JEREMIAH 32:17 - Cho Bible Common Language 2016

¹⁷ “Uk ciah Bawipa, nang naw khomdek la khankhomik cu dämduh ciah na huham la na m’gäi nak awn na tüipiang ci; nang ah phäh ah a i phi kä khak ci.

JEREMIAH 32:17 Referans Kwoze

LUKA 1:37

Khanpughi ah kä m’khüt a i kä om ci nei” cine pyein ci.

JEREMIAH 32:27

“Kei cu Bawipa, hnicim chang avan ah khanpughi nei. Kei ah phäh ah khak aih ci a i kä om ci.

ATÜNNAK 18:14

Bawipa ah kä m’khüt a i om ne ang? Ka pyen ah mäih ah acha kaw nak ung ka law ba khai, Sarah cu pami hta ah hta khai nei” cik ci.

JOB 42:2

Bawipa, ka hmat ci nei, nang cu avan ung na huhamah pikbäih ci. Na ng’yak hlü avan na bi hning ci.

MATTHE 19:26

Bawipa Jesuh naw ngami cu kheing ne teng gui netah, “Chang naw a i phi käm khüt näng ci, cun ung phi Khanpughi naw a päng avan m’khüt näng ci,” cine m’thein gui ci.

PHYAWN NAK 20:11

Khaw hnüüp chuk ung kei Bawipa naw khomdek, khankho, tuinu la a päng avan ka tüisho ci, cun ung phi a hnüüp chih hnüüp ung ka ng’düm ci. Cun cu a i ah kyasei ci ung Kei, Bawipa naw kyiin hnüüp cu hrilham pe ne ka theingciim sak ci.

JEREMIAH 27:5

“Dämduh ciah ka huham la ka thamah nak awn kei naw khomdek khan, changpakhui gui la khomdek khan ah om ciah khisa avan cu ka tüi pyang ci; cun cu kei naw ka ghü ah chang tumat mat am ka pek ci.

LUKA 18:27

Bawipa Jesuh naw, “Chang naw kä am khüt cu Khanpughi naw m’khüt ci nei” cine pyen na gui ci.

2 GHANGPUGHANG GUI 19:15

Taigü ci, “O Bawipa, Israel Khanpughi, na tüisho gui ah khan ah na mangkiang ung na ngok ci, nang bäng nei Khanpughi, khaw ah ka ung uknak khaw gui avan na uk ci, nang naw m’dek la khankhaw na tüishaw ci nei.

ISAIAH 45:12

Kei cu khomdek tüi pyang ciah ka kyak ci, a cun ung om ciah hmun ung chang phi ka tuisho ci. Ka huham awn khankho cu k’phiäh ne, hni, cha, aisi gui cu ka kut shum ci.

THU PHLAAN 4:11

“Kami Bawipa, Khanpughi, Nang naw ang tüi avan cu na tüisho ciah kyasei, Nang ah ng’yak hlü ah ang tüi cu ghing om ciah kya ci. Cun ah kyasei bühmang nak, küikyang nak, hlüngtai nak gui cu Nang awn khinkhaa ci nei” ci ne pyein ci gui.

SAM 102:25

Cau pui pui nang naw khomdek cu na tüisho ci, na mät ah kut awn khankho cu na pyang ci.

JEREMIAH 51:15

Bawipa naw a huham awn khomdek cu pyang ci; A cüivai nak awn khomdek khan cu tüi pyang ne, Khankho cu ng’phiah sak ci.

NEHEMIAH 9:6

Cun kawn ah Israel chang gui cu shin ah taigü ci gui: Nang, Bawipa, nang bäng nei Bawipa; Nang naw khomik ung khankho la aisi gui cu na pyang ci. Nang naw khonglei, tuinu la acun ung om ci nü cu na pyang ci: Nang naw avan am ghin nak na pek ci. Khankho huham nak gui naw kawp ne ning khawihnah ci gui.

ISAIAH 42:5

Khanpughi naw khankhaw cu tüipiang neta ng’phiat sak ci; Ani naw khomdek la a cun ung om ci avan cu pyang m’tham ci; Ani naw ghin nak la ng’ghi ghawk nak cu chang gui avan am pe gui ci. Tuhbäi Bawipa khanpughi naw a changshäm a pyen nak cu,

DANIEL 2:22

Ani naw thuuk ci la ng’thup ci gui cu dang sak ci nei; Ani naw hmüp khui ung ng’thup cicu hmat ci nei, ani amät cu akdei naw ng’vong ci nei.

JEREMIAH 51:19

Jakob ah khanpughi cu ngami ah mäih ah kä kyak ci; ani cu apäng tüipiang ciah tumat ah kyak ci, ani naw Israel gui cu amät ah chang akcang ah ghü gui ci. M’gäi ciah Bawipa cu ani ah ming ah kyak ci.

JEREMIAH 1:6

Kei naw ka m’shang ci, “Uk ciah Bawipa kei ka hmaw aih ci, a i hawkcha cha ka ng’htau vai kä ka hmat ci.”

