JEREMIAH 32:22 - Cho Bible Common Language 2016

²² Nang naw shin ah naming ne anglei nik ciak khaw cu pe gui ne ami pupa gui am shaitak nak na nik ci.

JEREMIAH 32:22 Referans Kwoze

PHYAWN NAK 13:5

Bawipa naw nami pupa gui am aktung ah shai a tak cu, Kanaanit gui, Hittit gui, Amorit gui, Hivit gui la Jebusit gui ah khaw cu a ning pek gui ah kyak ci. Ani naw bämang ne ng’lei nik ciah khaw ah a ning hteh püi ba gui ung, akum tä, a htük bäih ah cha ung nami bi vai.

PHYAWN NAK 3:8

Egypt gui ah kut ungka ka gun gui khai ah kei ka lawk ci, ngami cu Egypt khaw ah kaa bämang nak khaw, bühmang ne ng’lei nik ciah khaw, ami ng’shon nak, tuhbäi chü Kanaanit gui, Hittit gui, Amorit gui, Perizzit gui, Hivit gui la Jebusit gui ah om nak ah ka hteh püi ba gui khai.

JEREMIAH 11:5

Kei naw ami pupa gui awn shaitak ka bi cu kei naw ka paang khai, cun cu thuhbäi ami om nak ah bühmang ne anglei nik ciah khaw ka peik gui vai ah kyak ci.” Kei naw, “Ä, BAWIPA” ka cik ci.

THULÄÄN NAK 1:8

Shin ah khaw avan cu kei Bawipa naw nami pupa gui Abraham, Issak, Jakob la ami htangshon gui am ka pek ka shaitak ah kyak ci. Hteit ne khäm vä.”

PHYAWN NAK 3:17

Egypt khaw, akshe ah ami ci cun nak gui ungka, ka hteh püi ba gui khai ciah kei naw ka k’bäi pyi ci nei. Kei naw büh mang ne anglei nik ciah khaw-Kanaanit, Hittite, Amorit, Perizzit, Hivit, la Jebusit chang gui ah khaw ah ka hteh püi gui khai.

EZEKIEL 20:15

Cun ah kyasei kei naw ka pek gui ah khaw, ng’büh mang ne anglei nik ci, khaw avan ung ni pikbäih ciah khaw ah kei naw kä ka hteh püi gui khai ah bung hmu ah kei naw shaitak ka bik ci.

EZEKIEL 20:6

Acun ah khin ung kei naw Egypt ungka ka la ba gui khai ah shaitak ne, ngami ah phäh ah ka ghü ah khaw ung ka hteh püi ba gui khai ah ka pyen ci, cun cu ng’büh mang ne ang lei nik ci, khaw avan ung aknipi ah kyak ci.

NEHEMIAH 9:15

“Ei ami cawi ung khankho ah ka m’htut na pe gui ci, Tui ami gha ung lungnu ungka tui na pe gui ci. Nang naw na pek gui vai ah shai na tak khaw cu ami khäm vai ah nang naw na pyen na gui ci.

JOSHUA 21:43

Cun ah kyasei Bawipa naw Israel gui am khaw avan pe gui ci, cun cu ani naw a pek gui vai ah ami pupa gui am aküikyang ah ashaitak ah kyak ci. Ngami naw cun ah ami kaa nak awn ah acun ung ng’lei leh ne om ci gui.

JOSHUA 1:6

Na khüighat vai, na thamah vai, nami pupa gui am ka shaitak ah khaw nami khäm law ba ung nang cu khawngmang ciah na kyak khai.

THULÄÄN NAK 8:1

Tuhngawi kei naw ka ning pek gui ah thukhän gui avan cu bekhüt ne nami läk vai. Cun ung nangmi nami ghing khai, nami da lawk khai, nami pupa gui am, Bawipa naw a shaitak ah khaw cu nami khäm khai.

THULÄÄN NAK 7:13

Ani naw ning m’hni gui ne, ning phyuh-theh gui khai. Cun ah kyasei nangmi cu nami da lawk khai. Nami htanau phi da khai. Ani naw nami lo lai gui cu hriham pek khai. Cun ah kyasei nangmi ung htang ni, sapyit ni, oliv situi ni om khai. Ani naw seipat gui la htome gui akda ning pe gui ne hriham ning pe gui khai. Ani naw a ning pek gui vai ah nami pupa gui am a shaitak ah shin ah hriham avan cu ning pe gui khai.

THULÄÄN NAK 6:23

Ani naw Egypt khaw ung ka na m’hlawt gui ne, shin ung ana law püi gui, shin ah kaw ana pek gui cu, ani naw abi hning ah mawng mi pupa gui ung a shai tak ah mäih ah kyak ci.

THULÄÄN NAK 6:18

Bawipa ah pyan cu bä ne nik ci kyasei, acun ah nami bi vai. Cun ung avan cu nangmi ung bä khai nei. Nami pupa gui am Bawipa naw shai atak ah anglei nik ciah khaw ung khawh c u nangmi naw nami gah khai.

THULÄÄN NAK 6:10

Bawipa nami Khanpughi naw nami pupa gui, Abraham, Issak la Jakob ni ung a shaitak ah mäih ah nami mät naw kä nami cawh ah ng’shawng kau ne, bühmang ciah mang gaw gui ah om nak ah khaw cu ning pe gui khai.

THULÄÄN NAK 1:35

Kei naw nami pupa gui am ka pek vai ah shai ka tak ah ang lei ni khaw ung shin ah omshe ah ng’shon ungka tumat phi kä lut khai.

KHEI NAK 14:30

Cä ah nami om khai ah kei naw shai katak ci, cun ung phi Kaleb la Joshua ah kawn ah a u phi kä nami om tuk khai.

KHEI NAK 14:16

nang naw na chang gui cu bung ah na ngawn gui ci, a i ah kyasei ci ung nang naw na pek gui vai ah na shaitak ah khaw ung kä na hteh püi ba gui hlawt ah hmawk ah kyak ci.

ATÜNNAK 50:24

Ani naw a phäinau gui am, “Kei cu ka si law vai ci nei, cun ung phi Khanpughi naw akcang ah ning m’htei gui khai nei. Ani naw shin ah khaw ungka naw Abraham, Isaak la Jakob ni ah ma ah, ak htük bäih ah ng’thu akhän nak ah khaw ah, lam ning m’shüm ba gui khai nei.

ATÜNNAK 24:7

Khankhaw Khanpughi Bawipa naw ka pa ah im ungka la ka khaw chang gui ah khaw ungka, na law püi ne, shin ah khaw cu ka hta ah ng’shon am pek khai ah shaitak nak bi pyi ci nei. Ani naw khanchang gui cu na ma ah tüi law sei, ka hta ah chu vai cu nang naw na la hlawt khai nei.

ATÜNNAK 13:15

Na hmuh bäät ah khaw avan cu nang la na htangshon am ka ning ap khai nei. Cun cu khawnglän ung na khaw ah kyak khai nei.