JEREMIAH 32:40 - Cho Bible Common Language 2016

⁴⁰ Kei naw ng’täi ciah thukhän cu ngami awn ka bik khai. Ngami ah phäha ah akni ka bi cu kä ka ng’düm phung khai, ami m’lung kyong avan awn ami na kyih aa vai ah kei naw ka bik khai, cun ung ngami naw kei käna ng’hlah tak khai gui.

JEREMIAH 32:40 Referans Kwoze

EZEKIEL 36:26

Kei naw nangmi am m’lung akthai, ngaih akthai ka ning pe gui khai. Kei naw lung ah liu ciah nami m’lung liing cu ning lak pe gui ne, beik ng’yak nak ah m’lung cu ka ning pe gui khai.

JEREMIAH 24:7

Ngami am kei Bawipa ah ka kyak ah ami hmat nak hlü cu ka pe gui khai. Cun kawn ah ngami cu kei ah chang ah kyak khai gui, kei cu ngami ah khanpughi ah ka kyak khai, a i ah kyasei ci ung ngami cu ami m’lung kyong avan awn kei ah ng’hlat law ba khai gui.

1 PETER 1:5

Nangmi nami yum cicu ak hnu bäih ah a khin ung dang law ge khai ah hun nak, nami gah khai ah Khanpughi naw, a hlüngtai nak awn ning m’htei gui ci nei.

JAMES 1:17

Nikiom ciah m’shumphyuk nak la kümbe ciah m’cümhnah nak cu, khankho ah kaa lawk ci; Cun cu käng khukhlat ci, hmüp nak kä law püi ci, khankho dei tüisho ciah Khanpughi ungka lawk cia kyak ci.

EZEKIEL 39:29

Kei naw Israel chang gui ah khan ah ka mümcha cu ka yuk chah khai, kä ka ng’hlah ta ba gui phung khai. Kei uktu Bawipa naw ka pyen nei.

ISAIAH 55:3

“Tuhbäi ngai vä, ka chang gui aw, kei ah law vä; kei ah law vä, ghin nak nami gah khai! Kei naw khonglän ciah ka ng’thukhän cu nangmi awn ka bik khai, David ung shai ka tak ah hriham cu ka ning pe gui khai.

JEREMIAH 50:5

Ngami naw ziou hteh nak lam cu ng’shi u ne, acu täng ah hteit khai gui. Ngami naw kei awn ng’täi ciah thukhän bik khai gui, kä m’shet bakhai gui.

HEBRU 13:20

Sih nak ung khüt sei ng’ap ne, ng’täi ciah thukhän m’hnüt ne k’bäi ciah Htoshäm Bawi ah kyak ciah, Bawipa Jesuh cu Khanpughi naw, sih nak ungka thawh ba sak pyi ci nei.

2 SAMUEL 23:4

ng’mei kä om ciah khaw thaih hta ung, pyü ne sou ciah khaw hni ah mäih ah, khaw a aa thai ung khu m’sai m’kim sak ne, pyü ciah khaw hni ah mäih ah kyak ci nei.”

HEBRU 7:24

Cun ung phi Bawipa Jesuh cu angtäi ghing ci kya ne, Taigü ah kia ne khuut abi cun phi a hei ah kut ung kä gawk hlawt ci.

HEBRU 4:1

Khanpughi naw mikmi am ang thu ah shaitak cu mi gah vai ah na pe gui ci. Cun ah ng’düm nak vai ah shaitaak cu phlawi düt ci tumat phi kä om men khai ah nami geing nak vai nei.

ISAIAH 61:8

Kei naw taga nak cu ka m’hni ci, shedam nak la cheishoh nak cu ka thüi nak ci. Kei naw ka chang gui ung bekhüt ka m’cümhnah gui khai, Nangmi awn ng’täi ciah thukhän ka bik khai.

ISAIAH 24:5

Chang gui naw khanpughi ah thukhän gui m’shet nak la ng’täi khai ah a pyan ah angthukhän m’kat nak awn khomdek cu lelawi sak ci gui.

THULÄÄN NAK 31:6

Nami m’hnüt bäi vai, nami ngaih gep vai, kä namikyih en gui vai. Nami Khanpughi Bawipa amät cu nangmi awn a täng ah om khai. Ani naw kä ning shum sak gui khai. Kä ning nawng gui khai.”

THULÄÄN NAK 31:8

Bawipa amät naw ning chuiso khai. Ning om püi khai. Ani naw kä ning shum sak khai.”

JEREMIAH 31:34

A u naw phi Bawipa hmat vai ah mawng apigaw-chang kä theithang khai, a i ah kyasei ci ung a hmaw pikbäih ungka naw ang vaipikbäih ung khüt sei, chang avan naw kei nah mat khai, kei naw ami katnak ka m’geinsei gui khai, ami cheishah nak kä ka shüm ba khai. Kei, Bawipa naw ka pyen nei.”

EZEKIEL 37:26

Kei naw ngami awn thukhän ka bik khai, acun naw ngami cu khan gui sei ngawizä ngaih gep ne om khai gui. Kei naw cokyang ba gui ne, ami chang ka da sak gui khai, ami khaw ung ka Taigüim ka tha khai, cun cu ngawi yä a cu ah om khai.

SAM 80:19

M’gäi ciah Bawipa Khanpughi, na law püi ba gui ä. Na chimgein nak na m’dang gui ä, keimi naw hun nak kami hmuk khai nei.

EZEKIEL 36:27

Kei naw ka mümcha cu nangmi ung ka tha khai, kei naw ka ning pek gui ah thumkhän avan cu k’paang ne, thukhän gui cu nami läk ah kei naw ka ning teng gui khai.

MIKHAH 4:5

Pakhui päng naw amät ah khanpughi khawihnah ne läk khai, cun ung phi keimi naw Bawipa kami Khanpughi angtäi sei khawihnah ne kami läk khai.