JEREMIAH 33:9 - Cho Bible Common Language 2016

⁹ Jerusalem cu kei ah phäh ah yeikyai nak, m’tamkhah nak la ng’häh leh nak ah a phung ak kyak ci; Jerusalem chang gui ah phäh ah akni ka bi nak ah mawng cu, khomdek khan ah pakhui päng naw ami ng’yak ung kyi ne ng’hlet khai gui.”

JEREMIAH 33:9 Referans Kwoze

ISAIAH 60:5

Nang naw cun cu hmu neta, na yeikyai khai nei; Nang cu cäicat ne na ng’thüng khai nei. Chang pakhui gui ah khawh cham cu nang ah law püi khai gui nei; Ami bühmang nak cu tuinu kan law ne, gawk lawk khai nei.

JEREMIAH 13:11

Sui k’tawi cu khei ung htek khai ah pin ne ciah mäih, Israel la Judah chang gui ami van cu kei ung ami kawp vai ah kei naw ka ng’ya hlük ci. Cun ah kei naw ka bi cu ngami ci kei ah chang ah kya u ne, kei ah ming m’hlüngtai nak vai la m’tamkhah nak vai ami law püi vai ah kyak ci; cun ung phi ngami naw kei kä na ngai ci gui.

ISAIAH 62:7

Ani naw Jerusalem kä am thawh ba pha ah chuih ngami naw kä ng’düm sak ci gui. Cun kawn ah ani naw mang gaw ah pyang sei, khomdek khan chang van naw m’hlüng tai ci gui.

NEHEMIAH 6:16

Kami pei ng’leng pakhui kho gui ung ka, kami ga gui naw acun ah mawng am hteihtang nak awn bii bi ang pyi cu chang nü naw hmat ci gui.

HOSEA 3:5

Cun ung phi Israel chang gui cu Bawipa ami Khanpughi la ami ghangpughang David ah htangshon ah ami ng’hlah law ba nak vai ah akhin cu gawk lawk khai nei. Cun kawn ah ngami naw Bawipa cu kyih aa u ne ani ah m’cümhnah akni cu gah khai gui nei.

JEREMIAH 31:4

Hnü ät mä kei naw ka ning cokyang ba gui mä khai. Hnü ät mä nangmi naw nami thing sheei tum ne yeikyai ne nami ng’lamba mä khai.

JEREMIAH 26:6

Nangmi naw k’täi ne kä nami ngaih ah a kyak ung kei naw shin ah Taigüim ah khan ah Shilon ung ka bi ah mäih ah ka bik khai, m’dek khan ung om ciah changpakhui avan naw shin ah mang gaw ah ming cu plah tam nak ah mang khai gui.”

ISAIAH 62:12

Nangmi cu “Khanpughi ah Theigcim ciah chang”, “Bawipa naw a hun ah chang” cine ning khü gui khai gui nei. Jerusalem cu, “Khanpughi naw a m’hni ah mang gaw.” “Khanpughi naw kä a nawng phung ah mang gaw” cine khü khai gui nei.

SAM 40:3

Ng’äi thai kam cu vai ah ani naw na m’thei ci, mi Khanpughi m’taam nak ah ng’äi ah kyak ci. Shin hmuk ciah chang akda cu hmat law u ne kyikyawk neta, ngami cu Bawipa ung ng’ap khai gi nei.

ZEKHARIAH 12:2

“Kei naw Jerusalem cu sapyit khap ah mäih ah ka pyang khai; a pei ng’leng ah pakhui gui naw, aw u neta, awktat ciah mäih ah kyu ng’täng khai gui. Jerusalem cu koi u ne ami tuk law ung, k’pawih ba ciah Judah mang gaw gui phi koi gui khai gui.

JEREMIAH 44:8

Nangmi naw law ne nami om nak ah shin ah Egypt khaw ung agup gui khawihnah ne, ahei khanpughi gui am khawihniah na douthkne nami kyak nak awn a i ah kyasei kei nami na m’lungshe sak ang? Nangmi naw shin nami bi nak awn nami mät naw nami mät nami m’di ne ang, cun ah kyasei m’dek khan ah om ciah pakhui päng naw ning gaih tu gui ne nami ming cu plah taam nak ah mang khai gui nei?

JEREMIAH 29:1

Taigü gui, prophet gui la ahei gui avan Nebukhadnezzar naw Jerusalem ah kaa pha ne Babilonia ah a hteh püi gui am ca ka ning guk law gui ci nei.

JEREMIAH 3:17

Cun ah khun a gawk law ung Jerusalem cu, “Bawipa ah mangkiang” ah khü khai gui, changpakhui avan cu kei na khawihnah khai gui ah a cu ah ng’bum khai gui. Ami m’lung ah ling nak la ami m’lung kyong akshe ah m’thein gui cu ngami naw kä bi ba khai gui.

ESTA 8:17

Mang gaw la khopäng avan ung, ghangpughang ah thu ng’shäu ami phat nak päng ung, ei awk nak la yeikyai nak awn lünlawi ne, ng’chiin nak cu Jew chang gui naw bik ci gui. Ahei chang gui akda naw Jew chang gui cu kyih law gui u ne, Judah gui ah yum nak cu yum law tuk ci gui.

2 SHONTÄP NAK 20:29

Bawipa naw Israel gui ah ami ga gui a hnim gui ah mawng ng’yak ciah pakhui päng cu kyikyawk ci gui,

SAM 130:4

Cun ung phi na na m’geinsei gui ah akyak ung, nang ung kami m’chang m’sui khai nei.

