JEREMIAH 34:5 - Cho Bible Common Language 2016

⁵ Nang cu dimdeeih sei na sik khai, nang kä na om pha ung ghangpughang ah kyak ci gui ch nami pupa gui ami k’phuh gui ung tui ngui ami m’kaih ci gui ah nami pupa gui ami k’phuh ah phi tui ng’ui m’khih khai gui nang ah phäh ah thi kyap u ne, “Kami ghangpughang sik ci nei” cik khai gui, Kei, Bawipa naw ka pyen nei.”

JEREMIAH 34:5 Referans Kwoze

JEREMIAH 22:18

Cun ah kya sei, Jehoiakim Josiah ah hta, Judah ghangpughang ah mawng Bawipa naw a pyen cu; “A u chang naw phi ani ah sih ah phäh ah thüi ne, azä hawi ah, ka theih püi aw azä hawi ah! Kä cik khai nei. A u chang naw phi ani ah phäh ah thüi ne kyap ne, ‘Ka bawi aw! Ka ghangpughang aw! Kä cik khai nei.’

2 SHONTÄP NAK 16:14

ani cu David Mang gaw ah amät naw a vüh ah lungpou phuh hmun ung phuh ci gui. Ngami naw ani ah pumsa cu tui ng’ui gui la situi gui awn pyang ne phuh u neta, ani ah sih ah phäh ah ami thüi sei nak ah mei akdäm ah bum ne cik ci gui.

DANIEL 2:46

Cun kawn ah ghangpughang Nebukhadnezzar cu m’dek ung ng’boop neta khawihnah nak la douthak nak cu Daniela am ami pek vai ah thu k’bäi ci.

EZEKIEL 17:16

Uktu Bawipa naw pyen ci, “kei cu ghing ciah khanpughi akcang ah ka kyak ci, Shin ah ghangpughang cu Babilonia ah sik khai, a i ah kyasei ci ung ani naw a thukhän cu m’shet ne mang kiang ung ngoh sak ciah Babilonia ghangpughang awn ani bi nak cu am shet ah phäh ah kyak ci.

NG’ÄI KYAH 4:20

Ngami naw mi ghin nak ah a phung cu khäm ci gui. Bawipa naw aghü ah ghangpughang, ani cu na tu law gui phung ung na shungvong gui khai ah mi ng’ap nak ah kyak ci.

2 SHONTÄP NAK 34:28

Jerusalem ah khan ah ka law püi vai ah m’kyuk nak cu nang kä na sih pha ung kä gawk lawk khai nei. Kei naw nang cu dinggei nak awn ka ning sih sak khai.” Cun ah chang cu shin ah ng’thu hteh püi ne, ghangpughang Josiah ah om nak ah hteit ba ci.

2 GHANGPUGHANG GUI 22:20

Jerusalem ah khan ah kei naw ka law püi vai ah m’kyuk nak cu nang na sih kawn ah kyak khai. Kei naw nang cu dimdeeih nak awn ka ning sih sak khai.” Chang gui naw shin ah ng’thu law püi ne ghangpughang Josiah ah law ba ci gui.

JEREMIAH 34:4

Zedekiah, nang ah mawng ka pyen cu ngai ä. Nang cu ng’tuk nak ung kä ning ngawn khai gui.

1 SAMUEL 31:12

a m’gäipi bäih düi law htük khäta, amü pum hteit ne Beth Shan ah lawk ci gui. Ngami naw Saul la a hta gui ah pum sa gui cu k’pang ung ka la u neta, Jebesh ah hteh püi ba u ne, m’khih ne m’cim ci gui.