JEREMIAH 32:32 - Cho Bible Common Language 2016

³² ciah kyasei ci ung Judah la Jerusalem chang gui, ami ghangpughang gui la ami ng’vai gui, ami taigü gui la prophet gui naw ami bi ah shetkat nak gui avan ah phäh ah kyak ci.

JEREMIAH 32:32 Referans Kwoze

DANIEL 9:8

Kami ghangpughang gui, kami uktu gui, la kami pupa gui cu thui ng’a vai ah hnün tho u ne, na ming hnung tuk ne shekak ci gui nei Bawipa.

JEREMIAH 2:26

Bawipa naw pyen ci “m’guk-ei ami pha ung a thüi ah amäih ah, Israel chang avan cu nami thüi khai, nami ghangpughang gui, bawi gui, nami taigü gui la prophet gui.

ISAIAH 1:23

Nami vgvai gui cu hnu ng’tuk ciah kya u ne, m’guk ei ah teihpüi ah kyak ci gui; ngami naw m’cümhnah nak la ng’mü khawk cu angtäi sei dou ci gui. Ngami naw yung aha m’kawt ung hmei hta cu kä shungvong ci gui, hmei nu ah mawngma phi kä m’khoi m’cha pek ci gui.

EZRA 9:7

Cau kami pupa gui ung tün ne tuhbäi ung khüt khai ah keimi na na chang gui cu, aknui ah kami kak ci nei, Kami kat ah hmawk ah keimi, kami ghangpughang gui la kami taigü gui, khaw hei ghangpughang gui ah kut ung, kami gawk ci nei. Ami na ngawn shep gui, ami na guttep gui, la pha ne ami na hteh püi gui ah kyak ci nei.

DANIEL 9:6

Na chang shäm prophet gui cu keimi naw kä kami ngai gui ci, ngami naw nang ah ming awn mi ghangpughang gui, mi uktu gui, mi pupa gui la mi pakhui avan am ng’thu pyen nak ci guii.

EZEKIEL 22:6

Israel angvai gui ami van naw ami mät ah thagui ngaih u u ne ngawn sik ci gui.

JEREMIAH 44:17

Keimi naw kami bi vai ah kami pyen phung cu keimi naw kami bik kha nei. Keimi naw kami khawihnah nak cu khankho ghangpughangnu, kami khanpughinu am kami do thak khai keimi naw kami sapyit tui-douthak phiani am kami lawi khai, cun cu keimi la kami pupa gui, kami ghangpughang phiani am kami lawi khai, cun cu keimi la kami pupa gui, kami ghangpughang gui la kami bawi gui, naw Judah gawnu gui la Jerusalem lam gui ung ami bi man ah kyak ci. Cun ah kya ne ci vai da sei, bühmang ne, yaica nak kä om man ci.

JEREMIAH 44:21

“Nangmi la nami pupa gui, nami ghangpughang gui la nami bawi gui, la khaw ung chang gui naw, Judah gawnu gui la Jerusalem lam gui ung ami khawihnah gui — cun ah mawng gui cu Bawipa naw kä hmat ciah käcung m’hnih ciah nami ngai ne ma?

DANIEL 9:16

A cau nang naw na na shungvong gui ci, cun ah kyasei Jerusalem cu kä m’lungshe na en baä. Shin cu nang ah mang gaw, nang ah theingthap ciah khomhtung nei. A peileng yung ah om ciah khopäng gui ung chang avan naw Jerusalem la na chang gui cu kahta nak ci gui nei, a i ah kyasei ci ung kami hma nak la kami pupa gui naw akshe ami bi ah hmawk ah kyak ci nei.

ISAIAH 22:1

Shin cu muimang khaw ng’nawi ah mawng thum khäh ah kyak ci. A i ang a kiak? A i ah kya sei, mang gaw ung chang gui ami van nau im gui ah akcih khan ung pawi ami bi ang?

JEREMIAH 7:17

Ngami naw Judah mang gaw gui la Jerusalem kam gui ang a i ami bi cu kä nami hmu ne ma?

DANIEL 9:7

Nang Bawipa naw ak phlüt ah a hman cu na bik ci, cun ung phi keimi kami mät naw ak phlüt ah thang shet nak cu kami law püi ci. Shin cu Judea la Jerusalem ung om ci la kä ami bekhüt ah phäh ah aksho ang et khaw gui ung, nang na k’phyiit pai gui ah Israel gui avan ah phäh ah akcang ah kyak ci.