JEREMIAH 33:22 - Cho Bible Common Language 2016

²² Ka changshäm David ah htangshon gui cu ka da sak gui khai, Levi pakhui taigü gui cu ka da sak gui khai, cun ah kyasei ngami cu Khankhomik ung aisi gui la tuinu kem ah laigin ah mäih ah kä khei tai vai ah kyak khai gui.”

JEREMIAH 33:22 Referans Kwoze

ATÜNNAK 22:17

Kei naw shai ka taak cu, khankho ah om ciah aisi chü, tuinu kem ah om ciah laigin chü ah ka ning pungpiah sak khai. Na htangshon gui naw ga avan näng khai gui.

HEBRU 11:12

Abraham cu ak si ah mäih ah a kyak te ung phi, ani ah hta ng’shon gui cu, Khankho mik ah aisi chü ah mäih, tuinu kem ah käk khei tai vai ah laigin chü ah mäih ah da ci nei.

ATÜNNAK 15:5

Bawipa naw akpung ah luh law püi neta, “Khankhawmik dan ne, aisi gui cu khei shüm ä, na htangshon cu shin ah aisi chü lawk khai nei” ciah kyak ci.

JEREMIAH 31:37

Hnüüp ät ung khan khomik cu nüt dawng hning ne khomdek ah ang’nei cu ami hmuh kawn ah bawtah, ngami naw katnak ami bi avan ah phäh ah ani naw Israel chang gui cu maa na gui khai. Bawipa naw pyen püi ci nei.

ISAIAH 66:21

Kei naw ngami ungka amshah cu taigü la Levites ah ka pyang gui khai.

ZEKHARIAH 12:8

Cun sangung Bawipa naw Jerusalem ung om ci gui cu, shungvong gui khai. Ngami ungka ak ghawi pikbäih phi David ah mäih ah khüighat khai. David ah htangshon gui naw Bawipa ah khanchang ah mäih ah, Khanpughi a mät ah mäih ah lam shüm gui khai gui.

HOSEA 1:10

Israel chang gui cu tuinu kem ah laigin ah mäih ah kyak khai gui, kä khei tai vai, kä nüt tai vai ah kyak khai gui, Tuhbäi Khanpughi naw pyen ah gui ci, “Nangmi cu kei ah kä ning chang gui nei,” Cun ung phi ani naw shi cha ah a pyen nak vai ah hnüüp cu gawk lawk khai nei “Nangmi cu ghing ciah Khanpughi ah hta nau gui nei!”

EZEKIEL 44:15

Uktu Bawipa naw pyen ci, “Cun ung phi Levi pakhui nak ciah Zadok ah htangshon taigü gui cu, a i ah a kyak ung phi, Israel chang gui naw kei na ng’hla ta ne ami kyak sang ung, Taigüim ung kei ung bekhüt ne bii bik ci gui ah kyak ci. Cun ah kyasei, tuhbäi ngami cu kei ah bii bik ci gui la kei ah ma ah law ne, khawihnah nak ah a thau la asi douthak ci gui ah kyak ci.

SAM 89:29

Ani ah ng’shon cu khankhomik ah mäih ah khäng khai, Ani ah hta ng’shon cu angtäi sei ghangpughang ah kyak khai.

SAM 22:30

Malam ah hta ng’shon gui naw a khuut bik khai gui; Chang gui naw Bawipa mawng cu lawk ciah ng’shon ung pyen khai gui.

ATÜNNAK 28:14

Na htangshon gui cu m’dek khui ah mäih ah khli khai gui. Ngami cu a htum, a siip, akhei, ak kyang ung pi ne om khai gui. Chang pakhui avan naw nang la na htangshon ung hriham gah khai gui.

ATÜNNAK 13:16

Nang cu chang akchün ah ka ning pungpiah sak khai. M’dek khui cu chang naw kä a khei hlawt yawp ah mäih ah nang ah htangshon cu chang naw kä khei yawp hlawt khai nei.

ISAIAH 48:19

Nang ah hta ng’shon gui cu laigin chü ah da khai gui, kei naw ngami cu a i yah ung phi kä ka dishum sak gui khai.”

JEREMIAH 30:19

A cun ung om ciah Chang gui naw m’hlüngtai nak ng’äi m’cu khai gui; Ngami cu yei ne m’lau khai gui. Kei ah hriham awn ngami cu da u ne, kei ah hriham naw ngami m’tam khak nak cu law püi khai.

JEREMIAH 33:18

levi pakhui ungka cu angtäi sei taigü ah kyak khai, ngami ka nii ni ne m’khih-douthak, htang-douthak la khawihnah nak gui cu douthak khai gui.”

JEREMIAH 33:23

Bawipa naw na pyen nak ci,

EZEKIEL 37:10

Cun ah kyasei ana m’thein ah mäih ah kei cu ka cängbang ci. Ghin nak cu ami pumsa kyong ah lutsei, ngami cu ghing law u ne, ng’düi lawk ci gui. Ngami gui cu gakap ah bum gui hmuh vai ah da ci gui.

ZEKHARIAH 2:4

Law htük ci naw tumat am, “Dawng ne hteit ne nüt nak gui kawt ciah chang nong am na m’thein vai cu, Jerusalem ung chang akda, ui vawk ai akda om lawk khai kyasei, akdäm ah ng’vong k’pang vai kyak khai nei.

ZEKHARIAH 10:8

“Kei naw ka chang gui cu khü ne, Atäng ah ka ng’bum sak gui khai, Kei naw ka gung gui khai, acau ami da man ah mäih ah ka da ba sak gui khai.