JEREMIAH 32:24 - Cho Bible Common Language 2016

²⁴ “Babilonian gui naw shin ah mang gaw tu ne khäm khai gui ah khui gui veing ne co ne khai u ne tu lawk ci gui nei. Ng’tuk nak, ei cawi nak la gawpyam nak naw shin ah mang gaw cu ngami ah kut ung ng’kiak sak khai nei. Nami van naw nami pyen gui abä law cu nangmi naw nami hmuhning ci nei.

JEREMIAH 32:24 Referans Kwoze

JEREMIAH 33:4

Kei, Bawipa, Israel khanpughi naw ka pyen ci, Jerusalem ung im gui la Judah ung bawi mang im cu khai ne ami tuk ah phäh ah sheka yawp khai

JEREMIAH 32:36

Bawipa, Israel khanpughi naw na pyen nak ci,” Jeremiak, chang gui naw pyen ci gui, ng’tuk nak, ei cawi nak la gawpyam nak naw shin ah mang gaw cu Babilonia ghangpughang ah kut ung ng’kiak sak khai nei. Tuhbäi kai naw ka ning pyen nak gui phung nami ngaih rai nei.

THULÄÄN NAK 4:26

Tuhngawi kei naw khankho la khomdek cu ning hnungtuk püi gui ne saksi khai ah ka khü ci. Nangmi naw kä nami na ngaih ah a kyak ung shin ah khaw ungka nami maih khai. Jordan tuinu kat ne nami khäm vai ah khaw ung nangmi akshou kä nami om khai. Nangmi cu nami htin khai ah ning m’di gui vai.

ZEKHARIAH 1:6

Kei naw ka chang gui prophet gui ung nami pupa gui am thumkhän la m’cäi nak cu ka pe gui ci. Cun ung phi ngami naw a i ah kä ngai u ne, acun ah amawng ma ung yaica ci gui. Cun kawn ah ngami cu ng’yu ba u neta, kei M’gäi ciah Bawipa naw ka pyen ah mäih ah ka m’kyuk gui ciah pyen ci gui.’ ”

EZEKIEL 21:22

Tuhbäi! Jerusalem ciah m’hnüt ah m’la cu ani ah akpat täng kut ung k’paang lawk ci. Acun naw hteit ne ng’tuk nak singtawn pyan vai, ng’tuk vai ah m’lau vai, m’kawt gui hnungtuk ne shung nak tung gui tha vai, m’dek khui gui cawh vai, myawng gui cawh vai ah ani am m’thein ci.

EZEKIEL 14:21

Shin cu Uktu Bawipa ah a pyen ah kyak ci nei: “kei naw Jerusalem ah khan ah ak kaa pikbäih m’kyuk nak phli cu ka tüi lawk khai-cun gui cu ng’tuk nak, lei gai, khisa nget la gawp yam nak ah kyak ci-cun gui naw Chang gui la seime gui cu m’di khai gui.

JEREMIAH 32:3

Ghangpughang Zedekiah naw acu ah kei cu thawng ung na chum ci. Bawipa ah ng’thu pyen ka ng’shäu ah pyen ne nak bün ci: “kei naw Babilonia ghangpughang am shin ah mang gaw ka khäm sak khai,

MATTHE 24:35

Khankho la khomdek a maih ung phi kei ah thu cu kä maih khai nei.

JEREMIAH 52:6

Acu kum a cha phli nak ah a hnüp kaw hnüüp ung a mi cawi gha nak nui law aih sei chang gui ami ei vai kä om ba ci,

JEREMIAH 32:25

Cun ung phi uk ciah Bawipa, mang gaw cu Babilonian gui naw tu ne khäm lawk cang khai gui ah kya pang sei phi saksi gui ah ma ah khaw ka thon vai ah nang naw thu nak bäi ci nei.”

JEREMIAH 24:10

Kei naw ngami la ami pupa gui am ka pek ah shin ah khaw ung chang tumat phi kä a om ba güt ung ng’tuk nak, ei cawi nak la leigai cu ami khan ah ka law püi khai.”

JEREMIAH 16:4

Ngami cu kyihkyawk vai ah gaw nak ung sik khai gui, ngami ah phäh ah a u kä thüisei khai, a u naw kä phuk gui khai. Ngami ah pumsa gui cu m’dek ung eek ng’pum ah mäih ah ng’zäu khai gui. Ngami cu ng’tuk nak ung ngawn gui khai gui, ei ah cawi ne sik khai gui, ngami ah pumsa gui cu kha gui ah ei, khisa gui ah ei ah kyak khai.

