JEREMIAH 32:31 - Cho Bible Common Language 2016

³¹ Shin ah mang gaw ung om ciah chang gui naw shin ani cawh ah hnüüp ge ung na m’lumg shene m’lung na sou sak ci gui. Kei naw shin cu m’di vai ah ka k’bäi ci,

JEREMIAH 32:31 Referans Kwoze

2 GHANGPUGHANG GUI 23:27

Bawipa naw pyen ci, “Kei naw Israel ah khan ah ka bi ah mäih ah Judah ah khan ah ka bik khai: Judah chang gui cu kei naw ka mät täng ungka naw ka k’täm gui khai, kei naw Jerusalem cu ka hnungtuk püi khai, cun cu mang gaw, Taigüim, kei na khawihnah nak vai ah hmun ah kei naw ka ghü te ah kyak ci.

MATTHE 23:37

“Aw Jerusalem! nang naw profet gui cu ngawn ne Khanpughi ah ng’shä tüih gui cu lung awn na vawi ci nei, ainu naw ang phiaa awn aihta gui ak boop gui ah mäih ah nak chang gui kei naw ka kut ng’hnim ung ka koi nak gui cu sho law aih ci nei, cun ung phi nang naw kei cu kä na na dou ci.

JEREMIAH 27:10

Ngami naw ning m’hleei gui ci gui. Nami khaw ungka naw ahei ah ami ning htek püi gui vai ah ning ci gui khai gui. Kei naw nau gmi cu ka ning k’täm gui khai, nangmi cu nami di khai.

2 GHANGPUGHANG GUI 21:16

Manasseh naw changni akda ngawn ne Jerusalem ung lam nu gui cu si awn lon sak ci; ani naw cun ah bi ne Judah chang gui cu a gup khawihnah nak ung lam shüm gui ci, Bawipa hnungtuk ne hmakat nak bi sak gui ci.

NG’ÄI KYAH 1:8

Ani m’tamkhah nak cu ng’pyi ci, ani cu k’plui sei a u naw a i ah kä hmu tuk ci. Ani cu ng’hlo ng’ei ne lü ng’aa ne a hmai thup ci. Jerusalem naw kyih aih vai ah akat nak awn amät naw amät lelawi sak ci.

2 GHANGPUGHANG GUI 23:15

Josiah naw Bethela ung khawihnah nak ah hmun cun phi phyek ci, cun cu Israel chang gui katnak ung hteh pui gui ciah Nebat ah hta, Ghangpughang Jeroboam naw a cawh ah kyak ci. Josiah naw sonkiang cu phu hlit ne, a cun ung lung gui cu ng’phyit khai ah m’shet ne, khui khai ah deng ci; ani naw Asherah ah müi-gup phi m’khih ci.

DANIEL 9:16

A cau nang naw na na shungvong gui ci, cun ah kyasei Jerusalem cu kä m’lungshe na en baä. Shin cu nang ah mang gaw, nang ah theingthap ciah khomhtung nei. A peileng yung ah om ciah khopäng gui ung chang avan naw Jerusalem la na chang gui cu kahta nak ci gui nei, a i ah kyasei ci ung kami hma nak la kami pupa gui naw akshe ami bi ah hmawk ah kyak ci nei.

JEREMIAH 23:39

Ngami cu kei naw ang ghit ah zu chang gui ne, kapei ungka naw ahei ah ka gawt gui khai, ngami ami van la ka pek gui ah mang gaw gui la ami htanau gui ah kyak khai.