JEREMIAH 32:15 - Cho Bible Common Language 2016

¹⁵ M’gäi ciah Bawipa, Israel khanpughi naw im gui, lo gui la sapyit lo gui cu shin ah khaw ung hleih bam ä vai nei, cine pyen ci.

JEREMIAH 32:15 Referans Kwoze

ZEKHARIAH 3:10

Cun ah hnüüp a gawk law ung, nami im ng’phei gui nami khü vai, law u ne, yeikyai ding gei ngaih gep u sei, nami sapyit shun la thei ghing gui naw ning koi gui khai.”

JEREMIAH 30:18

Bawipa naw pyen ci, “kei naw ka chang gui cu ami khaw ung ka ka m’tho ba gui khai, kyong khui päng ah khan ah Chimgein nak om khai; Jerusalem cu cawh ba vai, amang im cu m’thawh ba vai.

JEREMIAH 32:37

Kei naw ka m’lungshe nak la ka nget ngawn nak awn ka püi pyang sak nak gui ah khopäing aran ungka chang gui cu ka k’bum ba gui khai nei. Cun kawn ah kei naw dimdeeih nak awn law püi ba gui ne shin ah khaw ung phyawng ne ka om sak gui khai.

JEREMIAH 31:24

Chang gui cu Judah khaw la gaw nu gui avan ung om khai gui, lo k’bi gui la htome ng’bum ung htomeshäm gui om khai gui.

JEREMIAH 31:12

Ngami cu Zion m’htung ah law ne yei ne ng’äi m’cu khai gui, kei ah m’cümhnah awn lünlawi khai gui — Cun ah m’cümhnah cu htang, sapyit tui olive situi la Htome, seipat gui ah kyak ci. Ngami cu tui shawk akni ah mäih ah kyak ci. Ngami cu tui awn akni ah shawi ah dum ah mäih ah kyak khai gui; Ngami naw ami ng’ yak phung gah khai gui.

JEREMIAH 31:5

Nangmi naw Samaria m’htung ah Sapyit nami geit ba khai, cun ah sapyit ah m’theih pai cu geit ci gui naw ei khai gui.

ISAIAH 44:26

Cun ung phi kei ah ka chang shäm naw cängbang nak abi ah a kyak ung, kei ah ka pawng püi gui m’than khai ah ng’shächang ka tüih ah a kyak ung. Cun ah pawng püi nak gui la cängbang nak gui cu akcang ah kyak khai ah kei naw ka bik ci. Kei naw ka m’thein gui ci. Jerusalem ung chang gui om ba khai gui, Judah mang gaw gui co ba khai gui. Cun ah mang gaw gui cu didam nak ung ka, Tho law ba khai gui.

JEREMIAH 32:14

“m’gäi ciah Bawipa, Israel khanpughi naw ng’thu ning k’bäi ci, hleih nak ah ca guk, m’hnüt ah ca guk la kä m’hnüt, ani nik hnih na lak vai, cun kawn ah m’dek hlüng ung na tha vai, cun cu khokum akda ung khäng khai.

EZEKIEL 28:26

Ngami acu ah phyawng m’hteim ne om khai gui. Ngami im gui co u ne sapyit gui geit khai gui. Ngami shedam na gui ciah ami peileng ah ka gui man cu kei naw ka m’kyuk gui khai, Israel gui cu phyawng htein ne om khai gui. Cun kawn ah ngami naw kei cu Bawipa ami na Khanpughi ah na hmat khai gui.

JEREMIAH 32:25

Cun ung phi uk ciah Bawipa, mang gaw cu Babilonian gui naw tu ne khäm lawk cang khai gui ah kya pang sei phi saksi gui ah ma ah khaw ka thon vai ah nang naw thu nak bäi ci nei.”