JEREMIAH 34:16 - Cho Bible Common Language 2016

¹⁶ Cun kawn ah nangmi naw nami m’lung thawng ba sak mä u ne kä nami na m’tamkhah ci nangmi nami van naw ami m’hniah um khai gui ah nami phiam pyi gui ah khlei htein gui cu k’ceet gui ne Khlei htein ah nami kyak ba sak gui ci.

JEREMIAH 34:16 Referans Kwoze

TAIGÜTHUM 19:12

Kä nami k’pan vai ung kei ah ming awn shaitak nak kä nami bi vai, cun naw kei ah ming khan ah thüisei nak law püi ci. Kei cu Bawipa, nami Khanpughi nei.

EZEKIEL 18:24

“Cun ung phi düng ciah chang naw akni abi nawng ne, Chang she gui ah bi ah akshe gui la shemshai ci gui cu abi ah a kyak ung ani cu ghing lä khai ang? Ka nei, ani akni abi phung kä shüm pet vai nei. Kä abekhüt nak la akat nak ah phäh ah ani cu sik khai nei.

EZEKIEL 3:20

Akcang ah changnitumat naw shetkat nak a bi law ah a kyak ung kei naw khüi kha nak ung ka thun khai, nang naw ng’thu kä nak na k’bäi ung, ani cu sik khai. Ani cu a katnak ah phäh ah sik khai-ani naw akni abi gui man cu kei naw kä ka shüm ba khai-ani ah sih nak cu nang am ka ning ma na sak khai.

JEREMIAH 34:11

Cun ung phi angawi ah ami m’lung ng’thawng law ba sei, la ba gui u ne khlei htein ah tha bia gui ci gui.

PHYAWN NAK 20:7

“Ka ng’ming cu akshe ah kä nami mang vai, ka ng’ming akshe ah mang ci phung cu, Kei, Bawipa nami Khanpughi naw ka m’kyuk khai.

1 SAMUEL 15:11

“Saul ghangpughang ah kam hmoh ah phäh ah kei ka thüi ci nei; ani cu kei ung ka ng’hlat ne, ka thumkhän phi kä läk ci” cik ci. Samuela cu m’lung shei ci, amü pum Bawipa ah ng’coi ng’pa ci.

MALAKHI 1:12

Nangmi naw ka mang kyang cu shemshai ciah nami pyen nak la nami päipih ah ei nami na pek nak awn kei cu kä nami na kyih aa ci.

MALAKHI 1:7

Nami na päipih nak cu — ka mang kyang ung ei-she nami na pek ah kyak ci. Cun kawn ah a i cha ah ang kä kami ning kyih aa? nami cik ci, Ka ning m’thein gui khai — cun cu ka mangkiang a i ah kä nami sui ah kyak ci.

EZEKIEL 39:7

Ka chang gui Israel gui naw ka ming theing ami hmat vai ah akcang ah ka bik khai, kei naw ka ming cu kä ka lü ng’aa ba sak khai. Cun ung, chang pakhui gui naw kei cu Bawipa, Israel ah Theingcim ciah Khanpughi ah na hmat khai gui.”

EZEKIEL 20:39

Uktu Bawipa naw pyen ci, “Tuhbäi, Israel gui nami van, nami mät! Hteit u ne nami a gup gui cu khawihnah vä! Cun ung phi kei naw ka ning k’bäi gui cu, cun kawn ah nangmi naw kei nami na ngaih vai, nami agup gui am m’cümhnah nak douthak ne, kei ah ming theing ah thang nami m’shet nak cu nami ng’düm vai.

EZEKIEL 13:22

Kei naw kä ka ng’zom sak hlü ah Chang ni gui cu nangmi naw name hleei pyen ne k’tha name ken sak ci. Nangmi naw Chang shekha gui cu ak shekha kä ami nawng vai la ami ghin nak ami hun vai ah name Shungvong gui ci.