JEREMIAH 33:6 - Cho Bible Common Language 2016

⁶ Cun ung phi shin ah mang gaw la lun chang gui cu kei naw m’tui m’seih gui khai, ami gai vai ah ka m’tho ba gui khai. Kei ah bä aik ciah deeih nak la ngain gep nak ka m’dang gui khai.

JEREMIAH 33:6 Referans Kwoze

JOHAN 10:10

M’guk ei cu, m’guk khai, ngawn khai, plawhsheh khai ah lawk ci. Kei läi cu nangmi naw ghin nak nami gah vai la ghin nak akümbe vai ah ka lawk ci.

ISAIAH 30:26

Cha cu hni ah mäih ah ng’shü khai, hni cu ang shü man ah ak chih ah pyü ne ng’shü khai, hnüüp chih ung ang shü vaisü hnüüp ät ung ang shü ah mäih ah kyak khai. Bawipa naw achang gui am a pek gui ah hmaleim gui halwp ne, am tui pek gui kawn ah shin gui avan cu kya lawk khai nei.

SAM 67:2

cun ah kyasei khomdek khan avan naw na ng’yak hlü hmat khai; changpakhui van naw na hun nak hmat khai.

ISAIAH 58:8

“Cun ung kei ah bämang nak cu ngawi thaih hni pyü ah mäih ah na khan ah ng’shü sei, na nat nak gui a van cu ang ghit ah khan khai nei. Kei naw ungtäi sei ning om püi gui ne ka ning hungui ci; kei ah ka naw apäng avan ung ning shungvong gui khai.

HOSEA 6:1

Chang gui naw pyen ci gui, “Bawipa ah mi ng’hlat ba khai nei. Ani naw na nat sak gui ci, cun ung phi ani naw akcang ah na gei ba sak gui khai nei. Ani naw na leim sak gui ci, cun ung phi mi leim cu na hlawp pe gui khai nei. Ani naw cun ah kä bik khai ang?

ISAIAH 66:12

Bawipa naw pyen ci, “Kei naw kä ng’pyi hlawt ciah bühmang nak cu ka ning thak law gui khai nei; kä kawi hlawt ciah tuinu ah mäih ah chang pakhui gui ah khawh chan cu nangmi ung long lawk khai nei. Nangmi cu, anu naw m’hni ne, a kut awn k’pawnm ne, am htei htang ah a hmaw hta ah mäih ah nami kyak khai nei.

1 PETER 1:3

Mi Bawipa Jesuh Khrit ah Pa Khanpughi cu mi m’kümto khai nei! Khanpughi naw küikyang ciah ak chimgein nak awn, Bawipa Jesuh Khrit cu sih nak ungka thawh ba sak ne, mikmi am ghin nak ak thai cu na pe gui ci. Acun naw ghing ciah ngaih u nak awn na kümbe sak gui ci.

ISAIAH 54:13

“Na chang gui cu kei ka mät naw ka m’thei thang gui khai, bühmang nak la dimdeeih nak ka pe gui khai.

HOSEA 7:1

“Kei naw ka chang Israel gui ka gai sak hlü gui laka bühmang ba sak hlü gui päng ung kei naw ami cheishoh nak la akshe ami gui avan ka hmuk ci. Ngami cu tumat la tumat ng’hleeihlak tuk ci gui. Ngami im gäi ne lut ne m’guk ci gui. Ngami naw lam ung chang guttep ci gui.

JEREMIAH 17:14

Bawipa, na k’pün ä, kei akcang ah ka gai khai nei; na gung ä, kei akbe ah ka phyawng khai nei. Nang cu kei ah ning m’hlüngtai tumat ah na kyak ci nei!

MIKHAH 4:3

Ani naw pakhui gui ah ng’lung ah ng’cuhcan nak m’düih khai, aksho ang et m’gäi ciah huham ah ng’lung ah. Ngami naw ami khim cu k’tuu ah shep u ne, ami htei cu ng’vin ah shep khai gui. Pakhui gui ng’tuk nak kä om ba khai, ga vai ah kä pawng htein ba vai.

