä a gawk law pha ah chuih, ani ah hta la atu gui ah bii cu ngami naw bik khai gui. Cun kawn ah ani ah pakhui naw huham mah ciah pakhui la dämduh ciah ghangpughang ah bii cu bik khai gui.

JEREMIAH 25:14

Kei naw Babilonia gui am ami mät ah bi ah phäh ah ka pe ba gui khai, changpakhui akda la dämduh ciah ghangpughang gui naw ngami cu k’hleihtein nah gui khai gui.”

1 SAMUEL 14:11

Cun ah kyasei ngami cu Philistin gui naw ami hmuh goi vai ah om ci goi, Philistin gui naw, “Teng vä, Hebrew chang amshah cu ami ng’thuh nak ah khui ung ka, lut lawk ci gui nei!” cik ci gui.

1 SAMUEL 4:9

M’gäi vä, Philistin chang gui! Chang na ne ng’tuk bi vä, kä cun ung Hebrew gui ah changshäm ah mi kya khai nei, ngami mi changshäm ah ami kyak ah mäih ah. Cun ah kyasei chang na ne ng’tuk bi vä!”

1 SAMUEL 4:6

gui. Phlistin gui naw ami m’lau cu ng’ya u neta, Hebrew phung ung ami m’lau cu van naw ngai tu vä! A i ah ami kyak tu khan ang?” cik ci gui. Ngami naw Bawipa ah Thukhän M’küm Hebrew phung ung a

THULÄÄN NAK 15:12

Nami Israel chang paw, pami phi, hnumi phi, changshäm ah kyak khai ah amät ang yoih law ah a kyak ung ani naw kum chuk ung nami bii abi kawn ah nami m’hlawt vai. Kho kum chih a gawk law ung ani cu ng’pängye khai ah nami hteh sak vai.

PHYAWN NAK 3:18

“Ka chang gui naw na ng’thu cu ngai khai gui nei. Nang cu Israel ng’vai gui awn a täng ah Egypt ghangpughang ah hteit neta, “Bawipa, Hebru gui ah Khanpughi naw, amät cu keimi ung m’than lawk ci nei. Keimi bung ah hnüüp thum kami hteh vai na pe gui ä, bungpuk ah pe ta ne Bawipa Khanpughi cu kami khawihnah khai nei” nami ci vai.

PHYAWN NAK 2:6

Ghangpughang ah hta hnumi naw cun ah dawn cu hmawng neta a hmaw hta cu hmuk ci. A hmaw hta cu kyap sei ani naw m’gein neta, “Shin cu Hebru a hmaw hta ah kyak ci” cik ci.

ATÜNNAK 40:15

Kei cu Hebru kho ah ami na hton ah kyak ci, Egypt khaw ung phi thawng kyum nak vai ka katnak kä om ci nei” cine pyen ci.

ATÜNNAK 14:13

Cun ungka phyawng ciah chang naw Abram am a mawng gui cu m’thein lawk ci. Ani cu Amorit chang Mamre ah sing ghing theing ah pei ah om ciah Hebru chang ah kyak ci. Mamre la a phäi goi Eshkola la Anera cu Abram ah teihpüi gui ah kyak ci.