JEREMIAH 32:35 - Cho Bible Common Language 2016

³⁵ Ngami nan Hinnom Khongnawi ung Barla am sonkiang cawh pek ci gui, cun cu malek khanpughi an ami htapami hta hnumi gui ami khawihnah nak vai ah kyak ci. Shin ah ani bi vai ah kei naw thumkhän kä ka bi man ci, ngami naw shin ah mäih ah bi ne Judah chang gui katnak bi sak gui khai ah kä ka ngai man ci.”

JEREMIAH 32:35 Referans Kwoze

JEREMIAH 7:31

Hinnom khongnawi ung ngami naw Topheth ah ami pyen ah sonkiang co u ne, ami htapami gui la hta hnumi gui cu avan ung mei ung khawihnah ci gui. Kei naw cun ah ami vi vai ah thumkhän kä ka pe gui ci. Cun cu kei ah m’lung ung kä law ge ci.

TAIGÜTHUM 18:21

Molek khanpughi khawihnah nak ung mang vai ah, na hta nau cu kä na ap gui vai. Acun naw Bawipa Khanpughi ah a ming ah thuui nak vai cu law püi khai nei.

2 SHONTÄP NAK 33:6

Ani naw Hinnom khongnawi ung a hta gui awn m’khih ne douthak ne khawihnah ci. Ani naw kho cuun la khokce ah bi cu bi ne, ng’cängbang ci gui la khogam ah kai gui cu ng’shi k’thäh gui ci. Ani naw akdämduh ah Bawipa hnungtuk püi ne katnak bi ne, ak tung ah m’lungshe sak ci.

2 GHANGPUGHANG GUI 23:10

Ghangpughang Josiah naw Hinnom khongnawi ung khongyo ami khawihnah nak ah hmun Topheth cun phi phyek ci. Cun ah kyasei a u naw phi a htapami, a hta hnumi cu khanpughi Molek am khawihnah nak ah kä bi ba ci gui.

1 GHANGPUGHANG GUI 16:19

Shin ah a kyak cu Bawipa hnungtuk püi ne katnak abi ah phäh ah kyak ci. Ani cu amtäm Jeroboam ah mäih ah kyak ci, ani cu amät ah hmakat nak la Israel gui katnak ung a hteh püi nak gui awn Bawipa cu m’thüi ci.

EZEKIEL 23:37

Ngani cu pletbeng nak la Chang ngawn nak awn chei ci goi-agup gui awn pletbeng u ne, kei awn kami hta gui cu ngawn ci gui. Ngani naw kei ah hta gui awn a gup khawihnah ci goi.

ISAIAH 57:5

Theingeim ciah nami sing ghing gui ah ka ah ng’yaw ng’pawm u ne m’dekni pyan ah khanpughi cu nami khawihnah ci nei. Nangmi naw tui hta pei ah lungkhui ung nami htanau gui cu khawihnah nak ah nami douthak ci nei.

2 SHONTÄP NAK 33:9

A chang gui shin ah khaw ung ami law yah ung Bawipa naw aktäm gui ah changpakhui gui ah bi ah katank ah tah däm pi khai ah katnak bik khai gui ah Manasseh naw Judah chang gui cu lam shüm gui ci.

2 GHANGPUGHANG GUI 23:15

Josiah naw Bethela ung khawihnah nak ah hmun cun phi phyek ci, cun cu Israel chang gui katnak ung hteh pui gui ciah Nebat ah hta, Ghangpughang Jeroboam naw a cawh ah kyak ci. Josiah naw sonkiang cu phu hlit ne, a cun ung lung gui cu ng’phyit khai ah m’shet ne, khui khai ah deng ci; ani naw Asherah ah müi-gup phi m’khih ci.

2 GHANGPUGHANG GUI 21:11

“Ghangpughang Manasseh naw shemshai ci gui cu bik ci, cun gui cu Kanaanit gui ah bi ah ta sheka pi ci; Ani naw a gup gui awn Judah chang gui cu katnak ung hteh püi ci.

2 GHANGPUGHANG GUI 3:3

Cun ung phi ani naw ama ungka, Nebat ah hta ghangpughang Jeroboam ah mäih ah ani naw kä ng’düm ne, Israel gui cu katnak ung hteh püi gui ci.

1 GHANGPUGHANG GUI 21:22

Nang ah kyong khui cu Nebat ah hta ghangpughang Jeroboam ah kyongkhui ah mäih, Ahijah ah hta Ghangpughang Baasha ah mäih ah kya lawk khai, a i ah kyasei ci ung Israel gui katnak ung hteh püi gui ne kam lung shek khai ah na na thawh sak ah hmawk ah kyak ci.

1 GHANGPUGHANG GUI 15:30

Shin ah a kyak cu Jeroboam naw katnak bi ne, Israel gui phi katnak bi sak gui ne, Israel Khanpughi Bawipa am lungshe sak ah hmawk ah kyak ci.

