JEREMIAH 34:10 - Cho Bible Common Language 2016

¹⁰ Chang gui ami van la ami ng’vai gui naw ami khlei htein gui k’phiawn gui vai la khlei htan ah kä ci ba gui vai ah yum ci gui Ngami naw m’hlawt gui ci gui,

JEREMIAH 34:10 Referans Kwoze

JEREMIAH 26:16

Cun kawn ah angvai gui la chang gui naw taigü gui la prophet gui ami pyen nak gui cu, “Ani naw Bawipa mi khanpughi ah min gung mi khan ah ng’thu pyen ci; ani cu ngawn vai ah kä kyak ci.”

JEREMIAH 26:10

Cun ah a kyak gui cu Judah ami ng’vai gui naw ng’ya u neta, ang ghit ah bawi mang ah im ungka Taigüim ah law u ne, m’kawt Thai Hmun ung ng’bum ci gui.

MAKUH 6:20

Johan cu chang k’ni la chang theing ah a kyak ah mawng cu Herod naw hmat netah, ani cu kyih ne akni ah om sak ci. Herod cu Johan ah ng’thu pyein ang yak tu päng ung, am lung kyong cäi ng’ä ne a kyak pang ung phi, yeikyai ne ngai tu hlük ci.

JEREMIAH 38:4

BAWI gui naw ghangpughang ah hteit neka ami pyen cu, “shin ah chang cu ngawn vai nei. Shinah mäih ah ng’thu pyen ne ani naw mang gaw kyong ah gakap gui cu k’tha ken sak ci. Ani naw chan gui m’htei gui vai ah a i kä bik ci, cmi nat nak vai vah ng’ya hlük ci.”

JEREMIAH 36:12

Cun kawn ah ani cu Bawimang im ah kyong, yung secretary ah a khan, bawi gui ami van ah ng’bum nak ah hteit ci. Elishama yungbawi Shemaiah ah hta Delaiah, Achbor ah hta Elnathan, Shaphan ah hta Kemariah, Hananiah ah hta Zedekiah la bawi gui ami van cu a cu ah om ci gui.

ISAIAH 29:13

Bawipa naw pyen ci, “Shin ah chang gui naw na khawihnah khai gui ah pyen khai gui, cun ung phi ngami ah ng’thu ci akholä nei, ami m’lung kyong cu whei ah gawk ci nei. Ngami ah yum nak ci akholä, cun ung phi hnicim chang ah thukhän la thungyo gui, ngami naw ami shümshawi ah kyak ci.

JEREMIAH 34:11

Cun ung phi angawi ah ami m’lung ng’thawng law ba sei, la ba gui u ne khlei htein ah tha bia gui ci gui.

PHYAWN NAK 21:2

Hebru changshäm nami hleih ah a kyak ung, ani naw kum chuk ung nami bii a bi vai. A kum chih ung ani cu a i kä pek sak ne nami hlawt vai.

TAIGÜTHUM 25:10

A cu cha ah nangmi naw a kum hmakip nak cu k’bäi u neta, khaw ung om ci gui avan ah ma ah phyawn nak ah mawng cu nami ng’shäu vai. A cun ah kum ah kyong ung nami yoih tuk ah khawh cham phung cu, ak htük ungka ak ci am, kä cunung, a hta nau am nami pek ba vai. Chang shäm ah kyak khai ah ami yoih ah chang cu, amät ah kyong khui ah a hteh ba vai.