ISAIAH 55:13

Tuhbäi hling k’cam gui ah ghing nak ung a geit-ghing gui tho lawk khai; Ng’hling ghing gui ah hnün ung mirtle sing gui tho lawk khai gui. Shin cu ngawi yä om khai ah m’khüt nak ah kyak ci, Kei, Bawipa naw ka bi gui m’shüm hnuh ba ah kyak ci.

ISAIAH 62:4

“Ami nawng nei” cine a u naw kän ng’khü ba khai. Mi khaw phi “Nawng ah Chu nei” cine a u naw kä khü ba khai. Nang ah na ming thai cu, “Khanpughi naw a zei nak nei” ciah kyak ci. Nami khaw cu, “zeikiai nak awn ng’chula ci” cine khü khai gui. A i ah kyasei ci ung Bawipa naw nangmi cu ning yei na gui ci, ani cu nami khaw ah cei ah mäih ah kyak ci.

ISAIAH 64:2

Ngami cu mei ng’ling ah khan ung ng’kiah ciah tui ah mäih ah ng’hlet khai gui nei. Na ga gui ah ma ah law ne na huham cu m’than law sak ä, chang pakhui gui cu nama ah ng’hlet sak gui ä!

JEREMIAH 3:19

Bawipa naw pyen ci, “Israel, Kei naw nang cu ka htanau ah ning dou hlü ne, om nak ah nik ciah khaw cu ka ning pek khai, cun cu khomdek khan ung akiom pikbäih ah kyak ci. Pa ah na na khü vai kei naw ka ng’ya hlük ci, kei kä nami na ng’hlah tak en ba phung vai.

JEREMIAH 4:2

Cun cu kei ah ming ung nami ng’khän nak vai ah nangmi ah hmawk ah ng’düng ciah kyak khai nei. Cun kawn ah changpakhui avan naw hriham pek vai ah na k’thäh khai gui, ngami naw na m’taam khai gui.”

JEREMIAH 16:19

Bawipa, nang cu kei na shungvong ne k’thagui na pek ciah na kyak ci; ka khüikha sangung nang naw na na m’htei ci. Chang pakhui gui cu khocawi ah ka nang ah law u ne tap yen khai gui, kami pupa gui ung a i kä om ci, khanpughi she gui bäng om ci, ahei a i kä om ci, kä ei mang vai ah agup gui bäng om ci.

JEREMIAH 24:6

Kei naw ngäng bou gui ne shin ah khaw ah ka law püi ba gui khai. Kei naw ka co kyang gui khai, kä ka plawh sheh gui khai. Kei naw ka geit kaw gui khai, kä ka mawi gui khai.

JEREMIAH 32:42

“Kei naw shin ah Chang gui ah khan ah leigai ka law püi ah mäih ah kei naw ka shaitak ah akni gui avan cu ka pe gui khai.

JEREMIAH 33:14

Bawipa naw pyen ci, “Israel la Judah chang gui am kei naw ka bi ah shaitak cu, kei naw ka be sak nak vai ah akhin gawk lawk ci nei

JEREMIAH 49:25

Zeikiai nak ah ami mang ah ming thang ciah mang gaw cu, bung ah kyak ci nei.

EZEKIEL 26:20

Cau pui akhin ge ung ana om ciah chang gui ung nami ng’dawn tuk khai ah kei naw nangmi cu sih nak ah khaw ah ka ning tüi gui khai. Kei naw nang cu khomdek ka, angtäi di nak ah khaw ah aksi gui awn ng’pang ne nami om khai ah ka ning om sak khai. Ak hnu ah nang cu kä na om tu ba khai, ghin nak ah khaw ung hmun kä na gah tu ba khai.

EZEKIEL 39:13

Khaw ung om ciah chang nü naw ngami k’phuh gui vai ung bawm gui khai gui, a shin ah phäh ah ngami cu kei ah ka näng nak ah kho hnüüp ung m’tam nak gah khai gui. Kei, Uktu Bawipa naw ka pyen nei.

THULÄÄN NAK 30:5

Cun ung nami pupa gui naw ami om nak man ah khaw ung khawh cu nangmi naw nami la ba khai. Cun kawn ah nami pupa gui man ah ta nami bühmang law pi khai. Nami da law pi khai ah ani naw ning pyang gui khai.

ISAIAH 43:21

Ngami cu kei naw ka mät ah phäh ah ka pyan ah chang gui ah kyak ci, Ngami naw kei ami na m’tam nak ng’äi m’cu khai gui!”

ISAIAH 62:1

Kei naw Jerusalem cu thagui pe ne ng’thu ka pyen khai; Ani naw hun nak kä a gah pha ah chuih kei cu kä ka om düt khai, Ani ah näng nak cu mü ung mei m’däi ah mäih ah ng’shü khai.

JEREMIAH 31:14

Kei naw taigü gui cu ei akni pi awn be sak gui ne, ka chang gui ung hlü ci gui avan cu Kei, Bawipa naw ka pyen nei.”

EZEKIEL 36:35

Chang nü naw pyen khai, shin ah khaw cu a i hawkcha ang, shin cu bung ah kya man te ci, tuhbäi Eden dum ah mäih ah kyak ci nei, ng’phyek ci, ami guttep, dishum ciah mang gaw gui cu, tuhbäi bä ne khäng tham khai ah cawh ah kyak ci nei.

ZEKHARIAH 1:17

Khanchang naw shäu vai ah kei am ana m’thein cu, “M’gäi ciah Bawipa naw a pyen cu, a mang gaw gui cu bühmang ba khai gui, ani naw Jerusalem cu m’htei ba khai, a mang gaw cu ka nab a khai” ciah kyak ci.