JEREMIAH 32:33 - Cho Bible Common Language 2016

³³ Ngami naw kei na hnu nak ci gui; Cunung phi kei naw ka m’theithang gui ci, ngami naw kä ngai ci gui, kä ng’thei ci gui.

JEREMIAH 32:33 Referans Kwoze

JEREMIAH 7:13

Nangmi naw shin ah katnak gui avan nami bik ci, kei naw leng ba ba ne ning thu püi gui ngä sei phi ma ne kä nami ngai ci. Kei naw ka ning khü gui ung nangmi naw kä nami m’shang ci.

EZEKIEL 8:16

Cun ah kyasei ani naw Taigüim ah akyong täng ah na hteh püi ci. Cun ung pum im kyong ah valuh nak, sankiang la vailang ah ani ng’lak ung Chang m’ku lei hma om ic gui, Ngami naw pum nak cu hnu na u ne, ak kyang täng ah kawp u ne, khohni pyu cu khawthnah ci gui.

JEREMIAH 2:27

Nangmi nami van nami thüi khai, sing ghing cu nami pa, lungkheng cu nami nu ah nami pyen khai. Cun ah akiak cu a i kyak sei ci ung kei ah nami ng’hlah law ba nak vaisü ung, kei nami na ng’hlah tak ah phäh ah kyak ci. Cun ung phi khüikha nak ung nami gawk law ung law ne ka ning hun gui vai ah nami na k’thäh ci.

JOHAN 8:2

Cun ung phi Bawipa Jesuh läi cu Olive m’htung ah kai ci. A ngawi ung kho ngawi hta ah Taigüim ah hteit ba ne chang gui akda law u sei, ngo netah m’theithang gui ci.

JEREMIAH 35:15

Kei naw k’täi ne ka changshäm prophet gui avan ka ning tüih law gui ci, ngami naw akshe ah nami htet nak nawng ne ng’düng ci nami loi vae ah ning m’thein gui ci gui. Ngami naw ahei khanpughi gui kä sei nangmi cu nangmi la nami pupa gui am ka pek ah khaw ung hteit ne nami om.” Cun ung phi nangmi naw kä nami na ngai ci, ai ah kä na nami sui ci.

JEREMIAH 26:5

Kei naw nangmi am ka ning tüih law gui ah ka changshäm prophet gui ah ng’thu cu nami ngaih nak vai. Ngami ah pyen cu nangmi naw kä nami ngai phung ci.

JEREMIAH 7:24

Cun ung phi ngami naw ng’thu kä ngai u ne, a i phi i ah kä sui ci gui. Cun ak vaisü ung, ling ne shekak ciah ami m’lung naw ami bi vai ah a pyen nak gui cu bik ci gui, ami ni nak vaisü ung shelaw pi ci gui.

ZEKHARIAH 7:11

“Cun ung phi ka chang gui naw ma ne ng’thu kä ngai ci gui, ngami naw ami m’lung khai ci gui.

HOSEA 11:2

Cun ung phi kei naw ani khü law pi ngä sei, Ani naw kei nang hlah ta law pi k’täi ci. Ka chang gui naw baal am khawihnah nak pe u ne, agup gui am ang ui m’khih ne pek ci gui.

JEREMIAH 44:4

Kei naw ka changshäm gui prophet gui cu ka ning tüih lawk ci, ngami naw shnah kyihkyawk vai kyak cikei naw ka thüi nak gui cu kä nami bi vai ah ning m’thein gui ci.

JEREMIAH 18:17

Kei naw ka chang gui cu ami ga ah ma ah kiang khokhi naw m’vut a zon ah mäih ah ka püi sak gui khai. Kei naw ngami ka hnu na gui khai; leigai a law ung kei naw kä ka m’htei gui khai.”

JOB 35:11

Cüivai nak na pe gui ci, khisa gui la kha gui ah mä mi cüivai pi khai ah na pyang gui ciah Khanpughi ah kä ng’hlat law ba ci gui.

EZEKIEL 23:35

Tuhbäi shin cu uktu Bawipa naw a pyen nei: Nangmi naw kei na m’hnih ne nami na ng’hlah tak ah phäh ah, nami htuk htik la nami pawmzau ah phäh ah nami yaica khai.” Ng’pai nam goi Ani nik hnih ah khan ah khanpughi ah ng’thumcha nak

JEREMIAH 7:28

Nang naw na m’thein gui vai cu, ngami ah pakhui naw Bawipa ami Khanpughi, kei ah ng’thu kä ami ngaih ah a kyak ung, ami m’kyuk nak gui ung kä ami ng’thei ah a kyak ung, kä bekhüt nak cu sih nak ah kyak ci. Cun ah mawng cu ka pyen ba ling vai kyak ci.