JEREMIAH 32:28 - Cho Bible Common Language 2016

²⁸ Kei naw shin ah mang gaw cu Babilonia ghangpughang Nebukhadnezzar la a gakap gui am ka pe lawk khai nei, ngami naw tu ne khäm khai gui,

JEREMIAH 32:28 Referans Kwoze

JEREMIAH 32:3

Ghangpughang Zedekiah naw acu ah kei cu thawng ung na chum ci. Bawipa ah ng’thu pyen ka ng’shäu ah pyen ne nak bün ci: “kei naw Babilonia ghangpughang am shin ah mang gaw ka khäm sak khai,

JEREMIAH 32:36

Bawipa, Israel khanpughi naw na pyen nak ci,” Jeremiak, chang gui naw pyen ci gui, ng’tuk nak, ei cawi nak la gawpyam nak naw shin ah mang gaw cu Babilonia ghangpughang ah kut ung ng’kiak sak khai nei. Tuhbäi kai naw ka ning pyen nak gui phung nami ngaih rai nei.

JEREMIAH 32:24

“Babilonian gui naw shin ah mang gaw tu ne khäm khai gui ah khui gui veing ne co ne khai u ne tu lawk ci gui nei. Ng’tuk nak, ei cawi nak la gawpyam nak naw shin ah mang gaw cu ngami ah kut ung ng’kiak sak khai nei. Nami van naw nami pyen gui abä law cu nangmi naw nami hmuhning ci nei.

JEREMIAH 20:5

Shin ah mang gaw ah khawh gui avan, ami büh mang khaw mah avan la Judah ghangpughang ah m’küm khawh gui avan cu kei naw ami ga gui am gutep sak gui ne apäng nü cu Babilonia ah ami hteh püi vai ah ka cik khai.

2 SHONTÄP NAK 36:17

Cun ah kyasei Bawipa naw Babilonia ghangpughang khü ne a tuk sak ah kyak ci. Ghangpughang naw Judah chang nong gui ngawn gui ci, Taigüim ung phi ngawn gui ci. Ani naw, a hmaw, ang vai, hnumi pami, ak gaw ak gai, a u phi kä chimgein ci. Khanpughi naw ami van ani am a ap ah kyak ci.

2 GHANGPUGHANG GUI 25:11

Mang gaw ungka dawng lawk ci gui, k’pawih ba ciah bii bi hning ciah chang gui, la Babilonian gui täng ah dawng lawk ci gui cu Nebuzaradan naw Babilonia ah hteh püi gui ci.

JEREMIAH 21:10

Shin ah mang gaw cu kä m’düm ne m’di vai ah kei naw ka m’lung ung ka k’bäi pyi ci. Shin cu Babilonia ghangpughang am ap vai, ani naw m’dek ung khüt khai ah m’khih khai. Kei, Bawipa naw ka pyen ci nei.”

JEREMIAH 34:2

Bawipa, Israel khanpughi naw, Judah ghangpughang Zedekiah ah hteit ne ka pyen vai ah na m’thein ci, “Kei Bawipa naw mei awn m’khih khai.

JEREMIAH 34:3

Nang cu kä na phyawng khai; nang cu ning pha u ne aniah kutung ning ap khai gui. Nang naw ani cu hmai chum sei na hmuk khai, ak chang mät awn na ni ng’htan khai cun kawn ah nang cu Babilonia ah na hteiticha;

ISAIAH 29:2

Cun kawn ah khawpughi naw cun ah mang gaw ah khan ah leigai law pui khai, cun ah manggaw cu “Khanpughi ah sonkiang” ah pyen ci gui. A cun ung thüi nak, kyap nak om khai, mang gaw apum cu si bäng ah kyak ciah sonkiang ah mäih ah kyak khai.