JEREMIAH 14:13

Cun kawn ah kei naw, “Uk ciah Bawipa, nang naw na hmat ah mäih ah prophet gui naw chang gui ami m’thein gui cu, ei cawi nak la ng’tuk nak kä om khai, a i ah kyasei ci ung nang naw shai na tak pyi ah kyak ci, mi khaw dimdeeih nak bäng om khai, cik ci gui.”

LAMKTU 17:24

Khomdek la khomdek khan ah om ci nüng tüi pyang ciah Khanpughi cu, khomdek la khankho uk ciah Khanpughi ah kya ne, chang naw kut awn a pyan ah pum im ung kä om ci.

LAMKTU 15:18

Shin cu cau pui Bawipa naw hmat ne a pyein ah kya ci” ci ne pyein ci.

LAMKTU 14:15

“Paw chang gui aw, a i vai shicha na mi bi ang? Keimi phi nangmi ah mäih ah chang ah kami kyak ci nei, Nangmi naw a shin ah mäih ah bi lawh gui cu nawng shüt u neh, angtäi ghing ne, khan la kaa, tui la m’dek, ak ghing ak om avan tüi sho ciah Khanpughi cu nami yum tu vai ah, Thu Ni cu kami pyein khai ah kami lawk ci nei.

ZEKHARIAH 12:1

Shin cu Israel gui ah mawng Bawipa ah ng’thu ah kyak ci. Cun ah Bawipa cu khawmik küm ne, khomdek tüi sho ne, chang am ghin nak pek ciah kyak ci. Ani naw,

ISAIAH 44:24

“Kei cu Bawipa, nami Hunbawi nei; kei naw nangmi ka ning tüisho gui ci nei. Kei cu bawipa, apäng avan Tüisho ciah ka kyak ci nei. Kei ka mät bäng naw khan khaw cu ka k’phiaat ci nei; kei naw khomdek ka pyan yak ung a u naw kä na bawm ci nei.

EZEKIEL 11:13

Kei ka cängbang sang ung, Pelatiah cu kyu ne sik ci. Kei cu m’dek ung ka hmai gawk khai ah kawp neta ka m’lau ci, “Uktu Bawipa aw, Israel ung k’pawih ba ci gui phung nang naw an ngawn khai ma?”

EZEKIEL 9:8

Cun ah ami ngawn tu sang ung kei cu cä ah ka mät ka om ci. Kei cu m’dek ung ka hmai gawk khai ah kawp neta ka m’lau ci, “Uktu Bawipa, Israel ung om ba ciah chang gui ngawn gui yawp vai güt ah nang cu Jerusalem ah khan ah khan ah na m’lungshe aih ne ma?”

JEREMIAH 4:10

Cun kawn ah kei naw ka pyen cu, “Uk ciah Bawipa, nang naw Jerusalem chang gui cu akbe ah na m’hleei gui ci nei! Nang naw dimdeeih nak om khai ah na pyen ci, cun ung phi ngami ah gawn ung khim ng’kyäng ci nei.”

MAKUH 10:27

Bawipa Jesuh naw ngami cu kheing ne teng gui netah, “Cun cu chang naw kä am khüt hlawt ung phi Khanpughi naw m’khüt hlawt ci. Ang tüi avan cu Khanpughi naw m’khüt hning ci nei” ci ne m’thein gui ci.

2 GHANGPUGHANG GUI 3:18

Elisha naw k’täi ne, “Bawipa naw shin ah a bi vai cu yäi ci nei; ani naw Moabit gui ah khan ah näng nak phi ning pe gui khai nei.

SAM 136:12

Cun cu khüighat ciah a kut la huham ah ciah a ban awn ah kyak ci; Ani ah m’hni nak cu ng’täi ci nei.

ISAIAH 59:1

Bawipa cu, aning hun nak gui vai ak tha ken ci, aning m’htei gui vai ah nami khü ung, ang yak nak vai ah ak hnga pang ciah kä nami ngaih vai nei!

JEREMIAH 21:2

“Na bä ni, kei mi ah phäh ah Bawipa ah na thäh pe gui ä, a i ah kyasei ci ung Babilonia ghangpughang Nebukhadnezzar la a gakap gui naw mang gaw cu khai ci gui nei. Bawipa naw keimi ah phäh ah cäi aih vai tumat bawta m’dang ne, Nebukhadnezzar cu ng’hlah ei ba sak hman khai nei.”

JEREMIAH 33:3

“Na khü vä, ka ning m’shang gui khai; nangmi naw kä nami hmat ah cäicat vai ah chüula ciah amawng cu ka ning m’thein gui khai.

DANIEL 6:20

Acu ah gawk neta ani naw ang ä nak awn, “Daniela, ghing ciah Khanpughi ah chang shäm! Nang naw bekhüt aih ne nang ap nak ah Khanpughi naw, phongkawng ah ei nak vaisü ung ning phiawn ne ang?” cik ci.

ZEKHARIAH 8:6

“Shin cu tuhbäi om shüt ciah changpakhui gui ah hmawk ah kä hmat hning vai ah a kyak ung phi, kei ah hmawk ah hmat vai ah kyak ci nei.

KHEI NAK 11:23

Bawipa naw, “Kei ah huham ung k’büüp nak om ne ang? Nangmi naw kei naw ka pyen ah a kyak la kä a kyak ci cu, tuhbäi nami hmuk khai nei.