2 SAMUEL 20:15

Joab ah chang gui naw Sheba cä ah a om cu ng’ya u neta, ngami naw hteit ne, mang gaw khaai ci gui. Ngami naw pang akpung täng m’dek phlu ne pyang u ne, k’pang ayu ng’kiak vai ah pang ah ka phi co ci gui.

ISAIAH 37:33

“Shin cu Assirian ghangpughang ah mawng Bawipa naw ng’thu a pyen ah kyak ci: ‘Ani cu shin ah mang gaw ung kä lut lawk khai, m’la thek ät phi kä kap hlawt khai. A i gakap phi shawi kawt ne mang gaw peiah kä lawk khai, gaw khai nak vai ah a i m’vang phi a u naw kä co khai.

JEREMIAH 6:6

M’gäi ciah Bawipa naw ghangpughang gui am Jerusalem ge nak vai ah singdung gui chuk tawn sak gui ne m’dek m’htung gui phluu sak gui ci. Ani aw pyen ci, “Hnungtuk püi nak da aih sei Kei naw shin ah mang gaw cu ka m’di khai.”

JEREMIAH 20:5

Shin ah mang gaw ah khawh gui avan, ami büh mang khaw mah avan la Judah ghangpughang ah m’küm khawh gui avan cu kei naw ami ga gui am gutep sak gui ne apäng nü cu Babilonia ah ami hteh püi vai ah ka cik khai.

JEREMIAH 29:17

M’gäi ciah Bawipa naw pyen ci, Kei naw ng’tuknak, ei cawi nak la gawpyam nak cu ngami ah khan ah ka law püi ci, kei naw ngami cu ei ung kä ni ne upaih ciah thei ah mäih ah ka pyang gui khai.

JEREMIAH 29:18

Kei naw ng’tuk nak, ei cawi nak la gaw pyam nak cu ami khan ah ka gawk sak khai. Khomdek khim ung changpakhui aran naw cun cu hmu neta kyikyawk khai gui. Kei naw ka püipiang sak nak gui päing ah, ngami ah khan ah kya lawk ci gui ah phäh ah chang gui cat a ne kyi aih khai gui. Chang gui naw Shedam na gui u ne ami ming cu plah taam nak ung mang khai gui.

JEREMIAH 32:5

Zedekiah cu Babilonia ah hteh püi khai gui, kei naw kä ka om püi pha ah chuih ani cu a ra om khai. Ani naw Babilonian gui cu a tuk gui ung phi kä näng hlawt khai. Kei Bawipa naw ka pyen nei.”

JEREMIAH 32:28

Kei naw shin ah mang gaw cu Babilonia ghangpughang Nebukhadnezzar la a gakap gui am ka pe lawk khai nei, ngami naw tu ne khäm khai gui,

JEREMIAH 34:17

Cun ah ki asei tuhbäi, kei Bawipa naw ka pyen cu, nangmi naw kä nami na ngai ci, nangmi naw nami Israel paw gui ami phiawn nak vai kä nami pek ci. Ak bä ah kei naw phiawn nak ka ning pe gui khai; cun cu phyawng ne ng’tuk nak gawpyam nak, ei cawi nak ung sih nak ah kyak ci nangmi ah khan ah ka bi nak awn khomdek khan ah chong pakhui nei kyikyawk khai ah ka bik khai.

JEREMIAH 52:4

Cun ah kyasei Nebukhadnezzar naw nga gui avan awn law ne, Zedekiah ah uk nak a kum kaw nak, acha gha nak ah a hnüüp gha nak ung Jerusalem cu law ne tuk ci. Ngami cu mang gaw k’pung ah phung tu u ne, a caun ah ng’veing ah m’dek k’paang co ci gui,

EZEKIEL 26:8

Khonglung ah om ciah gawnu gui ung om ci gui cu ng’tuk nak ung ngawn gui khai gui. Ga gui naw m’vam co u ne, m’dekkhui co u ne khäng ciah shawi paang gui kawt ne ning tuk khai gui.

HABAKKUK 1:10

Ngami naw ghangpughang täitawk u ne, bawi ng’vai gui phi gaih tuk khai gui. Ngami cu a i gawnu naw phi kä k’büüp gui hlawt khai — ngami naw khomdek kai nak vai ah piang ne khäm khai gui.

EZEKIEL 4:2

Cun kawn ah ga gui naw ami khaai, myawng gui, m’dekhui shawk gui, gaphung gui, shung nak ah sing tawn gui mang gaw avan veing khai ah gei ä.

EZEKIEL 21:27

Di ci, di ci! Kei naw mang gaw cu ka di sak khai. Cun ung phi kei naw mang gaw m’kyuk khai ah ka ghü ah chang kä a law pha ah chuih cun ah kä kyak khai. Cun kawn ah shin cu ani am ka pek khai.