JEREMIAH 34:14 - Cho Bible Common Language 2016

¹⁴ khokum chuk ung ami bii bik ciah Hebrew khlei htein phjung akum chin nak päng ung m’hlawt vai. Cun ung phi nami pupa hui naw kei cu ai ah kä na sui ci gui, kei ah pyeu phi kä ngai ci gui.

JEREMIAH 34:14 Referans Kwoze

THULÄÄN NAK 15:12

Nami Israel chang paw, pami phi, hnumi phi, changshäm ah kyak khai ah amät ang yoih law ah a kyak ung ani naw kum chuk ung nami bii abi kawn ah nami m’hlawt vai. Kho kum chih a gawk law ung ani cu ng’pängye khai ah nami hteh sak vai.

1 GHANGPUGHANG GUI 9:22

Solomon naw Israel gui cu changshäm ah kä tha gui ci; ngami cu gakap gui, bawi gui, gakap bawi, yatha khawng gui, ng’se ng’cum ci gui ah bii bik ci gui.

ROMAN 7:24

Kei cu ang htei ah kam lung thüi aih ci nei, Kei na sih sak ciah shin ah pumsa ungka a u naw kei cu na hun tuk khai ang!

AMOS 8:6

Kä nik ciah htang cu aküi ah kami yoi hning khai. Aphu kä thung hlawt ciah chang pyaam cu keimi naw kami hmuk khai, ani cu a phahnak phi kä thung hlawt ci, cun cu mikmi naw changshäm vai ah mik khleih khai” nami cik ci.

AMOS 2:6

Bawipa naw, “Israel chang gui cu leng ba ba ne shekak ci gui, acun ah phäh ah kei naw akcang ah ka m’kyuk gui khai. Ngami naw ami pu kä thung hlawt ciah changnigui la ami phahnak phu phi kä thung hlawt ciah dukhaih ci gui cu, khleihtein vai ah yoi gui ci gui.

EZEKIEL 20:8

Cun ung phi ngami naw nak chüm u ne, ami na ngaih vai ah mak ci gui. Ngami naw shemshai ciah ami gup gui cu kä ghawt ci gui, Egypt khanpughi gui cu kä chah ci gui. Ngami naw aca Egypt ah ka m’lung she nak akbe ah ka gah sak gui ge khai ah ka kyak ci nei.

EZEKIEL 20:4

“Hnicim chang, nang cu ngami m’kyuk gui ge vai ah na om ne ang? Na om ung bi ge ä. Ami pupa gui naw ami bi gui ah shemshai nak gui cu m’shüm tu gui ä.

JEREMIAH 32:30

Israel chang gui la Judah chang gui ah ami shonlam ava tüi nak ge ung tün ne ngami naw kü na yei na u ne, ami bilawh gui awn kei cu nam lungshe sak ci gui.

ISAIAH 58:6

“Kei naw ka ng’yak hlü ah ei hlawi cu shin ah kyak ci: khih pawn nak gui nami hen vai, kä taga ciah puih gih nami nawt hen vai, nami yawshe nak gui nami luat sak vai.

ISAIAH 50:1

Bawipa naw pyen ci, “Pami tumat naw akchu ang chaa püi ah mäih ah, kei naw ka chang gui a hei ah ka tüi gui ciah nami ngai ne ma? Cun ung ng’chaa nak ah ca a hawi ang? Chang tumat naw a hta gui khlei htei ah a yoih gui ah mäih ah, nangmi cu chang pha ah ka ning yoi gui ciah nami ngai ne ma? Nangmi nami katnak ah phäh ah pha ne ami ning hteh püi gui ah kyak ci; Nami cawi m’sa ah phäh ah ami ning k’täm gui ah kyak ci.

NEHEMIAH 9:30

Kum law ba kum law ba sei nang naw m’lung sau ne na m’cäi gui ci. Nang naw na prophet gui ami ng’thu vai na m’shum phyuk gui ci, cun ung phi na chang gui cu pang ci gui, cun ah kyasei nang naw a hei pakhui gui am na näng sak gui ci.

2 SHONTÄP NAK 36:16

Cun ung phi ngami naw Khanpughi ah ng’shächang gui cu päipih u ne, ang thu cu a i ah kä ngai u ne, a prophet gui cu gaih tuk ci gui, ak hnu ah Bawipa ah m’lungshe nak ak chang gui hnungtuk püi cicu dämduh aih sei, phyawn nak kä om ba ci.

2 SHONTÄP NAK 28:10

Tuhbäi nangmi naw Jerusalem la Judah ung pami hnumi gui cu changshäm ah nami pyang gui ci. Nangmi naw phi Bawipa nami Khanpughi hnungtuk pui ne katnak nami bi cu kä nami hmat ne ma?

1 GHANGPUGHANG GUI 21:25

(Ahab ah mäih ah Bawipa täng ah akshe bi vai ah akbe ah ng’ap cicu a u kä om ci — avan cu akchu Jezebela ah tooktam ah kyak ci.

JEREMIAH 35:15

Kei naw k’täi ne ka changshäm prophet gui avan ka ning tüih law gui ci, ngami naw akshe ah nami htet nak nawng ne ng’düng ci nami loi vae ah ning m’thein gui ci gui. Ngami naw ahei khanpughi gui kä sei nangmi cu nangmi la nami pupa gui am ka pek ah khaw ung hteit ne nami om.” Cun ung phi nangmi naw kä nami na ngai ci, ai ah kä na nami sui ci.

TAIGÜTHUM 25:10

A cu cha ah nangmi naw a kum hmakip nak cu k’bäi u neta, khaw ung om ci gui avan ah ma ah phyawn nak ah mawng cu nami ng’shäu vai. A cun ah kum ah kyong ung nami yoih tuk ah khawh cham phung cu, ak htük ungka ak ci am, kä cunung, a hta nau am nami pek ba vai. Chang shäm ah kyak khai ah ami yoih ah chang cu, amät ah kyong khui ah a hteh ba vai.

THULÄÄN NAK 15:1

“A kum chih nak ang pyi päng ung nami ngui pu tuk ciah chang cu nami nawng pek vai.

THULÄÄN NAK 15:9

A i baw chang am k’pu tu vai ah kä nami maa en vai. A i ah kyasei ci ung chang am k’pu nawng pek nak vai ah kho kum cu ng’et lawk ci nei. Shin ah mäih ak she ah ngaih-tüh nak nam lung kyong ung kä na luh en sak vai nei. Chang am k’pu tu vai ah na maa ah a kyak ung ani cu Bawipa ah kyap ne ng’pa ne, nang ning hnungtuk püi khai nei, cun ung nang cu katnak na bik ciah kyak khai.

JEREMIAH 11:7

Kei naw Egypt ah ka ami pupa gui ka law püi ba gui sangung kei naw ami na ngaih vai ah akni ah m’cäi gui ne, kei naw acun ah hnüüp güt ung chang gui m’cäi gui ne ka k’paang gui ci.