JEREMIAH 32:8 - Cho Bible Common Language 2016

⁸ Acun ah Bawipa naw a pyen ah mäih ah, Hanamela cu mang im väng kyong ah kei ah law ne, khaw ka hleih ah kei na ng’thu püi ciah ka hmat ci.

JEREMIAH 32:8 Referans Kwoze

JEREMIAH 32:7

ka pukhaw, shallum ah hta Hanamela cu kei ah law ne, Benjamin khopäng Anathoth ung khaw bung cu kei naw ka hleih vai ah na k’thäh lawk ci, a i ah kyasei ci ung kei cu ani ah ang et pikbäih amät yah ah kya ne, ka kaa vai ah ka hleih hning ciah kyak ci.

JEREMIAH 32:2

Cun yah cu Babilonia ghangpughang ah gakap gui naw Jerusalem ami tuk yah ah khin ah kyak ci, kei phi cun yah ung mang im ah väng kyong ah ami na chum ah kyak ci.

JEREMIAH 33:1

Kei cu mang im väng kyong ah thawng ka kium yah ung Bawipa ah ng’thu cu gawk law ba mä ci.

1 GHANGPUGHANG GUI 22:25

Mikaiah naw, “Nang cu a hnu täng a khan kyong ah na ng’thup khai ah na hteh law ung na hmuk khai nei” cik ci.

JOHAN 4:53

Bawipa Jesuh naw, “Na hta ghing ba khai nei” a ci nak cu a cun ah akhin ah kyak ciah apa naw shüm ba netah, ani la akyong ungka ami van naw Bawipa Jesuh cu yum ci gui.

ZEKHARIAH 11:11

Cun ah kyasei cun ah hnüüp ung thukhän cu phyeit ah kyak ci. Htome hleih ci la yoi ci gui naw kei cu na teng u neta, kei ah bi nak ung Bawipa naw ng’thu pyen ci, cicu hmat ci gui.

1 SHONTÄP NAK 6:60

Benjamin khopäng ung shin ah gawnn gui la ami khulim khaw gui phi gah ci gui: Keba, Alemeth, la Anathoth. Cun ah kyasei ami kyongchang avan naw ami om nak vai ah avan angdawn pigaw gha lei thum pe gui ci gui.

1 GHANGPUGHANG GUI 2:26

Cun kawn ah Solomon ghangpughang naw taigü Abiatha a pyen nak cu, “Anathoth, na khaw ah hteit ba ä. Nang cu na si khin te ci, cun ung phi tuhbäi sih nak kä ka ning pek khai, kapa David ah pei ah na om sangung nang cu Bawipa ah Thukhän M’küm ngäng ciah na kyak ci, ani ah yaica nak avan cu na awt püt ciah kyak ci.”

JEREMIAH 1:1

Shin ah ca-uk cu Hilkiah ah hta Jeremiah ah thu pyen guk ah kyak ci, ani cu Benjamin khopäng, Anathoth gawnu ung taigü tumat ah kyak ci.

JEREMIAH 32:25

Cun ung phi uk ciah Bawipa, mang gaw cu Babilonian gui naw tu ne khäm lawk cang khai gui ah kya pang sei phi saksi gui ah ma ah khaw ka thon vai ah nang naw thu nak bäi ci nei.”

JEREMIAH 37:12

Cun ah kyasei tün ne Jerusalem nawng shüt ne Benjamin khopäng ah hteit ne ka kyong khui khawh cu ka ng’pai tuk khai ah kyak ci.

EZEKIEL 12:7

Bawipa naw ka bi vai ah a na m’thein cu kei naw ka bik ci. Cun ah hnüüp ung kei naw khüikha chang ah mäih ah ka htun k’pi ci, a cun ah mühun a hmüp law yah ung kei naw k’paang amkaw kakutawn pyang n e, acun awn la ne ka hteit ci. Chang nü naw ami na hmuh ah ka htun k’pi gui ka k’phleing taih ne ka hteit ci.