JEREMIAH 32:44 - Cho Bible Common Language 2016

⁴⁴ Chang gui naw khleih khai gui, cun gui cu ming guk vai, m’hnüt vai, saksi om khai. Cun gui cu Bangamin khopäng, Jerusalem ah pei yung ah pigaw gui, Judah ung gawnu gui, khomhtung yung ah gawnu gui m’htung nawi gui la Judah khaw a htum täng yung ah kyak khai. Kei naw chang gui cu ami khaw ung ka m’tho ba gui khai. Kei, Bawipa, naw ka pyen nei.”

JEREMIAH 32:44 Referans Kwoze

JEREMIAH 17:26

Chang gui cu Judah gawnu gui la Jerusalem ah ng’veing gawhta gui ungka lawk khai gui; ngami cu Benjamin khopäng khomhtung nawi gui. Khomhtung gui la Judah a htumtäng ungka lawk khai gui. Ngami naw m’khih ne douthak nak la khawihnah nak, thang-douthak nak la tui ng’ui gui la yeikyai douthak nak gui cu kei ah Taigüim ah law püi khai gui.

JEREMIAH 33:26

Kei naw shin ah ka bi cu ang hteicha ah maih ah kei naw Jakob ah htangshon la ka changshon David ah htang shon ung ka bi ah thukhän cu htei cha khai ah ka bik khai kei naw David ah htangshon ungka tumat cu ka ghü kaai, ani naw Abraham, Issak la Jakob ah htangshon gui cu uk khai, Kei naw ka chang gui cu chimgein gui ne, ka ng’bühmang ba sak gui khai,”

JEREMIAH 33:11

Zeikiai nak, hüithaw nak, hta m’um pawi ung yeikyai nak gui nami ng’zaba khai. Chang gui naw m’hlüngtai douthak nak kei ah Taigüim ah law püi ne ng’äi ami m’cu cu nami ng’yak khai; Ngami naw pyen khai gui, ‘M’gäi ciah Bawipa cu m’hlüngtai vä, a i ah kyasei ci ung ani cu nik ci, am hni nak cu ng’langtäi ci.’ Kei naw shin ah khaw cu a cau kaa ah mäih ah bühmang khai ah ka pyang khai, kei, Bawipa naw ka pyen nei.

JEREMIAH 33:7

Kei naw Judah la Israel cu ka bühmang sak gui khai, a zan kaa ah mäih ah ka cokyan ba gui khai.

JEREMIAH 32:10

Kei naw cagu ne saksi ah ma ah gune m’hnüt neta, ngui cu khin ne ka pek ci.

JEREMIAH 32:37

Kei naw ka m’lungshe nak la ka nget ngawn nak awn ka püi pyang sak nak gui ah khopäing aran ungka chang gui cu ka k’bum ba gui khai nei. Cun kawn ah kei naw dimdeeih nak awn law püi ba gui ne shin ah khaw ung phyawng ne ka om sak gui khai.

ISAIAH 44:26

Cun ung phi kei ah ka chang shäm naw cängbang nak abi ah a kyak ung, kei ah ka pawng püi gui m’than khai ah ng’shächang ka tüih ah a kyak ung. Cun ah pawng püi nak gui la cängbang nak gui cu akcang ah kyak khai ah kei naw ka bik ci. Kei naw ka m’thein gui ci. Jerusalem ung chang gui om ba khai gui, Judah mang gaw gui co ba khai gui. Cun ah mang gaw gui cu didam nak ung ka, Tho law ba khai gui.

JEREMIAH 13:19

Judah khaw a htum täng gaw nu gui cu ami khaai pyi nei; ngami ah a u kä hteit hlawt ci nei. Judah chang gui ami van cu omk’tu ah ami hteh püi gui nei.”

JEREMIAH 30:3

a i ah kyasei ci ung kei naw ka Chang gui Israel la Judah gui ka m’thawk nak ba gui vai ah akhin cu gawk lawk ci nei. Kei naw ngami cu ami pupa gui am ka pek gui ah khaw ung ka law püi ba gui khai, ngami naw cun ah khaw cu kaa na ba khai gui. Kei, Bawipa naw ka pyen nei.”

JEREMIAH 31:23

M’gäi ciah Bawipa, Israel khanpughi naw pyen ci, “kei naw chang gui cu ami khaw ung ka m’thawh ba gui ung, Judah khaw la gaw nu gui ung ngami naw pyen bam ä khai gui, ‘Theingthap ciah khomhtung Jerusalem, Theingcim ciah hmun a om nak cu Bawipa naw hriham pe sä!’

JEREMIAH 33:13

Khaw gui yung ah gaw nu gui, m’htung nawi gui, Judah khaw a htum täng, Benjamin khopäng, Jerusalem ah pei yung ah pi gaw gui la Judah gawnu gui ung htoshäm gui naw ami htome gui cu khei ba khai gui nei kei, Bawipa naw ka pyen nei.”

OBADIAH 1:19

“Judah a htum täng ah chang gui naw Edom cu khäm khai gui; akhei lam m’htung nawi ungka gui naw Philistia cu khäm khai gui. Ephraim la Samaria khopäng gui cu Israel gui naw kaa nak khai gui. Benjamin chang gui naw Kilead khaw cu lak khai gui.

OBADIAH 1:20

Israel asiip täng ah ka omtu gakap gui cu, law ba u ne, Phoenicia khaw cu Zerephat ung khüt sei khäm khai gui. Sardis ah om ci gui ah Jerusalem ah ka omtu gui ne, Judah a htum täng ah gawnu gui cu khäm khai gui.

ZEPHANIAH 2:7

Pawih ba ciah Judah chang gui naw nami khaw cu khäm khai gui. Acun ung ami htaw shäm u ne, Ashkelon khaw im gui ung ip khai gui. Bawipa ami Khanpughi naw om püi gui ne bämang ba sak gui khai.

ZEKHARIAH 7:7

Shin cu om law htük ciah prophet gui ung Bawipa naw ng’thu a pyen ah kyak ci. Cun cu Jerusalem a bämang yah ung, chang gui ami kümbe yah la chang gui akda cu Mang gaw pei ah gawnu gui bäng ah kä kya ne, a htum lam la akhei lam khaw ng’nawi ung ami om yah ung ah kyak ci.

JEREMIAH 30:18

Bawipa naw pyen ci, “kei naw ka chang gui cu ami khaw ung ka ka m’tho ba gui khai, kyong khui päng ah khan ah Chimgein nak om khai; Jerusalem cu cawh ba vai, amang im cu m’thawh ba vai.