Biblia Todo Logo
Bib sou entènèt

- Piblisite -




JEREMIAH 31:9 - Cho Bible Common Language 2016

9 Kei ah ka Chang gui cu kyap u ne, taigü u ne, kei naw lam ka m’shüm gui nak awn law ba khai gui. Kei naw tuihta gui ah om nak ung khah püi gui ne, kä ami kiuk ng’täät vai ah lam k’ni ung ka khah püi gui khai.” Kei cu Israel ah pa ah mäih ah ka kyak ci, Epharaim cu ka hta ng’vaipi ah kyak ci.

Gade chapit la Kopi




JEREMIAH 31:9
43 Referans Kwoze  

“Am lung thüisei ci gui yeikyai vä; Khanpughi naw m’lung üp nak ning pe gui khai.


“Tuhbäi nang naw kei na na pyen nak ci,” Nang cu ka ning pa nei, kei ka hmaw yah ge ung nang naw na na m’hni ci.


Cun ung phi, Kei, Bawipa ah ng’thu nang naw na m’thein vai cu, “Israel cu kei ah ka htahtük ah kyak ci.


Bawipa naw pyen ci,” Cun ah khin a gawk law ung Israel la Judah gui ami van kyap u ne, kei, ami na khanpughi cu na shui khai gui.


“Israel, nang cu ka yum pi k’bäihah ka hta, ka m’hni pi k’bäih ah a hmaw ah na kyak ci. Kei naw nang ah ming ka m’dang yah phung ung, na m’hni nak cu ka ngaih-tüh ci. Kei ah ka m’lung cu nang ung gawk sei, kei ung chimgein nak om ci.


Khu ah li nak ah na ng’düm püi ne, tui ah gei nak ah na hteh püi ci.


A i ah kyasei ci ung mangkiaang ah lai ung om ciah Htomehta naw, ngami cu ngung gui ne, ghin nak tui k’gei ah khawng nak ah khah püi gui khai. Khanpughi naw phi ngami ah mik ungka ng’phli tui phung cu ghu pe gui khai” cine pyein ci.


“Cawigha ciah chang gui yeikyai vä, Nangmi cu nami Phü m’ghüm khai nei. “Ang phli li ciah chang gui yeikyai vä, nami yeikyai nak gawk lawk khai nei.


Cun ah kyasei nami taigü ung; ‘Khankho ah om ciah kami Pa; Na ming theing thang sä;


“Kei naw David ah htangshon gui la Jerusalem ung chang gui cu, m’gein nak ah mümcha la tagüi nak ah mümcha awn ka be sak gui khai. Ngami naw ami mät naw shun ne ami ngawn cu teng khai gui, a hta tumat ah phäh ah thüi kyap ci gui ah mäih ah ngami cu ani ah phäh ah thüi kyap khai gui. A hta htük chük sei thüi kyap ci gui ah mäih ah ngami cu akshe ah thüi kyap khai gui.


Bawipa naw pyen ci, “Israel, Kei naw nang cu ka htanau ah ning dou hlü ne, om nak ah nik ciah khaw cu ka ning pek khai, cun cu khomdek khan ung akiom pikbäih ah kyak ci. Pa ah na na khü vai kei naw ka ng’ya hlük ci, kei kä nami na ng’hlah tak en ba phung vai.


Cun ung phi Bawipa, nang cu kami ning pa nei. Keimi cu k’am m’dek ah mäih ah kami kyak ci, nang cu k’am sheh ciah mäih ah na kyak ci. Nang naw na na tüisho gui ci,


Bawipa naw pyen ci, “Ka chang gui kei ah law ba u sä. Ami lam ung ng’vawntam nak gui vai phung cu nawt heng vä. Lam phi co vä, pyang ge vä!


Nangmi cu Khankho ah ang ming ami guk ah Khanpughi ah hta ak tahnga gui ami ng’bum nak ah yeikyai ne nami gawk pyii ci nei. Nangmi cu hnicim chang avan m’khoichak ciah Khanpughi la kümbe ciah chang gui ah mümcha gui ah om nak ah nami gawk pyii ci nei.


Düng ciah lam ung k’tha nah ne hteit vä, cun ung ng’khem ciah nami kho cu gai om khai nei.


Bawipa Jesuh cu khomdek khan ung a om yah ung, sih nak ung hun ciah Khanpughi ah ma ah ng’hui ne kyap ne taigü ci. Neim nak la ng’ap nak awn ak taigü cu Khanpughi naw phi ngaih pek ci.