1 GHANGPUGHANG GUI 15:26

Ani cu apa ah mäih ah Bawipa cu hnungtuk püi ne katnak bi ne Israel chang gui phi katnak ung hteh püi gui ci.

1 GHANGPUGHANG GUI 14:16

Bawipa naw Israel cu nawng khai, a i ah kyasei ci ung Jeroboam naw katnak bi ne Israel chang gui katnak ung a hteh püi ah hmawk ah kyak ci.

1 GHANGPUGHANG GUI 11:33

Kei naw acun ah ka bi lawk khai, a i ah kya se ci ung Solomon naw kei cu na hnungtuk püi ne a khaw hei khanpughi gui a khawihnah ah phäh ah kyak ci: cun gui cu Astarte Sidon khanpughinu; Chemosh, Moab khanpughi; Molek, Ammon khanpughi ah kyak ci. Solomon naw kä na ngai ci; ani naw chei khai ah bik ci, apa David ah mäih ah kei ah ka thukhän gui la thumkhän gui cu kä k’pang ci.

THULÄÄN NAK 24:4

A shin ah mawng ung acei htük naw ani cu kä ak chu nak en tuba vai. Ani naw cun ah hnumi cu, pawmyau ciah k’bäi ci. Ani naw ak chu nak ba ah a kyak ung ani cu, am shemshai ah kyak khai. Bawipa nami Khanpughi naw a ning pek nak gui ah khaw ung acun ah mäih ah kyihkyawk vai ah katnak cu kä nami bi vai.

THULÄÄN NAK 18:10

Nami sonkiang ah khan ah mei ung nami hta nau gui kä nami khawihnah en vai, nami chang gui am kä nami bi en sak gui vai cu, cäbang nak, cecai nak, taigü m’cu nak,

PHYAWN NAK 32:21

Ani naw Aaron am, “Shin ah mäih ah kyih she ciah shetkat nak ami bi vai ah nang naw na ci gui cu, ngami naw nang ah khan ah a i bi u sei ang?

LAMKTU 7:43

Nangmi naw nami m’kawn law gui cu, Molech ah ng’yo kiang lah nami aisi pughi Rephan ah kyak ci nei; Cun gui cu nami khawihnah vai ah nami mät naw nami pyan ah a gup gui ah kyak ci. Cun ah kyasei nangmi cu Babilon phlän neh nami hteit khai ah ka ning k’täm gui khai” ciah kyak ci.

THULÄÄN NAK 12:31

Ngami naw ami khanpughi gui ami khawihnah ah mäih ah Bawipa nami Khanpughi cu kä nami khawihnah vai. Ami khanpughi gui ami khawihnah nak ung ngami naw Bawipa ah thüi nak ah shemshai ci phung avan bik ci gui. Ngami naw ami sonkiang khan ah mei ung ami hta nau gui hngaw khawihnah ci gui.

1 GHANGPUGHANG GUI 11:7

Ani naw Jerusalem ah ak kyang khomhtung khan ah shemshai ciah Moab khanpughi Chemosh khawihnah nak vai la Ammon ah Shemshai ciah khanpughi Molek khawihnah nak vai ah hmun cu co ci.

JEREMIAH 7:30

“Judah chang gui naw akshe bik ci gui nei. Ngami naw kei naw ka thüi nak ah a gup gui cu ka Taigüim ung tha u ne, Cun cu lelawi sak ci gui nei.

JEREMIAH 19:2

potsherd m’kawt un glut law ne Hin nom khaw ng’nawi ah ka hteh vai ah na pyen nak ci. Acu ah ani naw ana pek ah thu cu ka ng’shäu khai ah kyak ci.

JEREMIAH 44:4

Kei naw ka changshäm gui prophet gui cu ka ning tüih lawk ci, ngami naw shnah kyihkyawk vai kyak cikei naw ka thüi nak gui cu kä nami bi vai ah ning m’thein gui ci.

2 GHANGPUGHANG GUI 21:4

Ani khawihnah nak vai ah Bawipa naw a pyen ah hmun ung ani naw Taigüim ung khongyo khawihnah nak ah sonkiang cu co ci.

2 SHONTÄP NAK 36:14

Cun kawn ah Judah ng’vai gui, taigü gui la chang gui naw ami peileng ah chang pakhui gui ah katnak om ih cu läk u ne, a gup khawihnah u ne Bawipa naw a theingcim sak Taigüim cu lelawi sak ci.

JEREMIAH 30:14

Nami m’hni gui ami van naw ning m’hnih gui ci nei; Ngami naw nangmi cu a i ah kä ning sui ba gui ci gui. Kei naw ga ah mäih ah ka ning tu gui khai; Nangmi ning m’kyuk nak gui cu nuipai aih ci nei, a i kyasei ci ung nami cheishoh nak cu a dämduh aih ne nami hmakat nak cu da aih ci nei.