JEREMIAH 33:13 - Cho Bible Common Language 2016

¹³ Khaw gui yung ah gaw nu gui, m’htung nawi gui, Judah khaw a htum täng, Benjamin khopäng, Jerusalem ah pei yung ah pi gaw gui la Judah gawnu gui ung htoshäm gui naw ami htome gui cu khei ba khai gui nei kei, Bawipa naw ka pyen nei.”

JEREMIAH 33:13 Referans Kwoze

TAIGÜTHUM 27:32

Vuhchah gha a law päng ung tumat cu Bawipa ah kaa ah kyak ci. Seime gui khei law ah a kyak ung, a gha nak tumat päng cu Bawipa ah kaa ah kyak ci.

LUKA 15:4

“Nangmi ung kaa, chang tumat ung htome phiaa om ci ung kaa, tumat a maih ung a i ah kyak khai ang? Ani naw k’pawih ba ciah ko-kip-lei-ko cu khu ah li nak ah nawng gui shüt netah, maih ciah htome cu, kä ah hmuh ba pha ah chuih shui ba khai nei.

JEREMIAH 17:26

Chang gui cu Judah gawnu gui la Jerusalem ah ng’veing gawhta gui ungka lawk khai gui; ngami cu Benjamin khopäng khomhtung nawi gui. Khomhtung gui la Judah a htumtäng ungka lawk khai gui. Ngami naw m’khih ne douthak nak la khawihnah nak, thang-douthak nak la tui ng’ui gui la yeikyai douthak nak gui cu kei ah Taigüim ah law püi khai gui.

JEREMIAH 31:12

Ngami cu Zion m’htung ah law ne yei ne ng’äi m’cu khai gui, kei ah m’cümhnah awn lünlawi khai gui — Cun ah m’cümhnah cu htang, sapyit tui olive situi la Htome, seipat gui ah kyak ci. Ngami cu tui shawk akni ah mäih ah kyak ci. Ngami cu tui awn akni ah shawi ah dum ah mäih ah kyak khai gui; Ngami naw ami ng’ yak phung gah khai gui.

JEREMIAH 32:15

M’gäi ciah Bawipa, Israel khanpughi naw im gui, lo gui la sapyit lo gui cu shin ah khaw ung hleih bam ä vai nei, cine pyen ci.

JEREMIAH 32:44

Chang gui naw khleih khai gui, cun gui cu ming guk vai, m’hnüt vai, saksi om khai. Cun gui cu Bangamin khopäng, Jerusalem ah pei yung ah pigaw gui, Judah ung gawnu gui, khomhtung yung ah gawnu gui m’htung nawi gui la Judah khaw a htum täng yung ah kyak khai. Kei naw chang gui cu ami khaw ung ka m’tho ba gui khai. Kei, Bawipa, naw ka pyen nei.”

EZEKIEL 20:37

Kei naw nangmi cu akhtek ah ning pang gui ne, ka thukhän nami läk vai ah ka ning bi gui khai.

OBADIAH 1:20

Israel asiip täng ah ka omtu gakap gui cu, law ba u ne, Phoenicia khaw cu Zerephat ung khüt sei khäm khai gui. Sardis ah om ci gui ah Jerusalem ah ka omtu gui ne, Judah a htum täng ah gawnu gui cu khäm khai gui.