Kei cu nangmi ah Pa, Nangmi cu kei ah hta gui, ah nami kyak khai, ci ne m’gäi pi ciah Khanpughi naw pyein ci” ciah khän ne pyein ci.


Acun sang ung Mumcha naw ak tha ken ciah mikmi cu nam htei gui khai ah gawk lawk ci. Mikmi naw a i chaa taigü vai kä mi hmat ci; m’gawng shai awn kä pyein thei vai ah ak aw awn, Mumcha amät naw, mikmi ah hmawk ah Khanpughi ah na ng’yoih pe gui ci.


Profet Isaiah naw, “Bawipa ah law nak vai lam pyang vä, Ani ah hmawk ah lam cu düng sak yawp vä, cine, chang tumat bungpuk ah ng’shäü ci nei” a cicu Johan a pyein ah kyak ci.


Ani naw khankho chang cu ng’tuk püi ne näng ci. Ani naw kyap ne hriham k’thäh ci. Bethela ung Khanpughi naw kami pupa Jakob ah law neta ng’thu püi ci.


Nang cu kami pa ah na kyak ci. Kami pupa gui Abraham la Jakob naw phi chang ah kä na tha gui ci gui, cun ung phi nang, Bawipa cu kami pa, angtäi sei na gung gui ciah na kyak ci.


Nang naw Bawipa na om ih püi cu a shik cha ah ma? Nang chang gu taak, chang awng ang, Ani cu nami pa, ning tüisho gui ci. Ani naw changpakhui ah ning pyang gui ci.


Acu ah changhli ah ma ah David ghangpughang naw Bawipa m’hlüngtai ci. Ani naw, “Bawipa, kami pupa Jakob ah Khanpughi, nang ah khan ah khonglä ung m’htüngtai nak om sä!


Akhei täng ah Ephraim ah ang pai catai ka ah om ci gui naw, ami mät ng’bum ne shaum pigaw ami co vai. Ak ka ung guk ah ami mät ah ng’vai ah ka phäh phäh ah om khai gui. Pakhui Angvai Khei nak Ephraim, Elishama, Ammihud ah hta 40, 500 Manasseh Kalaliala, Pedazura ah hta 32, 200 Benjamin Abidan, Gideoni ah hta 35, 400 Ang dawn 108, 100 Ephraim ah ang pai cu akthum nak ung hteit khai.


Ani cu ka hta htük ah m’düih ne, ghangpughang gui avan ung akdäm pi k’bäih ah ka hmoh khai.


Ani naw ami om nak vai ah mang gaw ah düng ciah lam ung hteh püi gui ci.


“Kei naw amik m’dauh ciah ka chang gui cu kä ami hteh nak man ah lam ung ka ng’khah püi gui khai. Ami mü hmüp nak cu akdei ah ka m’hlat khai, ghat ciah khaw cu ami ma ah ng’mi khai ah ka pyang khai. Shin gui cu kei ah shaitak ah kyak ci, kei naw kä chah ne ka k’pang khai.


Ng’kiang ma ah tui long khai ah bi ne ka ghü ah chang gui am tui ka pek law ung; khisa gui naw kei cu na m’tam khai gui, sa ui gui la ngamzawk gui naw phi na m’tam khai gui.


Bawipa, theingcim ciah Israel khanpughi, malam ah mawngma pyang tham ci naw, a pyen cu; “Ka hta nau gui ah mawng, nami na shi thäh nak hning vai nangmi ung kä om ci, kei naw a i ka bi vai ah, nami na m’thein nak hning vai phi nang mi ung kä om ci!


Cun ung phi Israel chang gui cu Bawipa ami Khanpughi la ami ghangpughang David ah htangshon ah ami ng’hlah law ba nak vai ah akhin cu gawk lawk khai nei. Cun kawn ah ngami naw Bawipa cu kyih aa u ne ani ah m’cümhnah akni cu gah khai gui nei.


Mikmi mi van cu mi pa täng ciah kä kya ne ang? Mi van Khanpughi a mät naw na tüi gui ciah kä kya ne ang? A i ah kyasei tumat la tumat mi shaitak mi m’shet ang? A i ah kyasei mi pupa gui am Khanpughi naw shai a tak mi päipih ang?


“Nangmi cu Bawipa nami Khanpughi ah chang ah nami kyak ci. Cun ah kyasei aksi ah phäh ah nami thüi kyah ung nami mät kä nami plawh kheih en vai, chang hei gui ah mäih ah nami lu hmai kä nami k’teiu vai.


Swiv nou:

Piblisite


Piblisite