JEREMIAH 31:7 - Cho Bible Common Language 2016

⁷ Bawipa naw pyen ci, “Pakhui gui ung akdäm pi ah kyak ciah Israel ah phäh ah yei ne ng’äi m’cu vä. M’hlüng tai nak ah ng’äi cu m’cu vä, Bawipa naw a chang gui cu hun pyi ci nei; ‘Pawih ba ci gui ami van cu gung gui pyi ci nei.

JEREMIAH 31:7 Referans Kwoze

ISAIAH 37:31

Cun ung phi Judah ung k’pawih ci gui läi cu m’dek ung thauk sei ng’yung pya ne, m’theih pai ciah mäih ah kyak khai gui nei.

SAM 28:9

Bawipa, na chang gui cu hun gui ä, na chang gui cu hrilham pe gui ä. Ngami ah htoshäm ah kya ne, angtäi sei m’hteihtang gui ä.

SAM 14:7

Näng nak cu Zion m’htung ungka Israel gui ung gawk law khai, ciah ka taigü ci. Bawipa naw ang bühmang law ba sak gui ung, Israel chang gui cu ang htei ah yeikyai khai gui nei.

JEREMIAH 23:3

Kei naw ka püi pyang sak nak gui ah khaw ung k’pawih ba ciah ka chang gui cu kei naw ka ng’bum ba sak gui khai, cun kawn ah ami khaw ung ka law püi ba gui khai. Ngami ung ami hta nau da khai, chang phi da lawk khai gui.

ROMAN 11:5

Tuk bäi phi acun ah mäih ah Khanpughi naw am gein nak awn a ghü ah chang api k’pawih ba ci nei.

ROMAN 9:27

Israel chang gui ah mawng cu Isaiah naw, “Israel chang gui cu, tuinu kem ah laigin k’chü ah ami da ung phi, ngami ung kaa chang api naw vah hun nak cu gah khai gui.

ZEPHANIAH 2:9

Kei cu akcang ah ghing ciah Bawipa, Israel ah Khanpughi ah ka kyak ci, Moab la Ammon cu Sodom la Komorrah ah mäih ah kei naw ka m’di khai ah ka k’bäi ci. Ngami cu m’shi tui ah li nak, angtäi sei shekat nak la ng’hling ah phung nak ah kyak khai gui. Pawih ba cih ka chang gui naw ngami cu näng gui ne ami khaw phi khäm khai gui.”

MIKHAH 7:18

O, Bawipa, nang ah kawn ah ahei Khanpughi kä om ci. Om ba ciah na chang gui ah ami katnak cu na m’gein ci, nang cu angtäi sei na m’lung kä shek ci, na na m’hni nak gui dang khai ah na yeikyai nak om ci.

MIKHAH 2:12

“Cun ung phi pawih ba ciah Israel chang avan cu ka ning bum sak gui khai. Kei naw nangmi cu ami ng’bu ah law ba ciah htome gui ah mäih ah ka ning bum ba sak gui khai. Nami khaw ci chang akda awn be ba khai.”

AMOS 5:15

Akshe gen vai, akni m’hni vai, man m’kawt ung dangh ciah taga nak nami hmuh vai. Pawih ba ne ghing ne ciah pakhui chang gui cu Bawipa naw chimgein nei gui hman khai nei.

JOEL 2:32

Cun ung phi Bawipa ah ng’huipaa ci phung cu hun gui khai. Bawipa naw a pyen ah mäih ah, Jerusalem ung am shah cu phyawng khai; kei naw ka ghü gui cu k’pawih khai gui.

HOSEA 1:7

Cun ung phi Judah chang gui ah khan ah kei naw ka m’hni nak ka m’dang khai. Kei, Bawipa ami na Khanpughi naw, ka hun gui khai, cun ung phi ng’tuk nak — Khim, li, m’la la ng’se ng’cum ciah chang gui awn kä ka bik khai.”

EZEKIEL 6:8

“Kei naw amshah cu ami ngawn nak gui ungka naw ka luat sak gui khai, pakhui gui ah ng’lung ah ka püi sak gui khai,

ISAIAH 61:9

Ngami cu chang pakhui gui ah ng’lung ah ming thang khai gui; ngami hmu gui ciah chang päng naw kei naw hriham ka pek ah chang ah kyak ci gui ah hmat gui khai.”

ISAIAH 44:23

Zei ne m’lau vä, nangmi khankhaw gui! M’lau vä, khomdek ung ak thuk pi ah hmun gui! Sing ghing gui avan lah khom’htung gui m’lau vä! Bawipa naw a chang Israel gui a hun nak awn, a däm-duh nak cu dang sak ci nei.