ISAIAH 55:7

Chang omshe gui naw ami ghin om nak ah lam cu nawng u sä, ami ngaih-tüh nak cu m’thawng u sä. Ngami cu Bawipa, mi Khanpughi ah ma ah ng’hlah sak gui vä; ani cu chimgein ne, ang ghit ah m’geinsei ci nei.

ISAIAH 2:4

Chang pakhui küi kyang gui ah ng’cuh can gui cu ani naw m’khoi chak khai, ngami naw ami khüm cu lai thawn nak vai ah kawt u ne, ami k’htei cu sangsawn ah kyak sak khai gui. Chaung pakhui gui cu ng’tuk nak ah kä hteit ba khai gui. Ng’tuk vai ah kä pawng ba khai gui.

SAM 37:11

cun ung phi am lung neim sak ci naw khaw päng khai, khawhmah ne yeikyai ding gei khai.

THULÄÄN NAK 32:39

Kei, Kei bäng Khanpughi, A hei a i Khanpughi phi akcang kä om ci. Kei naw ngawn ne ghin nak ka pe ba ci, Kei naw phleim ne kam tui ba ci, Kei ah bi cu a u naw kä hnungtuk hlawst khai.

EPHESIAN 6:23

Pa Khanpughi la Bawipa Jesuh Khrit naw khritha phäi nau nami van am, dimdeeih nak, la yum nak awn m’hni nak cu ning pe gui sä.

SAM 72:7

Düng ciah ah chang cu a ghin yah ung bämang sä, cha a vai ah chuih bühmang sä.

PHYAWN NAK 34:6

Cun kawn ah Bawipa naw ama ung law neta am lau cu, Kei, Bawipa, Khanpughi, m’gein nak la m’hni nak awn ka be ci, kä ka m’lungshe yäi ci, dämduh ciah m’hni nak la bekhüt nak ka m’dang ci.

ISAIAH 39:8

Ghangpughang Hezekiah naw ani ah ghin sang ung dimdeeih nak la ngaih gep nak om khai ciah ngai neta, ani “Bawipa ung ka ng’thu na na pek law cu nik ci nei” cik ci.

JEREMIAH 3:22

Bawipa ng’hlah tak ciah chang gui avan ng’hlat law ba vä; ani naw ning gai sak gui ne ning bekhüt sak gui khai. Nangmi naw nami pyen ci, “ä, kei mi Bawipa ah kami law ba ci nei, a i ah kyasei ci ung ani cu kami Khanpughi ah kyak ci.

MALAKHI 4:2

Cun ung phi kei na läk ciah nangmi ah phäh ah ka hun nak huham cu khohni ah mäih ah nami khan ah so lawk khai, hni ah pyü ne gai nak law püi khai. Nangmi cu phyawng ne, sei im ungka lut law ne ng’hlü ciah sei hta ah mäih ah nami yei khai.

SAM 147:3

Ani naw am lung kyong di ci gui cu gai sak gui ne, ami leim cu hlawp pe gui ci.

THUSHÄUTU 3:3

Ngawn nak ah khin om ne, gaisak nak ah khin om ci; phyet nak ah khin om ne, cawh nak ah khin om ci;

ISAIAH 57:18

“Ngami ah hnün thawh cu kei naw ka hmu gui ci, cun ung phi kei naw ka gai sak gui khai. Kei naw lam ka shüm gui khai, ka m’htei htang gui khai, thüi sei ci gui ka m’shuun gui khai.

ISAIAH 57:19

Kei naw dimdeeih nak avan am ka pek ci nei, ang et nak la a shon nak avan ung! Kei naw ka chang gui cu ka gai sak gui khai.

JEREMIAH 29:11

Nangmi ah phäh ah ka m’hnüt bäi cu ka mät bäng naw ka hmat ci, Cun ah m’hnüt bäi cu nami bühmang nak vai ah kyak ci, leigai ah kä kyak ci, ngawi ah nami ngaih u rai law püi ciah m’hnüt bäi ah kyak ci.

MIKHAH 7:20

Cau kami pupa gui ung na shaitak ah na bekhüt nak la na m’hni nak cu Abraham la Jakob ah hta ng’shon, na chang gui am na m’dang khai nei.