JEREMIAH 32:21 - Cho Bible Common Language 2016

²¹ Cäi-aih nak gui vai la cäicat nak gui vai awn mi ga gui cu kyihkyawk sak gui ne, nang naw na chang gui Israel gui Egypt khaw ah kaa law püi ba nak gui vai ah na huham la na m’gäi nak cu na mang ci

JEREMIAH 32:21 Referans Kwoze

THULÄÄN NAK 26:8

Amät ah dämduh ciah huham la thagui awn Egypt khaw ungka na gung gui ci. Ani naw cäi aih gui vai cäicat gui vai bi ne, kyihkyawk gui vai phi kyak sak ci.

PHYAWN NAK 6:6

Israel gui am ka pyen nak gui ah ng’thu cu m’thein gui vä, “Kei cu Bawipa nei, kei naw ka ning gung gui khai, Egypt gui ah changshäm ah nami kyak nak ungka, ka ning m’hlawt gui khai. Kei naw m’gäi ciah ka ban shäng ne, ngami ah khan ah kyih vai ah m’kyuk nak cu ka law püi khai, nangmi cu ka ning hun gui khai.

SAM 105:43

Cun ah kya ne, ani naw a ghü ah chang gui cu tho ne hteh püi ba gui sei, Ngami cu yei ne, ng’äi ne m’lau ci gui.

SAM 105:37

Cun kawn ah Israel chang gui cu thawh law püi gui ci; Ngami naw ngui la ghui phui ci gui, ami van cu gai ne khüighat ci gui.

1 SHONTÄP NAK 17:21

Nang naw khleihtein ungka gung gui ne, namät ah chang ah na pyan gui ah Israel gui ah mäih chang pakhui cu, khomdek khan ung kä om ci nei. Nang naw ngami ah phäh ah dämduh ne cäicat gui vai na bi cu khomdek khan avan ung mingthang ci nei. Nang naw na chang gui cu Egypt khaw ungka gung gui nei, na chang gui ah hteh nak vai ah a hei chang pakhui gui cu na k’täm ci nei.

THULÄÄN NAK 4:34

Egypt khaw ah nangmi ah hmawk ah Bawipa nami Khanpughi naw abi ah mäih ah tha hlü ne hteit ne a hei pakhui khaw ungka chang la ba ne, amät ah chang ah pyang ciah Khanpughi om man ne ang? Nami mik awn nami hmuh vai ah ani naw dämduh ciah a huham la ak thagui cu mang ci. Ani naw leigai la ng’tuk nak law püi ci. Cäi-aih vai la cäicat vai gui bik ci, kyihkyawk vai gui kyak sak ci.

PHYAWN NAK 13:14

Ngawi ah shin ah mawng gui cu a i hawkcha ang, cine nami hta gui naw ami ning shi gui ah a kyak ung nami m’thein gui vai cu, ‘Bawipa naw dämduh ciah a huham awn, changshäm ah kyak nak Egypt khaw ah kaa, nak plawk ba gui ci.

PHYAWN NAK 13:9

Shin cu nangmi ning m’shüm thein gui ciah kyak khai, nami kut ung, kä cung nami m’calai ung ning khit gui ciah mäih ah kyak khai; a shin naw Bawipa ah thukhän cu k’täi ne ng’thei thang ng’thumcha nak vai ah ning m’shüm thein gui khai, a i ah kyasei ci ung Bawipa naw dämduh ciah a huham awn Egypt khaw ungka a ning plawk ba gui ah hmawk ah kyak ci.

PHYAWN NAK 6:1

Cun kawn ah Bawipa naw Moses am, “Ghangpughang ah khan kei naw a i ka bi cu tuhbäi nang naw na hmuk khai nei. Ka chang gui a hteh sak gui vai ah ka k’tut khai nei. Ani naw a khaw ungka aktäm gui vai ah akcang ah ka k’tut khai nei” cik ci.

THULÄÄN NAK 7:19

Nami mik awn nami hmu ah kyih vai ah leigai gui, cäi aih vai gui la cäicat vai gui, Bawipa nami Khanpughi naw a ning m’hlaat nak gui ah däm ciah a huham la ak thagui cu, nami shüm ba vai. Ani naw Egypt chang gui amdi gui ah mäih ah tuhbäi nangmi naw nami kyih gui ah chang gui phi m’di gui khai.

2 SAMUEL 7:23

Khomdek khan ung Israel ah mäih a hei pakhui kä om ci, na mät ah chang ah na pyan gui vai ah khleihtein ungka, na gun gui ah kyak ci. Küikyang ci la cäicat vai gui, ngami ah phäh ah na bi gui cu khomdek khan avan ung püi ne gawk ci nei. Na mät ah chang gui vai ah Egypt ungka na m’hlawt ah chang gui ah ma ah, a hei pakhui gui la ami khanpughi gui cu nang naw na k’täm gui pyi ci nei.

PHYAWN NAK 3:20

Cun ung phi kei naw ka huham mang ne, kyihkyawk gui vai awn Egypt cu ka m’kyuk khai nei. Cun kawn ah ani naw ning hteh sak gui khai nei.

THULÄÄN NAK 11:3

cäi aih nak vai gui cu nami hmuk ci. Ani naw Egypt ghangpughang la a khaw chang ah khan ah a i a bi cu nami hmuk ci.

ISAIAH 63:12

am pek ciah Bawipa cu a hawi ang? A huham awn, Moses ung ka naw, dämduh ci gui bik ciah Bawipa cu a hawi ang? Ani naw tuinu ng’bou sak ne, thuk ciah tui ung matawn ne a chang gui kan sak gui ci, cemna kya ne, amät naw amät khonglän ung ming thang sak ci nei.” Bawipa ah lam shüm nak awn, ngami cu k’pyase ah ng’leh ah mäih ah htek sei ng’leh u ne kä ng’täng phung ci gui.