JEREMIAH 34:11 - Cho Bible Common Language 2016

¹¹ Cun ung phi angawi ah ami m’lung ng’thawng law ba sei, la ba gui u ne khlei htein ah tha bia gui ci gui.

JEREMIAH 34:11 Referans Kwoze

THUSHÄUTU 8:11

A i ah kyasei chang gui naw ang ghit ah cawipang nak cu ami bi ang? Cawipang nak cu ang ghit ah kä ami m’kyuk ah phäh ah kyak ci.

NG'THU K'THUUK~ 26:11

Ui naw am lawk a hteh ba shi ah mäih ah chang gu aang naw akshe a bi cu bi ba mä ci.

ZEPHANIAH 1:6

Kei ungka ng’hlat ne kä na läk ba ci gui la kä law ba ne, kä na ng’yoi thäh law ba ci gui phi, ka m’di gui khai.”

HOSEA 7:16

Ngami naw kei na ng’hla ta u ne, a huam kä om ciah khanpughi ah hteit ci gui. Ngami cu ng’koi ciah lihtung ah mäih ah kä ngaih gep vai ah kyak ci gui. A i ah kyasei ci ung ami ng’vai gui cu m’ghämce ne ng’htau ci gui. Ngami cu ng’sai ung sik khai gui, Egypt gui naw gaih tu gui khai gui.”

HOSEA 6:4

Cun ung phi Bawipa naw pyen ci, “Israel la Judah gui aw, nangmi ah khan ah a i ang kei naw ka bi kaw? Nangmi naw kei nami na m’hni nak cu khongawi hta ung khüi tui ang ghit ah amaih ah mäih ah, khongawi ung ang dawt ah maih ciah daam tui ah mäih ah kyak ci nei.

JEREMIAH 37:5

Cunzah ung Babilonian gakap gui naw Jerusalem cu khaai ci gui, ngami naw Egyptian gakap gui naw Egypt khawgii kan ne kai lawk ci gui cicu ng’ya u neta, ng’hlat ba ci gui.

JEREMIAH 34:21

Kei naw Judah ghangpughang Zedekiah la ami bawi gui cu, ngami ngawn gui hlük ciah ami ga gui am ka ap gui khai. Kei naw ngami cu tuh büi ami ning tuk nak gui ng’düm ciah Babilonia gakap gui am ka ap gui khai.

SAM 125:5

Cun ung phi changshe gui na m’kyuk gui yah ung, na lam ng’pleng tak ci gui cu, yuk m’kyuk gui ä. Israel gui ah khan ah dimdeeih nak om sä!

SAM 36:3

Ani ah ang thu cu ng’thu she ah kya ne, hleei nak awn be ci; Ani naw cüivai nak la nikiom nak cu kä bi ba ci.

1 SAMUEL 26:21

Saul naw, “David, ka hta, kei ka hma ci nei, law ba ä! Kei naw kä ka ning hnim ba khai nei, a i ah kyasei ci ung tuh mü nang naw ka hnun na na k’phawn ci. Kei cu ka gu ang ci! Kei naw kyihkyawk vai ka bik ci!” cik ci.

1 SAMUEL 24:19

A u chang naw a ga a pha ung a i ah kä ciah m’hlawt ba man ne ang? Tuhngawi kei ah khan ah na bi ah phäh ah Bawipa naw hriham ning pek ci.

PHYAWN NAK 9:28

Bawipa ah taigü vä! Keimi cu shin ah hmumkyeek la gääi nu awn kami ng’büh khai nei. Kei naw shai ka tak ci, ka ning hteh sak gui khai nei, shin ung nangmi kä nami om tu ba khai nei” cik ci.

PHYAWN NAK 8:15

K’u gui ami sih cu ghangpughang naw hmu neta, ani cu ling ba mä ci. Bawipa ah pyen ah mäih ah Moses la Aaron cu ghangpughang naw kä ngai goi ci.

PHYAWN NAK 8:8

Ghangpughang naw Moses la Aaron cu khü goi neta, “Shin ah k’u gui k’täm gui vai ah Bawipa ah taigü ni ä, cun ung nami chang gui ka hteh sak gui khai, cun ung ngami naw ami Bawipa cu khawihnah pe tak hlawt khai gui nei” cik ci.

JEREMIAH 34:10

Chang gui ami van la ami ng’vai gui naw ami khlei htein gui k’phiawn gui vai la khlei htan ah kä ci ba gui vai ah yum ci gui Ngami naw m’hlawt gui ci gui,

JEREMIAH 34:12

Cun kawn ah Bawipa,

JEREMIAH 34:16

Cun kawn ah nangmi naw nami m’lung thawng ba sak mä u ne kä nami na m’tamkhah ci nangmi nami van naw ami m’hniah um khai gui ah nami phiam pyi gui ah khlei htein gui cu k’ceet gui ne Khlei htein ah nami kyak ba sak gui ci.