JEREMIAH 34:2 - Cho Bible Common Language 2016

² Bawipa, Israel khanpughi naw, Judah ghangpughang Zedekiah ah hteit ne ka pyen vai ah na m’thein ci, “Kei Bawipa naw mei awn m’khih khai.

JEREMIAH 34:2 Referans Kwoze

JEREMIAH 21:10

Shin ah mang gaw cu kä m’düm ne m’di vai ah kei naw ka m’lung ung ka k’bäi pyi ci. Shin cu Babilonia ghangpughang am ap vai, ani naw m’dek ung khüt khai ah m’khih khai. Kei, Bawipa naw ka pyen ci nei.”

JEREMIAH 34:22

Kei naw thukbäi ka pek gui ung ngami cu mang gaw ah law ba khai gui ngami naw tu u ne, khäm u ne, mei aw m’khih khai gui. Kei naw Judah gawnu gui cu a u ah kä um nak ah bung pya ah mäüh ah ka pyang kha kei, Bawipa naw ka pyen ci.”

JEREMIAH 32:3

Ghangpughang Zedekiah naw acu ah kei cu thawng ung na chum ci. Bawipa ah ng’thu pyen ka ng’shäu ah pyen ne nak bün ci: “kei naw Babilonia ghangpughang am shin ah mang gaw ka khäm sak khai,

JEREMIAH 39:8

Cun sangung Babilonian gui naw bawi mang im la Chang gui ah im gui cu m’khih u ne, Jerusalem mang pang cu gäi ci gui.

JEREMIAH 38:23

Cun kawn ah kei naw m’khah ba ne, “Na hnumi gui la na htanau gui cu Babilonian gui naw hteh püi guikhai gui, na mät phi ngami ah kut ung kä na phyawng khai. Nang cu Babilonia ghangpughang naw pha ne ning hteh püi khai, shin ah mang gaw cu m’dek ung gawk khai ah m’khih khai gui.”

JEREMIAH 21:4

Cun cu Israel khanpughi ah ng’thu Zedekiah am m’thein vai ah kyak ci, ani naw pyen ci, “Zedekiah, Babilonia ghangpughang la a gakap gui hnungtuk ne ng’tuk ci gui ah na gakap gui cu kei naw ka hnim lawk khai nei. Na gakap gui ah likhim gui cu mang gaw ah ng’lung ung ka k’bum khai nei.

2 GHANGPUGHANG GUI 25:1

Zedekiah naw Babilonia ghangpughang Nebukhadnezzar cu hnungtuk püi ci, cun ah kyasei Nebukhadnezzar naw a gakap avan law püi ne law ne Jerusalem cu tu lawk ci, cun cu Zedekiah ah a uknak a kum kaw nak ah a cha gha nak ah a hnüüp gha nak ah kyak ci. Ani naw mang gaw ah akpung ah phung tu ne om neta thai k’pang gui veing ne pyang ci,

JEREMIAH 27:22

Cun gui cu Babilon ah hteh püi gui khai gui, cun gui cu kei naw ka m’htei güt ung acu ah om khai gui. Cun kawn ah ashi ah law püi ba gui ne, ashin ah hmun ung ka gim ba gui khai, kei, Bawipa naw ka pyen nei.”

2 GHANGPUGHANG GUI 25:9

Ani naw Taigüim ni, mang im ni, Jerusalem ung chang vai gui ah im gui avan cu mei awn m’khih ci,