JEREMIAH 32:20 - Cho Bible Common Language 2016

²⁰ Cau pui nang naw Egypt khaw ah cäicih gui vai la cäicat gui vai vu na bik ci, nang naw na bi gäk gäk ci, cun ah kyasei tuhbäi ung nang khaw nü ung ning hmat ci gui.

JEREMIAH 32:20 Referans Kwoze

NEHEMIAH 9:10

Nang naw ghangpughang hnungtuk püi ne cäi aih aih gui vai na bik ci, Abawi gui la a khaw ung chang gui phi na hnungtuk püi gui ci, a i ah kyasei ci ung ngami naw, na chang gui, a i hlawk ah ami yawshe nak cu nang naw na hmat ci. Nang naw na näng nak ah mingthang cu tuhngawi güt nang ung om ci.

LAMKTU 7:36

Ani naw Egypt khaw lah Tuisen tuinu ung phi bäi, khaw kum phli-kip ung k’pya lünnu ah phi bäi, cäi aih gui vai lah ngaih khit gui vai cu m’dang neh Egypt khaw ah ka, Israel chang gui law püi ba gui ciah kyak ci.”

DANIEL 9:15

O Bawipa kami Khanpughi, Na chang gui Egypt khaw ah kaa na law püi ba nak gui awn na huham cu na dang sak ci nei, na huham cu shüm lä ci gui nei. Keimi cu kami hmakat ci, cheishoh khai ah kami bik ci nei.

SAM 135:9

A cun ah kho ah ghangpughang la abawi gui m’kyuk nak vai ah cäi aih vai la cäicat gui vai cu ani naw m’dang ci.

2 SAMUEL 7:23

Khomdek khan ung Israel ah mäih a hei pakhui kä om ci, na mät ah chang ah na pyan gui vai ah khleihtein ungka, na gun gui ah kyak ci. Küikyang ci la cäicat vai gui, ngami ah phäh ah na bi gui cu khomdek khan avan ung püi ne gawk ci nei. Na mät ah chang gui vai ah Egypt ungka na m’hlawt ah chang gui ah ma ah, a hei pakhui gui la ami khanpughi gui cu nang naw na k’täm gui pyi ci nei.

PHYAWN NAK 10:2

kei naw cäi aih vai ka bi sang ung Egypt chang gui a i hlawk ah ka gu ang sak gui cu nami hta gui la nami tu gui am nami m’thein gui vai ah hmawk ah kyak ci. Nangmi nami van naw kei Bawipa ah ka kyak cu nami hmat khai nei” cine pyen nak ci.

PHYAWN NAK 9:16

Cun ung phi ka huham ka ning m’dang nak ah ka ning ghin sak khai, cun ung kei ah ka m’gäi nak cu m’dek khan avan ung gawk khai.

ISAIAH 63:12

am pek ciah Bawipa cu a hawi ang? A huham awn, Moses ung ka naw, dämduh ci gui bik ciah Bawipa cu a hawi ang? Ani naw tuinu ng’bou sak ne, thuk ciah tui ung matawn ne a chang gui kan sak gui ci, cemna kya ne, amät naw amät khonglän ung ming thang sak ci nei.” Bawipa ah lam shüm nak awn, ngami cu k’pyase ah ng’leh ah mäih ah htek sei ng’leh u ne kä ng’täng phung ci gui.

1 SHONTÄP NAK 17:21

Nang naw khleihtein ungka gung gui ne, namät ah chang ah na pyan gui ah Israel gui ah mäih chang pakhui cu, khomdek khan ung kä om ci nei. Nang naw ngami ah phäh ah dämduh ne cäicat gui vai na bi cu khomdek khan avan ung mingthang ci nei. Nang naw na chang gui cu Egypt khaw ungka gung gui nei, na chang gui ah hteh nak vai ah a hei chang pakhui gui cu na k’täm ci nei.

THULÄÄN NAK 7:19

Nami mik awn nami hmu ah kyih vai ah leigai gui, cäi aih vai gui la cäicat vai gui, Bawipa nami Khanpughi naw a ning m’hlaat nak gui ah däm ciah a huham la ak thagui cu, nami shüm ba vai. Ani naw Egypt chang gui amdi gui ah mäih ah tuhbäi nangmi naw nami kyih gui ah chang gui phi m’di gui khai.

THULÄÄN NAK 6:22

Ani naw cäi aih gui vai abi, Egypt chang gui, ami ghangpughang la ami bawi gui, avan ah khan ah kyih vai gui abi cu keimi kami mät naw kami mik awn kami hmuk ci nei.

THULÄÄN NAK 4:34

Egypt khaw ah nangmi ah hmawk ah Bawipa nami Khanpughi naw abi ah mäih ah tha hlü ne hteit ne a hei pakhui khaw ungka chang la ba ne, amät ah chang ah pyang ciah Khanpughi om man ne ang? Nami mik awn nami hmuh vai ah ani naw dämduh ciah a huham la ak thagui cu mang ci. Ani naw leigai la ng’tuk nak law püi ci. Cäi-aih vai la cäicat vai gui bik ci, kyihkyawk vai gui kyak sak ci.

PHYAWN NAK 7:3

Cun ung phi ghangpughang cu kei naw ka ling sak khai, ani naw kä ning ngai khai, Egypt khaw ah kyihkyawk vai a i chü ka bi ung phi ani naw a i ah kä ngai khai. Cun kawn ah nuipai ciah m’kyuk nak cu Egypt ah khan ah law püi ne, ka changpakhui gui cu cun ah khaw ungka ka hteh püi ba gui khai.

PHYAWN NAK 3:20

Cun ung phi kei naw ka huham mang ne, kyihkyawk gui vai awn Egypt cu ka m’kyuk khai nei. Cun kawn ah ani naw ning hteh sak gui khai nei.

ISAIAH 63:14

Sei gui cu khu ali nak ah khong’nawi ung chah guiah mäih ah Bawipa naw a chang gui cu ng’düm sak gui ci. Ani naw a chang gui cu lam shüm gui ne, ami ng m’tamkhah nak dang sak ci.

JEREMIAH 13:11

Sui k’tawi cu khei ung htek khai ah pin ne ciah mäih, Israel la Judah chang gui ami van cu kei ung ami kawp vai ah kei naw ka ng’ya hlük ci. Cun ah kei naw ka bi cu ngami ci kei ah chang ah kya u ne, kei ah ming m’hlüngtai nak vai la m’tamkhah nak vai ami law püi vai ah kyak ci; cun ung phi ngami naw kei kä na ngai ci gui.

THULÄÄN NAK 11:3

cäi aih nak vai gui cu nami hmuk ci. Ani naw Egypt ghangpughang la a khaw chang ah khan ah a i a bi cu nami hmuk ci.

NEHEMIAH 9:11

Na chang gui ah phäh ah nang naw tuinu kan ne lam na pyang ci, cun kawn ah m’dek hu ung na hteh sak gui ci. Ngami k’täm law gui cicu tui thuuk ung lut ci gui, tuinu hnawk ung lung a hniim ah mäih ah kyak ci.

DANIEL 6:28

Daniela cu Darius ah uk sang ung la Persian chang Sairus ah uk sang ung bämang ne om ci.