JEREMIAH 33:10 - Cho Bible Common Language 2016

¹⁰ Bawipa naw pyen ci,” Shin ah hmun cu bung puk ah mäih ah kyak ci, chang la khisa a i phi kä om ci. Ngami hman ci gui; Judah khaw ung gawnu gui la Jerusalem ung lam gui cu a ghawng ah kyak ci; cun ung chang la khisa a i phi kä om ci. Cun ung phi shin ah hman ghi ung

JEREMIAH 33:10 Referans Kwoze

JEREMIAH 32:43

Shin ah Khaw cu chang la khisa gui ah käom nak kong gau kyak khai, Babilonian gui am pek gui vai cine chang gui naw pyen ci gui. Cun ung phi lolai gui cu shin ah khaw ung hleih ba mä vai.

EZEKIEL 37:11

Khanpughi naw na pyen nak ci, “Hnicim chang, Israel chang gui cu shin ah guh gui ah mäih ah kyak ci gui. Ngami naw, ngami cu chawng pyi ci gui, ngaih u vai kä om ci, ma lam ah ka vai kä om ciah pyen ci gui.

JEREMIAH 32:36

Bawipa, Israel khanpughi naw na pyen nak ci,” Jeremiak, chang gui naw pyen ci gui, ng’tuk nak, ei cawi nak la gawpyam nak naw shin ah mang gaw cu Babilonia ghangpughang ah kut ung ng’kiak sak khai nei. Tuhbäi kai naw ka ning pyen nak gui phung nami ngaih rai nei.

TAIGÜTHUM 26:32

Kei naw nami khaw cu ng’pyi khai ah ka m’di khai, cun ung om ciah ga gui cu cun ah dishum nak hmu neta ng’thüng khai gui.

JEREMIAH 26:9

A i ah kyasei nang naw, shin ah Taigüim cu Shilon ah mäih ah kyak khai, shin ah mang gaw cu m’di vai, cun ung a u phi kä om ba khai, na ci ang? ci u neta, chang hli naw kei cu na koi ci gui.

JEREMIAH 34:22

Kei naw thukbäi ka pek gui ung ngami cu mang gaw ah law ba khai gui ngami naw tu u ne, khäm u ne, mei aw m’khih khai gui. Kei naw Judah gawnu gui cu a u ah kä um nak ah bung pya ah mäüh ah ka pyang kha kei, Bawipa naw ka pyen ci.”

HAKKAI 1:4

“Ka chang gui aw, ka Taigüim she ne a kyak sang ung, a i ah kyasei im ni cine nami om ang?

SAM 85:7

O Bawipa, angtäi ciah na m’hni nak na hmuh sak gui ne, na hun m’htei nak cu na pe gui ä.

SAM 147:13

Ani naw na m’kawt gui cu k’pang ne khän htek sak ne, na chang gui cu hriham pe gui ci.