ISAIAH 37:4

Assirian ghangpughang naw abawi ng’vaipu cu ghing ciah khanpughi gheettaap khai ah tüi ci. Bawipa nami khanpughi naw shin ah gheet nak su ng’ya neta, cun ah ng’thu ci gui cu m’kyuk sä. Cun ah kya sei, cun ah k’pawih ba ciah mi chang gui ah phäh ah khanpughi ah k’taigü vä.”

ISAIAH 11:11

Cun ah hnüüp a gawk law ung, Bawipa naw a huham cu mang ba mä ne, Assiria la Egypt ung ami nawng shüt gui ah a chang gui cu law püi ba gui khai, Pathros khaw, Sudan khaw, Elam khaw, Babilonia khaw la Hamath khaw la tuiyung khaw gui la tuinu ah khawtang khaw gui ung om shüt ci gui ah kyak ci.

ISAIAH 1:9

M’gäi ciah Bawipa naw chang amshah kä ak pawih nak vai sü ung, Sodom la komorrah ah mäih ah Jerusalem cu avan ah m’di khai süte.

SAM 106:47

O Bawipa kami Khanpughi, na hun gui ä, chang khuihei gui ah ng’lung ungka na k’plawk ba gui ä, cun ah kyasei keimi cu yeikyai ne, nang ming theing kami m’taam khai.

SAM 69:35

Ani naw Jerusalem cu hun ne, Judah kho gawnu gui phi sa ba khai. A chang gui cu acun ah khaw ung om u ne, cun ah khaw cu khäm khai gui;

SAM 67:1

Khanpughi, na chimgein gui ne, hriham na pe gui ä; na k’dük nak awn na teng gui ä,

THULÄÄN NAK 32:43

Chang pakhui gui, nangmi naw Bawipa ah chang gui cu nami m’tam khai, Ngami ngawn gui cu avan ani naw m’kyuk khai. Ani naw aga gui ah khan ah phu tuk ci, A chang gui ah katnak cu geinsei gui ci.”

THULÄÄN NAK 28:13

Bawipa nami Khanpughi naw nangmi cu pakhui gui ung alu ah ning pyang gui khai, ang mei ah kä nami kyak khai. Ang täi sei nami bä mang khai, kä nami shum shäuh khai, kei naw tuhngawi ka ning pek gui ah ani ah ang thumkhän avan cu bekhüt ne nami läk ung cun ah nami kyak khai.

JEREMIAH 3:23

Khomhtung khan ah khungzo kami khawihnah ah phäh ah keimi a i naw kä na m’htei gui ci nei. Israel gui m’htei gui cicu Bawipa kami khanpughi bäng ung ka lawk ci nei.

JEREMIAH 20:13

Bawipa ah ng’äi m’cu vä! Bawipa cu m’hlüm tai vä! Ani naw chang ah shedam nak gui cu, changshe gui ah huham ung ka gung gui ci nei.

JEREMIAH 31:12

Ngami cu Zion m’htung ah law ne yei ne ng’äi m’cu khai gui, kei ah m’cümhnah awn lünlawi khai gui — Cun ah m’cümhnah cu htang, sapyit tui olive situi la Htome, seipat gui ah kyak ci. Ngami cu tui shawk akni ah mäih ah kyak ci. Ngami cu tui awn akni ah shawi ah dum ah mäih ah kyak khai gui; Ngami naw ami ng’ yak phung gah khai gui.

NG’ÄI KYAH 1:1

A i ah kyasei Jerusalem a mät a omdam ang? A cau chang gui be ne om man te ci nei. Khaw ah ka ung ami m’tamkhah man, Ani cu tuhbäi hmei nu ah mäih ah kyak ci. Mang gaw gui ung chang bä pikbäih man gui cu, changshäm ah kyak ci gui nei.

SAM 126:2

Mikmi cu a i hlawk ah mi gaih ne, a i hlawk ah yei ne ng’äi mi m’cu ci ang? Chang khuihei gi naw mikmi ah mawng pyen u ne, “Bawipa naw ngami ah hmawk ah a küikyang ah bi bik ci nei” cik ci gui.

ISAIAH 52:8

Mang gaw ngäng ci gui cu m’lau ci gui, atäng ah yei ne m’lau ci gui! Zion ung Bawipa a law ba cu ngami naw ami mät ah mik awn hmuk ci gui nei!