JEREMIAH 33:4 - Cho Bible Common Language 2016

⁴ Kei, Bawipa, Israel khanpughi naw ka pyen ci, Jerusalem ung im gui la Judah ung bawi mang im cu khai ne ami tuk ah phäh ah sheka yawp khai

JEREMIAH 33:4 Referans Kwoze

HABAKKUK 1:10

Ngami naw ghangpughang täitawk u ne, bawi ng’vai gui phi gaih tuk khai gui. Ngami cu a i gawnu naw phi kä k’büüp gui hlawt khai — ngami naw khomdek kai nak vai ah piang ne khäm khai gui.

EZEKIEL 4:2

Cun kawn ah ga gui naw ami khaai, myawng gui, m’dekhui shawk gui, gaphung gui, shung nak ah sing tawn gui mang gaw avan veing khai ah gei ä.

JEREMIAH 32:24

“Babilonian gui naw shin ah mang gaw tu ne khäm khai gui ah khui gui veing ne co ne khai u ne tu lawk ci gui nei. Ng’tuk nak, ei cawi nak la gawpyam nak naw shin ah mang gaw cu ngami ah kut ung ng’kiak sak khai nei. Nami van naw nami pyen gui abä law cu nangmi naw nami hmuhning ci nei.

EZEKIEL 21:22

Tuhbäi! Jerusalem ciah m’hnüt ah m’la cu ani ah akpat täng kut ung k’paang lawk ci. Acun naw hteit ne ng’tuk nak singtawn pyan vai, ng’tuk vai ah m’lau vai, m’kawt gui hnungtuk ne shung nak tung gui tha vai, m’dek khui gui cawh vai, myawng gui cawh vai ah ani am m’thein ci.

EZEKIEL 26:8

Khonglung ah om ciah gawnu gui ung om ci gui cu ng’tuk nak ung ngawn gui khai gui. Ga gui naw m’vam co u ne, m’dekkhui co u ne khäng ciah shawi paang gui kawt ne ning tuk khai gui.

ISAIAH 32:13

ng’hling-cam gui la ng’hling gui cu ka chang gui ah khaw ung tho pyi ci nei. Chang gui naw ami yeikyai nak ah cin gui avan la ami ng’häh leh nak ah mang gaw ah phäh ah thüi kyap vä.

ISAIAH 32:14

Mang im phi kei ne, mangkho leigaw phi apum ah shiu khai nei lm gui la k’pang gui ami ngäng gui cu ang’täi sei di maih khai nei Hwn cu k’pya ng’se gui naw lum na u ne, htome gui ah khu ei nak ah kyak khai nei.

JEREMIAH 6:6

M’gäi ciah Bawipa naw ghangpughang gui am Jerusalem ge nak vai ah singdung gui chuk tawn sak gui ne m’dek m’htung gui phluu sak gui ci. Ani aw pyen ci, “Hnungtuk püi nak da aih sei Kei naw shin ah mang gaw cu ka m’di khai.”

NG’ÄI KYAH 2:7

Bawipa naw a sonkiang cu hnungtuk ne theingcim ciah Taigüim cu ng’gau sak ci. Acun ah paang gui cu ga gui naw ami gäi vai ah ani naw bi sak gui ci. Ayanä mikmi naw yei ne mi khawihnah nak man ung ngami cu näng nak awn m’lau ci gui.

THULÄÄN NAK 20:20

Cung phi nangmi naw a hei sing ghing gui cu chu u ne, mang gaw kä nami khäm pha ah chuih ng’shung nak vai ah nami mang hning ci.