JEREMIAH 33:8 - Cho Bible Common Language 2016

⁸ Kei na hnungtuk püi ne ami katnak gui cu ka m’si pe gui khai, ngami ah ami katnak la ami hnungtuk nak cu kei naw ka m’gein sei gui khai.

JEREMIAH 33:8 Referans Kwoze

ZEKHARIAH 13:1

Hlüngtai ciah Bawipa naw, “Cun ah khin a gawk law ung David ah htangshon la Jerusalem chang gui ah shekat nak la hmühma nak cu m’si nak vai ah tuilawng cu ng’hmawng lawk khai.

EZEKIEL 36:25

Kei naw nami khan ah tuici awn ka ning k’peh gui khai, nami agup gui avan la nangmi ning lelawi sak gui ci nü ungka ka ning theing sak gui khai.

SAM 51:2

Ka shet nak gui phung na m’si pe ne, ka cheishoh nak phung na theing sak ä!

THU PHLAAN 1:5

bekhüt ne saksi ne, sih nak ungka tho ba htük ne, mdek la khan ghangpughang nüng nüng uk ciah Bawipa Jesuh Khrit ah m’geinsei nak la dimdeeih nak cu nangmi ung om sä. Mikmi na m’hni gui ne, asi huk ne asih nak awn, mi katnak ung nak phiawn gui netah;

EZEKIEL 36:33

Uktu Bawipa naw pyen ci, “Kei naw nami katnak avan ungka ka ning thap sak ba gui kawn ah, kei naw nami mang gaw gui ung ka ung ka ning om ba sak gui khai, shekak ci gui ka ning cawh ba sak gui khai.

JEREMIAH 31:34

A u naw phi Bawipa hmat vai ah mawng apigaw-chang kä theithang khai, a i ah kyasei ci ung a hmaw pikbäih ungka naw ang vaipikbäih ung khüt sei, chang avan naw kei nah mat khai, kei naw ami katnak ka m’geinsei gui khai, ami cheishah nak kä ka shüm ba khai. Kei, Bawipa naw ka pyen nei.”

JEREMIAH 50:20

Cun ah khin a gawk law ung Israel ah katnak kä hmuh ba vai, Judah ung cheishoh nak kä om ba khai, a i ah kyasei ci ung kei naw phiawn ngäsei ghing ci gui cu kei naw ka m’geinsei gui khai. Kei Bawipa naw ka pyen nei.”

ISAIAH 44:22

Kei naw nami katnak cu kho ng’mei ah mäih ah ka zon sak ci nei. Kei ah law ba vä, kei cu nangmi ning hun gui ciah ka kyak ci nei.”

SAM 65:3

Kami cheishoh nak naw na hnim gui ci, cun ung phi nang naw na nam geinsei gui ci.

ISAIAH 56:7

“Kei naw theing cim ciah ka m’htung Zion ung ka ning law püi gui khai, taigü nak ah ka cn ung yeikyai nak ka ning pe gui khai, ka mang kiang ung nami douthak law ah khawihnah nak cu kei naw ka dou khai. Kei ah Tigü lm cu chang pakhui avan ung chang gui ah taigü nak ah lm ah khü khai gui.”

ISAIAH 4:2

Bawipa naw a phing nü la sing ghing nü cu cun ah khaw ung däin ne kyom khai ah a pyan nak ah khin gawk lawk ci, k’pawih ba ciah Israel chang avan cu khaw ung geitkaw am thawk ah phäh ah yeikyai läma khai gui.

TAIGÜTHUM 16:30

Acu hnüüp ung bilawh ah thung gui cu bilo ne, ami katnak avan ung ng’gängsei sak gui vai. Cun ah kyasei ngami cu theingthap khai gui.

SAM 130:4

Cun ung phi na na m’geinsei gui ah akyak ung, nang ung kami m’chang m’sui khai nei.

NG’ÄI KYAH 4:22

Zion naw akat nak ah phu cu pe pyi ci nei, Bawipa naw mikmi cu omktu khaw ah kä na tha ba gui khai nei. Cun ung phi Edom, Bawipa naw ning m’kyuk khai nei. Cheishoh ne na hnünthawh gui cu ani naw m’dang khai nei.

SAM 130:8

Ani naw a chang gui Israel gui cu ami katnak avan hun gui khai.