JEREMIAH 33:3 - Cho Bible Common Language 2016

³ “Na khü vä, ka ning m’shang gui khai; nangmi naw kä nami hmat ah cäicat vai ah chüula ciah amawng cu ka ning m’thein gui khai.

JEREMIAH 33:3 Referans Kwoze

JEREMIAH 29:12

Cun Kawn ah nangmi naw kei nami na khü khai, Kei ah law ne nami taigü khai, kei naw ka ning m’shan gui khai.

ISAIAH 65:24

Kei ah ami taigü law kä ang pha ung, ngami ah taigü cu kei naw ka m’shang khai.

EPHESIAN 3:20

Mikmi ah m’lung kyong ung a hlüngtai nak awn bi bik ci naw, mik mi naw mi ngaih-tüh mi ng’yoih thäh ah tah, däm pi sei na pe gui hning ci nei;

ISAIAH 48:6

Kei naw ng’dawt ne ka pyen gui avan tukbäi kya law pyi ci: kei ah ka ng’cängbang gui hman ciah tuhbäi nami ng’kia vai. Lawk khai ah a mawng ak thai gui la kä ka m’than pha ah amawng gui cu Tuhbäi kei naw ka ning m’thein gui khai.

SAM 91:15

Ami na khü ung ka m’shang gui khai. Ami geinvai yah ung ka om püi gui khai. Kei naw gung gui ne, ka m’taam gui khai.

THULÄÄN NAK 4:29

Acu ah nangmi naw Bawipa nami Khanpughi cu nami shui khai, nami m’lung kyong avan awn nami shui ung nami hmuk khai nei.

SAM 50:15

Khüikha nak a gawk law ung na khü vä; kei naw ka ning hun gui khai, nangmi naw nami na m’taam khai.”

SAM 145:18

Ani naw ani khü ci gui la m’lung neim nak awn khü ci gui cu k’et gui ci.

THULÄÄN NAK 4:7

“A u ni pakhui a i hlawk ah dämduh ci phi Bawipa mi Khanpughi naw ana om püi gui ah mäih ah ami ng’yak hlü sang ung ami khanpughi naw kä et püi gui ci. Ana m’htei gui vai ami khü päng ung ani naw na m’shang gui ci.

LAMKTU 2:21

Cun yah ung Khanpughi ah ng’hui neh k’tai gü ci gui cu, hun nak gah khai gui” ciah Khanpughi naw pyein ci.

AMOS 3:7

Uktu Bawipa naw a bi vai ah mawng cu a changshäm prophet gui ung kä m’than ah a i kä bik ci.

SAM 25:14

Bawipa cu ang thu läk ciah chang gui ah teihpüi ah kyak ci, ani naw ang shai pek cu ngami ung küm sak ci.

ISAIAH 45:3

Hmüp khui ah ng’thup ciah hmun ung ka khawh cham cu kei naw ka ning pe gui khai; cun kawn ah nang naw kei cu Bawipa ah ka kyak la Israel khanpughi naw na ming ung aning khü cu, na hmat khai.

THU PHLAAN 2:17

“Khihtabum gui-am Mumcha naw am thein gui cu nami hnga a om ung ngai ne nami ng’yak vai nei! “Näng nak gah ciah chang-am thup ne ghim ah manna m’htut cu ka pek khai, k’toulung bawk phi ka pek khai. Cun ah k’toulung bawk ung guk ah ming thai cu, a u naw kä hmat khai, acun ah lung gah ci bäng naw hmat khai.

MATTHE 13:35

Cun ah a pyein sak ah mawng cu, profet gui ah ng’thu a khüm nak vai ah hmawk ah kyak ci. Cun ah thu cu; “Kei naw nangmi ah ma ah ng’thu ka pyein ung m’tumtäng bäng bäng ne ka pyein khai: Khanpughi naw khomdek atüi ung tün ne, a u ah kä hmat man cu kei naw m’dang ne ka pyein khai,” ciah kyak ci.

MIKHAH 7:15

Egypt khaw ah ka na na law püi ba gui yah ungka ah mäih ah keimi ah hmawk ah cäicat vai bi law ba ä, Bawipa!

JOEL 2:32

Cun ung phi Bawipa ah ng’huipaa ci phung cu hun gui khai. Bawipa naw a pyen ah mäih ah, Jerusalem ung am shah cu phyawng khai; kei naw ka ghü gui cu k’pawih khai gui.

1 KORIN 1:2

Korin gawnu ung Khanpughi ung ng’bum ciah chang gui la, a kho päng ungka mi Bawi la ami Bawi ah Bawipa Jesuh Khrit khawihnah ciah chang avan la, Bawi Khrit Jesuh ung kawngät nak awn Khanpughi ah chang avan la, Bawi Khrit Jesuh ung kawngät nak awn Khanpughi ah chang theing ah a khü gui ah chang gui am ca ning guk law gui nei.

JEREMIAH 23:35

Cun nak vaisü ung ngami tumat cine ami teihpüi gui la ami mätyah gui cu, ‘Bawipa naw a i m’shan nak ang aning pek gui? Bawipa naw a i ang a pyen?’ cine nami ng’shi gui vai nei.

JEREMIAH 32:17

“Uk ciah Bawipa, nang naw khomdek la khankhomik cu dämduh ciah na huham la na m’gäi nak awn na tüipiang ci; nang ah phäh ah a i phi kä khak ci.

JEREMIAH 32:27

“Kei cu Bawipa, hnicim chang avan ah khanpughi nei. Kei ah phäh ah khak aih ci a i kä om ci.

DANIEL 2:18

Ani naw, “Khankho Khanpughi naw ana m’thein gui vai ah mi taigü khai, cun ah thuuk ciah ng’mang cu k’phlan ne ana m’thein gui vai ah mi thäh khai. Cun ung Babilon ung m’cumcäi ciah bawi gui awn atäng ah kä na ngawn tu gui khai gui nei” cik ci.

DANIEL 2:22

Ani naw thuuk ci la ng’thup ci gui cu dang sak ci nei; Ani naw hmüp khui ung ng’thup cicu hmat ci nei, ani amät cu akdei naw ng’vong ci nei.

DANIEL 2:23

Ka pupa gui ah Khanpughi aw, ning m’hlüngtai ne ka ning tamkhah ci nei, Nang naw cüivai nak la thagui na na pek ci; Nang naw ka taigü na m’shang ne ghangpughang am a i cha ah m’thein vai cu na na m’hmuh gui ci nei.”