JEREMIAH 32:5 - Cho Bible Common Language 2016

⁵ Zedekiah cu Babilonia ah hteh püi khai gui, kei naw kä ka om püi pha ah chuih ani cu a ra om khai. Ani naw Babilonian gui cu a tuk gui ung phi kä näng hlawt khai. Kei Bawipa naw ka pyen nei.”

JEREMIAH 32:5 Referans Kwoze

EZEKIEL 17:15

Cun ung phi Judah ghangpughang naw kuknet neta Egypt ah a Chang tüi ne, ng’se gui la gakap akda cu k’thäh ci. Ani näng khai ang? Ani cun ung phyawng khai ang? Ani naw thukbäi bi nak cu kä m’shet hlawt khai, m’kyuk nak kä gah ah kä kya hlawt khai!

JEREMIAH 39:7

Cun kawn ah Zedekiah ah mik gui cu kawih pen eta guiawn khit he babilonia ah hteh püi vai ah tha ci.

JEREMIAH 33:5

Am shah gui naw Babilonian gui cu ng’tuk püi khai gui, ngami naw im gui cu kei naw ka m’lungshe nak la ka nget ngawng nak awn ka ngawn sheh gui ah a hook gui awn be sak khai gui. Kei naw shin ah mang gaw cu ka ng’hlah tak ci, a i ah kyasei ci ung awn ung om ciah chang gui naw akshe ami bi ah phäh ah kyak ci.

JEREMIAH 27:22

Cun gui cu Babilon ah hteh püi gui khai gui, cun gui cu kei naw ka m’htei güt ung acu ah om khai gui. Cun kawn ah ashi ah law püi ba gui ne, ashin ah hmun ung ka gim ba gui khai, kei, Bawipa naw ka pyen nei.”

EZEKIEL 12:13

C un ung phi kei naw ka ng’vai k’phiat ne a cun awn ka phak khai. Cun kawn ah kei naw ani cu Babilon mang gaw ah ka hteh püi khai, a cu ah ani cu acun kä hmuh ah sik khai.

JEREMIAH 37:10

Nangmi naw Babilonian gakap avan nami hnim ah a kyak ung phi leim ci gui bäng om ba ne phung kyong ah ami ng’zän ung phi, cun ah chang gui cu tho law ba u ne shin ah mang gaw cu m’dek ah khüt khai ah m’khih khai gui nei.”

JEREMIAH 2:37

Nangmi cu Egypt ng’hlah ta u ne, lung aa nak awn nami lu nami m’awh khai. Nangmi naw nami ngaih gep gui cu kei naw ka hnungtuk gui ci; nangmi naw ngami ung nami gah vai a i kä om khai.”

NG'THU K'THUUK~ 21:30

Chang ah cüivai nak hmuhmat nak, ngaih-tüh nak, Cun gui cu Bawipa naw a hnungtuk püi ung akholä ah kyak ci.

2 SHONTÄP NAK 24:20

Cun kawn ah Khanpughi ah mümcha naw Taigü Jehoiada ah hta Zechariah cu k’pang ci. Ani cu chang gui naw ami hmu nak vai ung ng’düi neta ng’khü ci, “Khanpughi Bawipa naw ning shi gui ci, a i ah kyasei ani ah thumkhän gui kä nami läk ne a i ah kyasei nami mät naw nami mät ah khan ah leigai nami law püi ang! Nangmi naw nami nawng ah kya ne, ani naw ning nawng ba gui ci!

2 SHONTÄP NAK 13:12

Khanpughi amät cu kami ng’vaihta ah kyak ci, ani ah taigü gui ci phyungheng kawt ne shin ung om ci gui, keimi naw nangmi ning tuk püi gui vai ah cun gui tum ne na khü gui ge khai ah om ci gui Israel chang gui, Bawipa cu kä nami ng’tuk püi en vai nei, ani cu nami pupa gui ah Khanpughi nei! Nangmi naw kä nami näng hlawt khai nei!”

KHEI NAK 14:41

Moses naw, “A i ah kyasei tuhbäi Bawipa ah thu kä nami ngaih ang? Nangmi kä nami näng khai nei.

JEREMIAH 32:6

Bawipa naw na m’thein ci,

JEREMIAH 32:24

“Babilonian gui naw shin ah mang gaw tu ne khäm khai gui ah khui gui veing ne co ne khai u ne tu lawk ci gui nei. Ng’tuk nak, ei cawi nak la gawpyam nak naw shin ah mang gaw cu ngami ah kut ung ng’kiak sak khai nei. Nami van naw nami pyen gui abä law cu nangmi naw nami hmuhning ci nei.

JEREMIAH 39:5

Cung ung phi Babilonian gakap gui naw k’täm law u ne Zedekiah cu Jerikho khudo pei ah phak ci gui. Cun kawn ah ngami naw ani cu Ghangpughang Nebukhadnezzar ah hteh püici gui ani cu Hmah khopäng Riblah mang gaw ung om ci, acu ah Nebukhadnezzar naw ng’thumcha nak bik ci.

NG’ÄI KYAH 1:14

Ani naw ka katnak avan gu ne la neta, avan atäng ah khit gui ci. Ani naw cun gui cu ka hnü ung veing ne bat sei, kei cu gih nak ah aka ung ka yung kya vük ci. Bawipa naw na ng’tuk püi ciam na pek ci, Kei cu ngami hnungtuk püi gui vai ah am geinka ah ka kyak ci.

EZEKIEL 12:12

Ngami uk gui ciah mang hta cu a htunkpi gui ak phleing ung taih ne, hmüp khui ung k’paang ami vüh pawk pei ah m’kawt tung hteit ne phyawng khai. Ani naw amik cu shung ci kya ne a hawi ah a hteh cu kä hmuk khai.

JEREMIAH 39:4

Ghangpughang Zedekiah la agakap gui aran naw cun gui cu hmu u neta mang gaw ungka phyawng khai gi ah khomii ung k’tha nak ci gui. Ngami cu mang ah dun täng ung hteit u ne, m’kawt lam k’pang gui ah angcä ung hteitne phyawng ne Jordan khongnawi täng ah phyawng ne hteit cu gui.