JEREMIAH 32:27 - Cho Bible Common Language 2016

²⁷ “Kei cu Bawipa, hnicim chang avan ah khanpughi nei. Kei ah phäh ah khak aih ci a i kä om ci.

JEREMIAH 32:27 Referans Kwoze

MATTHE 19:26

Bawipa Jesuh naw ngami cu kheing ne teng gui netah, “Chang naw a i phi käm khüt näng ci, cun ung phi Khanpughi naw a päng avan m’khüt näng ci,” cine m’thein gui ci.

JEREMIAH 32:17

“Uk ciah Bawipa, nang naw khomdek la khankhomik cu dämduh ciah na huham la na m’gäi nak awn na tüipiang ci; nang ah phäh ah a i phi kä khak ci.

ISAIAH 64:8

Cun ung phi Bawipa, nang cu kami ning pa nei. Keimi cu k’am m’dek ah mäih ah kami kyak ci, nang cu k’am sheh ciah mäih ah na kyak ci. Nang naw na na tüisho gui ci,

JOHAN 17:2

Na Htapa ah kut ung na ap ah chang gui-am angtäi ghin nak a peit gui hning vai ah, nang naw Na Htapa-am chang nüng m’khüt nak ah hlüngtai nak cu na pe pyi ci nei.

SAM 65:2

a i ah kyasei ci ung nang naw taigü cu na ngai ci. Kho nü ung ka chang gui cu law u ne, ami katnak cu khei lawk khai gui nei.

LUKA 3:6

Hnicim chang avan naw Khanpughi ah hun nak cu hmuk khai nei” ciah kyak ci.

KHEI NAK 27:16

Bawipa Khanpughi, ghin nak avan ah phung ah na kyak ci, ka taigü ci nei, chang gui tängpang püi gui hning khai cu m’düih ä,

KHEI NAK 16:22

Cun ung phi Moses la Aaron naw ani hmai m’dek ung tawn khai ah ng’boop ni neta, “O Khanpughi, nang cu ghin nak avan ah a phung ah na kyak ci, chang tumat akat ung chang bum van ah khan ah na m’lungshe ne ma?” cik ci goi.

ATÜNNAK 18:14

Bawipa ah kä m’khüt a i om ne ang? Ka pyen ah mäih ah acha kaw nak ung ka law ba khai, Sarah cu pami hta ah hta khai nei” cik ci.

2 GHANGPUGHANG GUI 3:18

Elisha naw k’täi ne, “Bawipa naw shin ah a bi vai cu yäi ci nei; ani naw Moabit gui ah khan ah näng nak phi ning pe gui khai nei.

JEREMIAH 32:26

Cun kawn ah Bawipa naw kei cu na pyen nak ci,

JEREMIAH 33:3

“Na khü vä, ka ning m’shang gui khai; nangmi naw kä nami hmat ah cäicat vai ah chüula ciah amawng cu ka ning m’thein gui khai.

ZEKHARIAH 8:6

“Shin cu tuhbäi om shüt ciah changpakhui gui ah hmawk ah kä hmat hning vai ah a kyak ung phi, kei ah hmawk ah hmat vai ah kyak ci nei.

KHEI NAK 11:23

Bawipa naw, “Kei ah huham ung k’büüp nak om ne ang? Nangmi naw kei naw ka pyen ah a kyak la kä a kyak ci cu, tuhbäi nami hmuk khai nei.