JEREMIAH 32:10 - Cho Bible Common Language 2016

¹⁰ Kei naw cagu ne saksi ah ma ah gune m’hnüt neta, ngui cu khin ne ka pek ci.

JEREMIAH 32:10 Referans Kwoze

JEREMIAH 32:44

Chang gui naw khleih khai gui, cun gui cu ming guk vai, m’hnüt vai, saksi om khai. Cun gui cu Bangamin khopäng, Jerusalem ah pei yung ah pigaw gui, Judah ung gawnu gui, khomhtung yung ah gawnu gui m’htung nawi gui la Judah khaw a htum täng yung ah kyak khai. Kei naw chang gui cu ami khaw ung ka m’tho ba gui khai. Kei, Bawipa, naw ka pyen nei.”

JEREMIAH 32:12

Baruk, Neriah ah hta, mahseiah ah tu am ka pek ci. Kei naw cun gui cu ani am, Hanamela, hleih nak ah ca guk ung m’hnüt nak gu tuk ciah saksi gui la cun ah im väng ung ngo tuk ciah chang gui ah ma ah ka pek ci.

JEREMIAH 32:25

Cun ung phi uk ciah Bawipa, mang gaw cu Babilonian gui naw tu ne khäm lawk cang khai gui ah kya pang sei phi saksi gui ah ma ah khaw ka thon vai ah nang naw thu nak bäi ci nei.”

ISAIAH 44:5

“Chang gui tumat ci tumat ci naw, kei cu Bawipa ah na chang nei” cik khai gui. Ngami cu Israel chang gui ung law ne ng’dawn tuk khai gui. A chang sing naw ami ban ung Bawipa ah ming awn m’hnüt khai gui, ami mät naw ami mät khanpughi ah chang tumat ah ng’khü khai gui.”

JOB 14:17

Nang naw geinsei gui neta a hei ah na tha gui khai; Kei ah ka cheishoh nak gui avan cu nang naw na pheikphai yawp khai.

THULÄÄN NAK 32:34

Ami ga gui naw ami bi cu Bawipa naw shüm ba ci. Ani naw ngami m’kyuk nak gui vai ah akhin akni cu ngäng ci.

THU PHLAAN 9:4

Ngami cu singghing khu m’sai kä plawhkheih khai gui, ami m’calai ung Khanpughi ah mhnüt nak kä om ciah chang gui bäng ami plawhsheh vai ah ami m’cäi gui ah kyak ci.

THU PHLAAN 7:2

Cun kawn ah ghing ciah Khanpughi ah mhnüt nak cu law püi ciah khankho chang cu hnilaw lam ah kaa law sei ka hmuk ci. Ani naw m’dek khan la tuinu ung lei ng’hlui thawh sak hning khai ah Khanpughi naw huham a peit ah khankho chang paphli-am,

EPHESIAN 4:30

Khanpughi ah Mumcha Theing cu kä nami m’thüi-en vai; a i ah kyasei ci ung Mumcha Theing cu Khanpughi naw nangmi a ning khäm gui ah mawng m’hnüt nak ah kyak ci, ak hnu bäih ah Hnüüp ung nangmi a ning phiawn nak gui vai ah, a kyän ah phi kyak ci.

EPHESIAN 1:13

Nangmi changpakhui hei gui cun phi, hun nak ah mawng, Thu Ni ah kyak ciah, düng ciah Thu cu ngai ng’ya tu u ne, Khanpughi ah chang ah nami kya lawk ci. Nangmi naw Bawi Khrit nami yum lawk ci, cun ah kyasei, Khanpughi naw a shaitaak ah mäih ah Mumcha Theing cu ning m’shumphyuk gui ne, amät ah chang ah ning tüi m’hnüt gui ci.

2 KORIN 1:22

Khanpughi a mät naw m’khoi ne na khei gui ne, amät ah chang ah ng’kheing vai ah nam hnüt gui ci. Mikmi ah gah vai a na m’küm peit gui cu a kyän nak ah Mumcha Theing cu mi m’lung kyong ung na pe gui ci.

JOHAN 6:27

Shekaa thei ciah ah ei awk cu käk tha nah ne, kä shekaa thei ciah, angtäi ghin nak ah ei awk cu tha na vä. Khanpughi naw hlüngtai nak a ap pyi ah kyasei, chang ah Htapa naw cun ah ei awk cu nangmi-am ning pe gui khai nei” cine m’cäi gui ci.

JOHAN 3:33

Ani ah ng’thu dou ciah chang naw Khanpughi cu düng nak ah a kiak ah mawng dang sak ci.

DANIEL 8:26

Mühun la kho ngawi ah khawihnah nak ah mawng muimang kei naw ka ning m’thein cu akcang ah kya lawk khai. Cun ung phi tuhbäi m’yih vai, a i ah kyasei ci ung a cun ah a kyak law nak vai cu kho ak shou lüng ba cang khai.”

ISAIAH 30:8

Khanpughi naw, chang gui a i ah mäih ami kyak cu ca uk ung ka guk vai ah na m’thein ci, cun ah kyasei ngami a i hlawk ah ami shetkat cu ngawizä om khai kyak ci.

SOLOMON NG’Ä~ 8:6

Kei ah kawn ah chang päng ung na m’lung na khai vai; kei ah kawn ah a u phi na kut awn kä na k’pan vai. M’hni nak cu sih nak hlawk ah a huham om ci; M’hni nak aih cu sih nak ah mäih ah ghaat ci. A cun naw mei m’lei ah ng’tawn ne, mei k’law ah mäih ah ui thei ci.

JOSHUA 18:9

Cun ah kyasei chang gui cu khaw avan ung hteit u neta, ca awn akni ah gu ne, chih ah ami ng’pai vai ah pyen ci gui, gawnu gui phi tän ne guk ci gui, cun kawn ah ngami cu Joshua ah om nak Shilon phung ah hteit ba ci gui.

MATTHE 27:66

Cun ah kyasei ngami cu ng’cim hmun ah hteit u netah, Khai nak ah lung cu, ca gei ne m’hnüt ne, phuh hmun m’kawt cu khäng htek khai ah khai ci gui. Cu kawn ah gakap gui-am ngäng sak ci gui.

ATÜNNAK 23:16

Abraham naw chang gui ah ng’yak vai ah Ephron naw a phu a pyen cu yum neta — sumlei ci gui ah khiin nak ung ngui cu khiin ne ngui pit phli cu pek ci.

ATÜNNAK 23:20

Hittit chang gui ah khaw la ng’cim hmun cu, Abraham ah khaw la ng’cim hmun ah kya lawk ci.

RUT 4:1

Boaz cu gawnu m’kawt pei ng’hmuh nak ahhmun ung hteit ne ngok ci. Elimelek ah mätyah ang een pi, Boaz ah pyen ah chang cu law khäta, Boaz naw khü ne, “Ka teihpüi aw, shin ung law ne ngo law ä” cik ci. Cun ah kyasei ani law ne ngo law tuk ci.